Yakobo 3:9 - Biblía Axweesantá Hhohho' ar Mungú 2004

⁹ Atén Mungú, kudaáduú Aako nee Baabá, un diidi'iimisaán ar tsifraangwí. Slám ar tsifraangwí oo kilae mukdá' taa tleéhh ar slaqsoó Mungú un lu'umisaán.

Ya/abtór hho' 1977

⁹ Atén Mungú, kudaáduú Aako nee Baabá, un diidi'iimisaán ar tsifraangwí. Slám ar tsifraangwí oo kilae mukdá' taa tleéhh ar slaqsoó Mungú un lu'umisaán.

Yakobo 3:9 Iomraidhean Croise

IIMU/UUNGW 5:1

Gaarí an umér xwaylár Adam. Baldá' Mungú hee nguwa tleéhh, guna tleéhh ar slaqsoó Mungú.

IIMU/UUNGW 9:6

Heé tseerér hee gaa ku'uus, tseereerós sleeme kan ku'uus nee hee, asma Mungú hee guna tleéhh ar slaqsaywós.»

2 SAMUELI 16:5

Qoomár Daudi iwa hardáh Bahurimu, heeko wák nina hardáh oo baraá gixsár daáh, oo tlahhoó Saulo. Umuuwós a Shimei garmoó Gera. Shimei iwa amór Daudi kay, guri loohi lu'umaamís.

2 SAMUELI 19:21

Kár, Abishai, garmoó Seruya, iri oó', «Xáy, i ganá'ke Shimei kuwa gaasi. Asma inós heé AAKOÓ MUNGÚ aa tsawaár guri sliík ar di/i, guna lu'ús?»

1 QOM'I 29:10

Aluuwo Daudi AAKOÓ MUNGÚ gway diidi'iís dír geeraá muu sleémeero wa ale, iwa kaahi, «Aá AAKOÓ MUNGÚ, Munguú taati'iirén awa Israeli, kuúng tu diidi'iimaamisi ay alhhe'eesay wasle.

1 QOM'I 29:20

Daudi muu sleémeero gway báy, «Gimsé', AAKOÓ MUNGÚ, Munguúhúng diidi'iisaak.» Mukdaádá' AAKOÓ MUNGÚ Munguú baabi'ii'ín ngway diidi'iisiyé', sager'ín ngiri xupu'usiyé', Mungú nguri sluufisiyé', AAKOÓ MUNGÚ nguri ilaiwawa/iyé' nee waawutmoowo.

WARA'AMI 10:7

Gár baraá afkose aa hats a lu'umis nee fola nee /ayta. Gár kuwa inslaáhh a axweesanoó tlákw nee oo tlií/ gun axwees.

WARA'AMI 108:1

Muunaáeé' ku amohhoó', Mungú, muunaáeé' ku amohhoó', a daá', kuúng uwa sa baraa/! Garmoó heewí tlawáng!

WARA'AMI 145:1

Aá Munguúeé', kuúng an waawutmooeé', án kuúng u iiatleés. Umuuwók un diidi'iimaamiís ay alhhe'eesay wasle.

WARA'AMI 145:21

Afkwe'eene xirfuú AAKOÓ MUNGÚ u alki/iít. Kudá' hiinslá' sleémeero umuuwós kudaádá' hhoohhoó' ngu diidi'iimisiye' ay kureeraá kureér.

WARA'AMI 16:9

Gawaá adoorihe daxta muunaáeé' i qwalalaa/, nee aníng a baraá/, slám slaqwtaeé' ka saxmaár.

WARA'AMI 30:12

Daxta án kuúng u diidi'iimiís ar muunaáeé' sleémeero, slám a baloó xasliitaaká. AAKOÓ MUNGÚ, án kuúng un sluufmiís ay kureeraá kureér.

WARA'AMI 34:1

Aníng AAKOÓ MUNGÚ u diidi'iimiís qooma sleémeero, inós afkwe'eene u xirfayeemiís daqisleém.

