Yakobo 3:6 - Biblía Axweesantá Hhohho' ar Mungú 2004

⁶ Nee tsifraangw a adór asla. Inós a adór yaamaá naa hatsiye' tlakweemaawo. Inós i baraá slaqoorén i dirii', an kudá' slaqwa sleémeero ga tlakweemár a'áw, slafiingw sleémeero guri asltí oohiis, nee inósuú kilá' asltós amór i dahh a baraá asltá daqisleém.

Ya/abtór hho' 1977

⁶ Nee tsifraangw a adór asla. Inós a adór yaamaá naa hatsiye' tlakweemaawo. Inós i baraá slaqoorén i dirii', an kudá' slaqwa sleémeero ga tlakweemár a'áw, slafiingw sleémeero guri oohiis ar asla, nee inósuú kilá' asltós amór i dahh a baraá asltá daqisleém.

Yakobo 3:6 Iomraidhean Croise

2 SAMUELI 16:20

Kár Absalomu Ahitofeli guna báy, «Ma oiín, adór ta laqaan.»

2 SAMUELI 19:43

Múk Israeli múk Yuda guri mu/aywaáts, «Atén a gan'amuú koomaán sagaáwa mibaangw daanduú waawutmoowo, kuungá' ba/a, tam daanduú Daudiwo sleeme. Asma milá, mista waaqaé'? Xáy, a aténeéke múk aa geerií oo' waawutmo kungu ki/isi?» Ala axweesanoó múk Yuda i xaraasl ta axweesanoó múk Israeliwo.

2 QOM'I 13:17

Abiya nee slaqwaruuseerós slaqwaruusér Israeli kari ló'wa tsuú/. Slaqwaruusér miguuse ar Israeli kaa tsuú/ a kume tsiire kooán.

WARA'AMI 140:3

Tsifreeri'ine in tsu/uutiyá' adór dayshamoó qarkuú koóm, Baraá afer'ine gár ti'iimiit a qarkuú dayshe.

WARA'AMI 64:3

Kudá' afer'ín ngaa duuqiye' adór tsati'ií wa ale, /ayma'aá afa tli/a ngin tlaquutiyá' adór maheeri.

AXWEESANOÓ SAGALOOA 15:1

Heé aa buuhh burkwa mu/aywaáts ar tsaeema buuhhtaawós gin máy, Ala afaatli/a i buhhtaá dogít.

AXWEESANOÓ SAGALOOA 16:27

Heé tlaákw aqo tlakweema gin qoomeemees, Axweesantós sleeme a adór asltá xaraasl.

AXWEESANOÓ SAGALOOA 6:19

Lamabu'usmoó lama, oo lama iwa tawó tluwit, nee heé múk harauhmís.

AXWEESANOÓ SAGALOOA 7:5

Daqaní kuúng u tu/iyá' dír /ameenír sli'imuso'ooro, uri ar guwiyá' dír dahaayo'ór axweesani tsuua.

ISAYA 30:27

Ga/aawaak, AAKOÓ MUNGÚ ni amór saáw wa tláy. Aa daa/atúy buhhtaawo, nee quuír yaariire, afkós aa haáts xarasleemawo, nee tsifrangós a adór asltá /ayiim.

ISAYA 50:11

Ga/aawaak, kuungá' sleémeero awa asltá oohamiisá', awa tsaa'aaso ngaa oohiye', gimsé' hi'iimité' ar gwa/aateemaá asltahúng, nee ar tsaa'asorhúng tisíng taa oohisé' Aníng kuungá' gár nuy tleehh a tí, kuungá' tundu yaamií hhaaf ar slahh'ama.

YEREMIA 20:10

A axamiís muu iwa saasahhan daanduueene, aníng taa umií tsaát i babaya', «Dae tlaqa umuú bihhiwo.» Bahh'alé ta kaahi, «Tlawsé', sakwasleemutaak! Qwalaas, u sakwasleemutaán!» Mulqer'eé' sleémeero i daamaraán iwa kat, «Doóqa i tapiis, atén daqaní li/aay un buaán.»

YEREMIA 28:16

Gawaá adoorihe AAKOÓ MUNGÚ i kaahi, ‹Aníng kuúng u hingeés baraá daanduú yaamuwo. Kuúng kurkú kilae an gwá', asma muu ugwa al/ák, AAKOÓ MUNGÚ nguri si'iyé'.› »

TLAHHOÓ LAÁWI 24:11

Looarka wake garmaadá' aayorós ta bay Shelemoti, dasír Diberi, ar tlahhoó Dani, umuú Mungú guna /ooslín, nee guri lu'ús. Naagáy muu masoomoodá' guri huúw dír Mose.

FAARO 25:2

/Ameenarír Moabu múk Israeli guna dah'ís tawa dinku'uusi ilahhooár muruú ta tsu/i ngiwa hanmiisiya' dír munguaá hatlá', múk Israeli muruú /aymaadá' kuri /aáy nee munguiidá' ngiri sluufmisiyé'.

