Yakobo 3:13 - Biblía Axweesantá Hhohho' ar Mungú 2004

¹³ Baraá tla/angwhunge heé sagalooár koóm nee oo xu'utír koóm i deéro? Ala bir deer, inós gár kuwa hariím in hoot ar hotaá hhohho', nee sagalooarós ngi laqan ar tlehhemi'i, ar tsatsa'areemaadá' baraá sagalooár dahhá'.

Ya/abtór hho' 1977

¹³ Baraá tla/angwhunge heé sagaalooár koóm nee oo xu'utír koóm i deéro? Ala bir deer, inós gár kuwa hariím i hooti ar hotángw hhoohhoó', nee sagaalooarós ngi laqan ar tlehhemi'i, ar tsatsa'areemaadá' baraá sagaalooár dahhá'.

Yakobo 3:13 Iomraidhean Croise

YOBU 28:28

Mungú hee guri báy, ‹Ga/aaweek, Aako bur ilaiwaawá/ an sagalooa, nee tsaahha a tin parátl dír tlakweemaawo.› »

WARA'AMI 107:43

Múk sagalooár koóm muruuwí ku alqaytsiti, nee kawa tsaahhi sla'aarír warqawaaká ar AAKOÓ MUNGÚ.

WARA'AMI 122:8

As daanduú hhaee'eé' nee mar'eefoeene, aníng an oo' dír Yerusalemu, «Wayda masók i baraawók!»

WARA'AMI 149:4

Asma AAKOÓ MUNGÚ mukós gu sa qwalalaa/. Múk tsaén gun parootuus ar arba/ati.

WARA'AMI 25:9

Múk tsaén Mungú gu geerahaar baraá hotaá ganaa'a'a, múk tsaén gu intsaahhatis loohirose.

WARA'AMI 45:4

Baaliím, geera i kumiiteek ar /uuruuwók, looeema aleekalaa/eek nee tsaeema nee gan'amu, ar /uuruwoge muruú waa/oo/amo oo dae tlaáq u tléhh.

DAHARUSMO 8:1

Heé adór heé sagaloó' a heemá? Xáy, heé umuú gaaro adór i diri' ga xuú' a heemá? Sagalooa hee gu qwal/ás, nee gitsee/aá heé gurhaamuút giri warqés.

DAHARUSMO 8:5

Heé hara'aya ga iialooemiís nee gár tlaakw ti doogiiaaká, nee heé sagaloó' qooma ga xuu' nee kwasleemár ganaa'.

ISAYA 29:19

Múk tsaén qwal/uú tsuaaiím gun sláy baraá AAKOÓ MUNGUHE, nee múk narkuute iri ló'wa baraa/ as Kudá' Hhoohhoó' oo Israeli.

ISAYA 60:6

Yaamuuwók ki tuuntuuk nee daqtá angamía. Eeít damaá angamía awa múk Midiani nee Efa, nee sleémeero awa Sheba nin hardihiyá'. Inooín sahaábu nee mooyángw tsuú' ngun huwiyá', nee inooín xirfuú AAKOÓ MUNGÚ ngun alki/iitiyá'.

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

YEREMIA 9:12

Heé sagaloó' i deéro oo muruuwí tsaahharo gu aleesláw? Heé AAKOÓ MUNGÚ aa i axweés a heemá as kaangwí nguwa alki/iiti dír múk hatlá'? Ahaá waáy, gár yaamu nisa adoorír gwaaiyé', niri deewaiyé' tam gár baraadár waraahh iri káhh?

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

DANIELI 2:21

Inós qom'i nee siiwaduuwo gin warqeemiis. Waawitá gun gawaá kiteerií wa aweerimiis, oo hatlá' guri qamín, múk sageeloén gun sagalooár i hanmiis. Múk xu'utír koóm gun fuqurángw i hanmiis.

SEFANIA 2:3

AAKOÓ MUNGÚ leelehhaak, kuungásingá' tsatsa'aren sleémeero awa yaamu. Kuungaádá' hara'ayaarós aga eehade', gan'amu leelehhaak. Ti niinawese', doóqa tundu gurtláy bál deelór buhhtaá AAKOÓ MUNGUHE.

FAARO 12:3

(Mose a heé ló'wa tsatsaa'aár ta muu sleémeero oo baraakaá yaamuwo.)

Matayo 11:29

Taqwante'eé' gawaá sum'iihúngií qaasaak, dir'eé' wa intsatsaahhaak. Asma aníng ti tsatsaa'aár, nee muunaáeé' ku gurhhoó'. Daqaní kuungá' amohhooa a sleerá' baraá munerhunge.

