Yakobo 3:14 - Biblía Axweesantá Hhohho' ar Mungú 2004

¹⁴ Ala kuungá' barnaxes da/itá tlarara/aay a koondá' baraá munerhunge, nee barnaxes ti kiloohúng sla'á', ma daara/aamara' tiwa kiloohúng xirfayeemisa', lama kari tsatá' daanduú looeema.

Ya/abtór hho' 1977

¹⁴ Ala kuungá' barnaxes da/itá tlarara/aay a koondá' baraá munerhunge, nee barnaxes ti kiloohúng sla'á', ma daara/aamara' tiwa kiloohúng xirfayeemisa' ar lama, looeema kari siá'.

Yakobo 3:14 Iomraidhean Croise

IIMU/UUNGW 37:11

Hhaeewós gur'e giri ohiín, ala baabuúwós muruuwí sleémeero guri baraá muunaáwós i qaás, as nguwa aldakwi.

IIMU/UUNGW 38:9

Onani ngiwa tsaáhh adór na/iidá' i laqwaali tar koseeká, qoomár iwa hardáh dír harér hhiyaawós, adór Tamari tsiihaay nguwa otká gari tleéhh, doó hhiyaawós guri sií' tleesaro.

2 WAAWITÁ 10:16

Guri báy, «Gimáy aníng eeharáng daqaní a aán adór aníng nir inkihhimuú koóm dír geeraá AAKOÓ MUNGUHE.» Naagáy tari al'aa'aá káy gawaá gaárirós ar aleeró.

2 WAAWITÁ 10:31

Ala Yehu hara'ayár AAKOÓ MUNGÚ, Munguú múk Israeli gaa iialooeesiiká ar muunaáwós sleémeero, kitaangose inós loohidár Yeroboamu kudá' múk Israeli gwa qwaarees baraá tlakweema gana eehár.

YOBU 5:2

Ar tsuwa ló' heé daktani daawitame gu gás, nee heé baraawásl da/i gu hhaamís.

AXWEESANOÓ SAGALOOA 14:30

Muuná burku amohhoó' slaqwa i mét, ala ilatleerír tlakw fadu gin tsutsu'ús.

AXWEESANOÓ SAGALOOA 27:4

Buhhta i xaraasliyá', slaqwara i tsu/út, ala da/i in ak xarásl ta muruuwí sleémeerowo.

ISAYA 11:13

Da/itá Efraimu i fák, nee kudá' Yuda ngu dae tlaaqá' ki amór saáwí hingees, múk Efraimu i tloomaatlonká as múk Yuda, múk Yuda oo Efraimu gu daetlaaqiiká.

HABAKUKI 1:3

Waáy, mihar muruú tlákwií laqaqaán nee slahh'amuwo, asma hhita nee /aytaro i dír geeraaeé' dirii'iyá', slám gila nee afo tlaxungo naa /eetiyé'.

Matayo 27:18

Asma inós gaa xuú' adór gár Yesu kungu sa duúx tar da/i.

Yohana 16:2

Kuungá' tundu baynitis dír maraá saalingo. Slám qooma i hardát ar umuúqo heewo oo kuungá' nu tsuú/, ngiwa xui i Munguú sagadiyuus.

Tlehhema'aá ya/Abuuse 13:45

Ala múk Yahudi boo/aydá' nguwa ár, da/i giri eér. Tari tlaampa'amisiyé', tari /ooslislín, axweesanaydá' Paulo aa káh kuri sií'.

Tlehhema'aá ya/Abuuse 26:9

«Anuú kilá' geera ana haraxuú' adór tar gár aníng wa hariim mura' sleémeero nguwa tleehh, kudaádá' Yesu Kristoó Nasareti gu baáq.

Tlehhema'aá ya/Abuuse 5:17

Aluuwo kaahamusmoó úr oo Mungú nee mukdá' nee inós ti alkoomá', kuduú bartá múk Sadukayo tari sihhiít, gur'e giri ohiín,

Tlehhema'aá ya/Abuuse 7:9

«Bariiseerén tidá' gur'e gari ohiín as Yosefu, kuri weeriís as kuwa huwi yaamaá Misri. Ala Mungú i dinkwa nee inós.

Rumi 1:29

Inooín tari haáts daa'aweemaá tlakweemaawo, ilatleerír peésa, nee hheehha nee tsaatu'uuma. Tari haáts da/ito, nee tsu/uta nee gila, nee al/ayma nee fola. Tari kaantín,

Rumi 13:13

Atén masók an hootaán ar ilaiwa/ame ar adoodá' hotaá tlatla/aangw kiwa hariím. Ala mawa hootaán ar hheehha nee xufta, laqaá ar tsaatu'uuma nee ar slafíngw slasla/arén. Nee slám mawa hootaán ar gila nee da/i.