WARA'AMI 35:28

Daqaní aníng gan'amuuwók u alki/iít, nee xirfuuwók u axweés tlaatla/aangw sleémeero.

WARA'AMI 51:14

Aá Mungú, Mungú ba/amusmooeé', ba/amisáng tseerdaá muu miwa ku'umiís, tsifrangw'eene adoodá' ira ba/amís an daá'.

WARA'AMI 57:8

Garmoó heewí, tlawáng, seése nee gidaandoóri, tlawaaré'! A daa'aán as da/aáw iwa daa/atuur.

WARA'AMI 59:12

Inooín masók ki ohín baraá daara/angw'ine. Asma afer'ine muruú tlákw ngun axweemamisiyá', slamí i lu'umisiyá' nee i lameemaá tlaaqiyá'.

WARA'AMI 62:4

Baraá axweesanto tin kaahi slayá', as kuwa dahhi dirós tidá' ilaiwa/ameero, inooín lama ngi saqwalaala/iyá', afer'ine /ayma'aá tsuuqaá koomá' kin kah, ala baraá muner'ine tan lu'umis.

WARA'AMI 63:4

Án kuúng un diidi'iimiís baraá slafingw'eé' sleémeero, dabaaeé' i gáwtí tleés as kuúng uwa firiim.

WARA'AMI 71:24

Aníng gan'amuuwók un alki/iít tlaatla/aangw sleémeero, asma kaa mureekeés nee kiri niqmís kudá' aníng i gár tlaákw i sla'á'.

DAHARUSMO 7:22

Kuúng sleeme baraá inslawaywoge a xú' adór kuúngú kilá' múk hatlá' kura /ooslaasliín.

ISAYA 29:13

Asma Aako i kaahi, «Mukwí aníng in sluufmisiyá' ar afér tawo, nee in xirfayeemisiyá' ar axweesanoó tawo, siwaadár kilae muner'ín ka sawen dir'eene, nee aníng in ilaiwawa/iyá' ar hara'ayár taa dir'íní intsaahhatís nee muu.

Matayo 26:74

Petro lo'o gari huúw iri oó', «Án heesíng burqo xuú' ni gwaá'.» Siiwadár kilae konkomo iri uú'.

Matayo 5:44

Ala án nu baw, wakuuserhúng sla'aak, nee kudá' kuungá' nu slahh'eemiisá' aleefiririimaak,

Tlehhema'aá ya/Abuuse 2:26

Gawaá adoorihe muunaáeé' iri qwalalaá/, aníng niri baraá/, slám niri hoót ar harahhifo.

Rumi 3:14

Afer'ín gár iwa háts a lu'umis nee afa tli/a.

1 Korinto 11:7

A hariímaarooká hhawaata saga nguwa tuntuuki, asma inós a slaqsoó Mungú nee xirfuú Mungú. Ala /ameeni inós a xirfuú hhawaata.

Efeso 1:3

Mungú i xirfuuti, Baabuú Aakoorén Yesu Kristo. Inós atén tina tsuúq ar baraá Kristo ar tsuuqa sleémeero awa Qeeru, awa gawaá doori.

Yakobo 1:27

Diínír hhoohhoo', ar slasla/areeká dír geeraá Mungú Baabahe, a tí, panaay nee /ameenár kwaeeli kiwa amohhe'eemisa' baraá slahh'amuuine, nee kuungá' tiwa harmagahha' nee tlakweemaá yaamu.

Yakobo 3:10

Gawaá afkwihe gár ti'imiit a tsuuqa nee lo'o. Gawaá adoorihe hhaee'eé', muruú adór kwí miwa tleehharuút.

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír, qoomár Yesu Kristo nguwa waaslee/atís baraá múk aa qaátl wa ale, as atén harahhifór slafiingw kawa slawaan,

HAR'OHUUSE 9:27

Nina tlayé' ay baraá qamaá sabiíbu, difaái ngiri tleehhiyé', deelór ur ngiri tleehhiyé'. Nina dahiyé' baraá doó munguúín, niri /ayné' nay wah'né', Abimeleki nguri niqisiyé'.