Yakobo 3:2 - Biblía Axweesantá Hhohho' ar Mungú 2004

² Asma atén sleémeero a dakumaamisaán baraá muruú yaariire. Heé dakumiisaaká baraá axweesanto, inós a heé ganaá', a heé slaqwtós sleémeero ila/aro ga aleesláw, nee geeraharto.

Ya/abtór hho' 1977

² Asma atén sleémeero a dakumaamiisaán baraá muruú yaarire. Heé dakumiisaaká baraá axweesanto, inós a heé ganaá', a heé slaqwtós sleémeero ila/aro ga aleesláw, nee geeraharto.

Yakobo 3:2 Iomraidhean Croise

1 WAAWITÁ 8:46

«Bar tlakweema ngaa tleehhiyé', asma heé tlakweemaá tleehhaaká i kaahh, kuúng bar iga i búhh kiri arbaá/ nee wakuuser'ín, kiri haasaáng wa huúw baraá yaamaá wakuuse, baraá yaamaá saawá' laqaá awa tseewá',

2 QOM'I 6:36

«Barnaxes mukók ugwa tlakweemií tleéhh, asma heé dakumamisaaká i kaahh, kuúng kiri i búhh, kiri qás gawaá dabaá wakuuser'ín kiwa arba/i, aluuwo kiri ar tláy yaamaá saawá' laqaá awa tseewá',

YOBU 15:13

tam Mungú kuri qítl si'iimaawo nee /ayma'aá tlakw awa adór kwisingá' kiri qítl ooaro.

WARA'AMI 34:13

Tsifraangók ila/eek dír muruú tlakwe, nee fola maweek.

WARA'AMI 39:1

Ana oó', «Inkihhimu un tleéhh baraá muruudá' ni tlehhiita, as kahhó' mawa dakuús. Afkwe'eé' un har óh, qoomár múk tlákw bira haratseewúy.»

AXWEESANOÓ SAGALOOA 10:19

Dír axweesanoó yaariír iwa deér tlakweema i kahhiaaká, ala heé afkós gwaa har'oh i daharuú kón.

AXWEESANOÓ SAGALOOA 13:3

Heé afkós gwaa harmagaahh slafiingós gu ba/amis, Ala heé afkós gwaa algeemay i qwaar.

AXWEESANOÓ SAGALOOA 20:9

Heé /aymuuwí ooaro gu qiítl kwí káh, «Muunaáeé' ugwa hhoohhooeés. Tlakweemaaeé' sleémeero iga hheehhe'eés.»

AXWEESANOÓ SAGALOOA 21:23

Heé afkós nee tsifraangose gi il/aám, a tin kilós /iimiis baraá slahh'amko.

DAHARUSMO 7:20

Heé gan'amuú koóm tumu wák i kaahh baraá yaamuwo, oo hhooeema gi tlehhaahhiít tam tlakweema gari tleehhiiká.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

TLAHHOÓ LAÁWI 13:39

kaahamusmoó Mungú heewí ngu xuuxuui. Barnaxes a deeír tawo ar baraá slaqwtós gár niinawe bar ka lak /awaak, daqaní heesíng ku hhoohhoó'.

Matayo 12:34

Kuungá' xwaylár dayshe, kuungaásingá' tlakw, adór axweesanoó hhó' kur axwesá'? Asma hee gár i axweesi a tidá' muunaáwós iwa hatsi.

Matayo 12:37

Asma kuúng tu gan'amií harafaar as axweesanaywók kudá' taa axwés, laqaá kuúng tu sakwasleemuut as axweesanaywók kudá' taa axwés.»

Rumi 3:10

Adór kara gooín tawa kaahi, «Heé ganaá' i kaahh tumu wák.

Rumi 7:21

Gawaá adoorihe aníng aga tsaáhh hara'ayaarí aníng in sa waawuti'iín asma tidá' hhoo' a slaá' tleehhamooro, ala gár aníng i iihardarah an tidá' tlaakw.

1 Korinto 9:27

Asma aníng gár ni tuu'uut a slaqwte'eé', nee slaqwte'eé' ngiri baál, as masók anuúwí Ya/abtór hhó' alki/aa/iít amór múk hatlá' i alé, aníng mitiwa sií'.

Galatia 3:22

Gooi ngaa geehhooés alki/ituuwo adór tlakweema nira baaliné' dír muu sleémeerowo. Adoorí kana geehhooeés as kahhó' mukdá' Yesu Kristo gwa haratlintii', aalidá' taa al'axweés kawa slay.

Galatia 5:17

Asma slaqwa kángw i ilatleerus a kudá' Qeeru i slaiiká, asma Qeeru nee slaqwa tin tlaampa'aamisiyá', tam kuungá' adoodá' ta sla'a' a aleesleera'aaká tleehhamooro.

Kolosai 1:28

Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as kahhó' kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

Yakobo 1:26

Hee bir kaahi, «Aníng a diínír koóm,» ala inós tsifraangós gu il/anká, heewí a muunaáwós kilós gun al/agín. Diínír heé adoorí i hariindaaká.

Yakobo 1:4

Ala qiqtliingw gadiyér ganaa' ngi tleehhi, as masók kuungá' tawa múk ganaá' baraá umuúqo gaaro, nee tawa múk qoóm, slám kuungá' gár nuwa /aaruw i káhh.

Yakobo 2:10

Hee bar dabe sleémeero gaa óh, ala hara'ayár wák gari sií', inós dabe sleémeero gaa sií'.

1 Petro 3:10

Asma kaa gooín, Umuúqo heewo oo slafiingós gu slaá', nee oo deelór qwal/amaaye ga leelehhiít, inós tsifraangós ngu ilaa/i tlakweema mingiwa oín, nee afkós ngu ilaa/i lama mingiwa káh.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.