FAARO 31:16

Iinslawiimé' adór /ameenarí kángw Bala'amu ngura iiárií qás, múk Israeli nguri al/ayiyé' amoodár Peoriro, AAKOÓ MUNGÚ nguri si'iyé', múk AAKOÓ MUNGÚ tiqtír pu/i guri uhiín.

Matayo 12:24

Ala múk Farisayo adoodá' ngiwa axaás tari oó', «Kwí bir neetlaamér duxun, gár ngir duxun a /uuruú Neetlángw úr kudá' ta bay Be'elsebuli.»

Matayo 5:22

Ala án kuungá' nu baw, ‹Umuúqo heewo oo hhiyaawós gwa i buuhh, gár kuwa hariím a kun sakwasleemuut.› Umuúqo heewo oo hhiyaawós /ooslisliím, gár kuwa hariím kun huuw dír doó sakwasleema. Nee umuúqo heewo oo hhiyaawós gu babáw, ‹Kuúng a daktani›, gár kuwa hariím asltá baloó gwaa'aaká gun /ák.

Marko 7:15

Gár hee i /ayi, gu meetagaská, ala tidá' baraá muunuú heé daahh, an tidá' gu meetagaas. [

Luka 16:24

Daqaarmoodá' iri tseé' amór Abrahamu iwa kaahi, ‹Baabá Abrahamu, án gurtlawáng. Lasaro ya/aaweek ma'aay ngi tikiisi ar diitsarós, tsifrangw'eé' ngu tse'eesi, asma baraakae asla i ló'wa slahh'eemís.›

Tlehhema'aá ya/Abuuse 20:30

Nee slám baraá tla/angwhunge muu i ti'iit. Mukwí looeema giri warqees as eeharuuse kawa amor'ín i uuruuxi, inooín kiri eehar.

Tlehhema'aá ya/Abuuse 5:3

Petro iri oó', «Ananía, ahaá, Neetlaangw muunaáwók musungwa hatsiís, tam Qeeruú hhoohhoó' oo Mungú kuri lamtá beér, nee hariímadá' taa sleér yaamu kiwa weerís kari bahh ilá/.

Tlehhema'aá ya/Abuuse 6:13

Lamabu'uusér lama kari sihhitís ar aa o', «Heewí diirí hhoohhoo', nee hara'ayár Mosewo, /ooslisliingo gi baloó maamayká.

DABE 13:6

«Barnaxes hhiyaawók oo kilá', laqaá garmaawók, laqaá dasiirók, laqaá hareerók tidá' handá' ta ló'wa sla', laqaá mulqumoowók kudá' ta ló'wa sla', un mihaayín ar baraá naaqo, iwa ooin, ‹Qwaláng, munguaá hatlá' i sluufmisuú awaán.› Kudá' handá' kuungá' ta xu'uká, laqaá baabi'iihúng sleeme,

Tito 1:11

Mukwí masók ku afe tseek. Asma inooín múk maraá muu ngun sageeqwaareemisiyá' as intsaahhasár lama ngiwa intsaahhatimisiya' ar mure wasl, as inooín slaasláw kawa slay.

Yakobo 2:7

Slám múk umuuhúng kwisíng hhoohhoó' oo Mungú naa haniís gu /oosliisliím a inooíneéka?

Yakobo 3:7

Asma umuúqo makaá dimbadimbehe, nee tsir/o, nee ya'aawasle nee makaá baraá tlawtí diriiá', de'eengo ki aleesláy, slám kaa qaroó de'én nee muu.

2 Petro 3:3

Gár har geeraá ar xu'utír wa hariim a tí, deeloodár alhhe'eesaywo muu ni hardah oo ilatleerir'ín eeharahár. Inooín kuungá' nuri niqimisiyá',

3 Yohana 1:10

Aníng bir na hardáh, kangós kudá' aa tleéhh ngu dirhúng i alki/iít, adór inós axweesanoó tlákw oo dakti'iima ngura daanduurén i aaín. Slám a har tiheeká, asma inós hhae gina sií' ilaooharo, tam mukdá' gi ilaoohár wa slaá' guna ilaá/ sleeme, guri paraátl dír múk kríshaanayhe.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 13:14

Nee inós múk baraá yaamuú wa hoót gun paslimís ar layuuwós kudá' i tlehhit dír geeraá makiito'oodár geeraá wa ale. Inós mukdá' baraá yaamuú wa hoót gun babeer, «Murslaaqat tleehhaak oo slaqsoó makiito'oodá' taa inkaahhi'ií qaás ar paánga, nee iri male sláf.»

Geehhoeemaá 18:23

Nee slám gwa/aateemaá tsaa'asi ki baloó ariiká baraawoge. Nee afór garmoó duuxuxuúm nee ar dasír ta duxuuti ka baloó axaasiiká baraawoge malé alé. Asma mukók kudá' halaanu'uumár tleéhh, inooín a múk aleesleemuú koóm baraá yaamuwo, nee xoordu sleémeero kina al/agín ar da/ariwók.»

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.