Yakobo 4:4 - Biblía Axweesantá Hhohho' ar Mungú 2004

⁴ Kuungá' fuquúse, kuungá' kaangwí u xua'aakáhe? Hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' mulqi'iimár tlehhiít dír múk aa haratlintii'iiká, inós tin wakusmoó Mungú tlehhiit.

Ya/abtór hho' 1977

⁴ Kuungá' tunda inkihhimu wásl! Kuungá' a xua'aakáhe gídaabá, hee bar mulqumoó múk aa haratlintii'iiká, inós a wakusmo dír Munguhe. Gawaá adoorihe heedaádá' ga slaá' tawa mulqumoó múk aa haratlintii'iiká, inós tin wakusmo tleehhiit dír Munguhe.

Yakobo 4:4 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

WARA'AMI 21:8

Waawutámo, kuúng wakuuseerók sleémeero a ohiín, dakók oo doó /iyáy kudá' kuúng u ahhiitá' gi ohín.

WARA'AMI 50:18

Barnaxes fisusmo ugwa aán, an mulqumoowók, slám nee fuquuse an aldinku'uumisá'.»

WARA'AMI 73:27

Asma mukdá' taa paraatl nee kuúng ta qwaar, kudá' sleémeero inkihhimuú kooma'aaká diroge in qwaarés.

ISAYA 57:3

Ala kuungaá diirií tseewuwaare', kuungaásaá na/aá da/aluuso'o, xwaylár fuquso'o nee tsaatuso'o.

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

YEREMIA 9:2

Masók dír hotaaeé' baraá xaanxaywo i deer tidá' aauuse i qaqatatiin. As muk'eé' nguwa geexaw nari diya/aát, asma inooín sleémeero an fuquuse, nee múk nee /aytuuse dinku'uumisá'.»

ESEKIELI 16:32

Kiíng a harér tsaatuso'o, tidá' hhawaataá hatlá' dahamiis baraá do' kitángw hhawaatuuwós wa aleeró.

HOSEA 3:1

AAKOÓ MUNGÚ ina báy, «Tláw malé ale, /ameenír hhawaatuú hatlá' i slai slaeek, inós a fuquso'o, asma adoorí an adór AAKOÓ MUNGÚ múk Israeli ngura slaá', inooín tam ngwaa geexay'i munguaá' hatlá' ngiri i warqayé', nee ngiri mikaátér sabiíbuú kaaharén i hanmiisiyé', aluuwo inooín mikaáteedá' ngiri haayusiyé'.»

Matayo 12:39

Giri báy, «Qartá tlaakw nee ar tsaatuuse i layár leelehhít. Ala layár ta slay i káhh, aqo har layár aarusmo Yona kilós.

Matayo 16:4

Qartá tlaakw nee ar tsaatuuse i layár leelehhít. Ala layár ta slay i káhh, aqo har layár Yona kilós.» Giri geexáy iri quútl.

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Luka 19:27

Ala wakuuser'eé' tidá' diirí huwaare', tidá' aníng iga si' ngiwa sawaawuti'ii'iim. Nee ki dír geeraaeé' wa tsu/á'.› »

Yohana 15:19

Kuungá' geera bar muk'ín, inooín geera kuungá' nu slaiyá'. Ala daxta kuungá' a muk'ineeká, asma adoodá' án kuungá' nuwa tsawaár baraaín wa ale. Gawaá adoorihe múk aa haratlintii'iiká kuungá' nu aahh.

Yohana 17:14

Án axweesantók aga dir'íní oó', nee inooín muu gaa aáhh asma inooín awa yaamuuwooká, adoodá' án tar heé yaamuuwooká.

Yohana 7:7

Múk aa haratlintii'iiká kuungá' nu aahhiiká, ala aníng iga aáhh. Asma án inooín in ádbabáw adór tlehhemi'ii'ín kir tlákw.

Rumi 5:10

Qoomár atén tawa wakuuse dír Munguhe atén tiri dirósí haraki/ís ar tseerér Garmaawós. Gawaá adoorihe atén haraxu'uti a ló'wa koomaán, asma hám daxta alaá haraki/isarene atén ti ba/amis ar slafiingós.

Rumi 8:7

Asma heé heeuumarós ar tlakweema ga eeharahár, inós nee Mungú a wakaari. Asma heeuumarós hara'ayár Mungú ga iialooeemiská, nee slám ga aleesleeraaká iialooeesaro.

1 Korinto 1:20

Gawaá adoorihe heé sagalooár koóm i diimá? Nee intsaahhatusmooduú hara'aya i diimá? Nee slám heé tlaampa'aamis gu baál i diimá de'emaakae? Ahaá, Mungú sagalooár múk baraaká' yaamu gaa laqáníke adór tar dakti'iima.

1 Korinto 1:21

Asma Mungú gana slaá' baraá sagalooarose, muu inós munguwa tsaáhh ar sagalooar'ín ar kilá'. Gawaá adoorihe inós kwasleema gari tsaát kilós alé as mukdá' haratlintaatií' kuwa ba/amisi ar axweesantadár dakti'iima, tidá' atén ta alki/iitaan.

Galatia 1:10

Kuungá' ka xua', aníng axweesanaywí un axweésa, as muu aníng iwa ya/an, laqaá Mungú? Kuungá' ka xua' aníng gár ni leelehhiit a sla'atisár múko? Án barnaxes tam hamí a kumiít muu nguwa sla'atimis, daqaní aníng a sagadiyusmoó Kristowooká.

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.