Rumi 2:17

Xáy kuúng a adoomá? Kuúng a daara/aán asma tawa heé Yahudi. Kuúng gár ta i tliintí' a hara'ayár Mose. Nee slám kuúng an daara/aán tawa kat, «Aníng a heé Mungú.»

Rumi 2:8

Ala awa hatlá' a múk qahuuse nee kudá' looeema ngaa si'iye' as muruú tlákw nguwa eeharahariya', Mungú buhhtaawós nee xarasleemaawós ga ku'uus gawaá múk adoorí.

1 Korinto 13:4

Sla'aari i qiqtliín, i hhooeemaá tlehhít. Sla'aari i da/itá koondaaká, sla'aari i daara/ángw koondaaká, ti kilós xirfayeemiská.

1 Korinto 3:3

Asma tam hamí kuungá' a hotaatiindá' ar adoodár múk Qeeruú koomaaká ir hotaatin. Asma baraahunge da/i i deer, nee kaangaani. Gaarí gár i laqaaqaan a kuungá' heeuumarhúng tidár tlakweema an eeharahadá'aáke, nee an hotaatiindá'aáke ar adoodá' múk baraaká' yaamu ir hotaatin?

1 Korinto 5:2

Ala bar adoorí, kuungá' gár ta daara/aanda' a milá? A tsiní alók geeraawo barnaxes ana gurhaamuté'. Heé tlehhemuú adór kwí gu tlehhiít gár kuwa hariím a kun paraatl dír múk kríshaanayhe.

1 Korinto 5:6

Daara/angwhúng kwisíng i harinká. Kuungá' a xuá'aáke, «Gadaádá' mikaáte kar sluuftimaamisi tam ka niiná, xwaanteedár mikaáte sleémeero aqo gan sluuftís.»

2 korinto 12:20

Asma aníng gár ni da'ayumiit a tí, án binda amorhúngií hardáh, án kuungá' adoodá' nur slaa' dooqa nu adoodá' i awaaká. Nee slám a da'ayumiít as kuungá' aníng iwa aanda' ar adoodá' kuungá' ta sla'a'aaká. A da'ayumiít dooqa án kuungá' dír ni aw a baraá gila, nee gur'e nuwa ohiin, nee xaraasleema, nee fola, nee tloqmis, nee kaantiingw, nee daara/aangw nee tlaahhi.

Galatia 5:15

Ala kuungá' miti a'aawara' tiwa kikihha' nee tiwa tlu'uunda', asma adoorí bara tlehhé', ti kiloohúng hhaamisá'.

Galatia 5:20

nee slaqsa'aá mungui kiwa haratlintaati'i, nee da/ari, nee wakaari, nee gila, nee da/i, nee buhhta, nee fola, nee tlaahhi qamiingw, nee partlito,

Galatia 5:21

nee tloomatloong, nee oonitime, nee hheehha, nee muruú hatlá' oo nee kwí slaqamiimís sleeme. Adoodá' naa qaroó geerií oó' dirhúngií alé, ngin malé oó', niwa kah, múk adoorí /imaamiís, waawuti'iimár Mungú ga baloó aaliiká.

Galatia 5:26

Atén xirif muwa leelehhiitaán tam atén tiri kiloorén giirimiisaán nee tari tloomatloomaán.

Galatia 6:13

Asma tam mukwí al/utlór iinuús, inooín awa kilá' hara'aya ngi iialooeemisiaaká. Gár inooín i slaiya' a masók kuungá' tundun al/utlín as kahhó' inooín tiwa kilooín xirfayeemiisiya' as al/utlorhúng.

Filipi 1:15

Muu bahh'alé i deer oo kángw iidíguú Kristo gu alki/iít as da/i nee gila, ala tam adoorihe awa hatlá' i dayá' sleeme awa kángw Kristo ngu alki/iitá' ar muunuú hhoó'.

Filipi 2:3

Umuúqo gaaro ma tlehhiitara' ar fola, laqaá ar daara/aangw. Ala masók umuúqo heewo tin kilós niinaweemiis.

1 Timoteo 2:4

Inós muu sleémeero gu slaa' iwa ba/an nee looeema ngiwa xuiya'.

1 Timoteo 6:4

heé adoorí i daara/án, nee slám gár i xui i káhh. Heé adoorí gár i slai ka tlaakw, asma inós gár i slai a tlaampa'amisuú axweesani nee kaangaani. Nee muruuwí gár ni huwi a da/i, nee gila, nee daanda axweesani, nee inslawoó tlákw daanduú heewo,

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.

Yakobo 1:18

Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.

Yakobo 3:16

Asma didár da/i iwa deér, nee muu tiwa kilooín slai, tlaahhi i kahhká, nee umuúqo tlehhema'aá tlakw i dayá' didaádae.

Yakobo 5:19

Hhaee'eé', heehúng bira qwaár baraá looeemaawo, nee bar heé hatlá' ngwa ki/ís,