Matayo 21:5

«Múk gixsár Siyoni bawaak. Ga/aawaak, waawutmoohúng ni amorhúngií hardáh. Inós ku tsá'. Aa tsa/án gawaá daqwaay, nee gawaá gwarendmoó daqwaay.»

Matayo 5:5

Múk amohhoó' a kudá' tsaén, asma inooín yaamu ngi aaliyá'.

Matayo 7:24

«Umuúqo heé axweesanay'eé' kwí gwa axaas nee adoodá' i kaahi gay tleéhh, a slaqás nee heé fuqurángw koóm, oo do'ós gwa tleehh gawaá daanduú tlaa/a.

1 Korinto 6:5

Gaarí a gár murér koom dirhunge. Heé sagalooár koóm baraá tla/angwhunge iqo káhhi, oo kwasleemár Krishaanmo nee kuqá' tsatto ga aleesláw?

2 korinto 10:1

Anuú Paulo kuungá' nun harhheehhe'eemiís, ar tsatsaa'areema nee ar hhooeema ar adoodár Kristo. Kuungá' a kata', aníng a heé da'ayusmo qoomár bar dír geeraahúngií dirií', ala aníng a heé xaraásl qoomár án bir ti saáw dirhunge.

2 korinto 8:24

Gawaá adoorihe múk kríshaanáy daxta ngi ari, adór kuungá' inooín kir ló'wa sla'á'. Nee ngiwa tsaahhiya' sleeme adoodá' atén naa ooaán adór tar ló', qoomár kuungá' nuwa xirfayeemisaán geeraaín wa ale.

Galatia 5:23

nee tsaeema, nee harqoomaay. Gawaá daanduú muruú adór kwihe hara'aya i káhh.

Galatia 6:1

Hhaee'eé', hee bira huú' baraá tlakweemakaarí alé, kuungaásingá' awa Qeeru heé adoodá' gan'aasaak ar tsatsa'aareema. Ala kuungá' kilá' ti harmagahhe', kuungá' sleeme mutunduwa iiara'ár.

Galatia 6:4

Ala umuúqo heewo gadiyeérós ngi kilós alqaytsiti adór kar hhoohhoó', nee ngi kilós xui baraá muunaáwósí alé, ala mitiwa heé hatlár qoomeemeés.

Efeso 4:2

Umuúqo daqto masók ti niinaweemisá' nee tawa múk tsatsa'arén, nee oo qiqtliím, tam tiwa sa qiqtliinda' ar baraá sla'aari.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Kolosai 3:12

Kuungá' a múk Mungú aa tsawaár, mukós oo hhohó' oo i slai. Gawaá adoorihe muunuú gurtleemu koomaak, nee hhooeema, ti kiloohúng niinaweemise', nee tsatsaa'areema koomaak, nee qiqtliingw.

1 Timoteo 4:12

Hee masoombi'iimarók mingiwa waaqaá', ala kuúng na slaqsaay tleehhiít dír mukdá' aa haratlintii'i ar baraá axweesanaywók nee baraá tlehhemi'iiwók nee slám ar baraá sla'aari nee haratlintaao nee hhohhoaari.

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

2 Timoteo 2:25

Slám masók inós a heé tsatsa'aár, qoomár bar i mukdá' inós tlampa'aamiís qwatsín. Asma Mungú dooqa mukwí gu hhu'u'úngw i haniis, nee looeema ngiri tsaahhiyá',

Tito 3:2

Inooín muu mukuwa daandeemo axweés, ala inooín masók a múk gilimaaká nee oo hhó', nee umuúqo daqto masók a múk tsatsaa'arén dír muu sleémeerowo.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

Yakobo 1:21

Gawaá adoorihe, slasla/aru sleémeero hingeesaak, nee tlakweema sleémeerowo. Axweesantadá' tinda baraá munerhúngií dahaás ilaoohaak ar tsatsa'areema, tidá' kuungá' ba/amisaro nu aleeslaw.

Yakobo 2:18

Laqaá daqtakaaro heeko i ooi, «Kuúng gár ta koon a haratlintaao, aníng gár ni koom a tlehhemi'i.» Ala gár án ni oo' a tí, «Haratlintaaoorók tidá' tlehhema'aá koomaaká laqaamang, adór tar haratlintaaór ló', nee daqaní aníng haratlintaaor'eé' ngi laqaám ar loohír tlehhemi'i, adór tar ló'.»

Yakobo 3:1

Hhaee'eé', múk yaariír baraahunge matawa intsaahhatuuse tleehhimiít, asma a xuá' adór ateéká' intsaahhatuuse sakwasleemarén kar ló'wa úr ta tidár múk hatlae.

Yakobo 3:17

Ala sagalooadá' gawaá dooraá daahh a adoorí, gár geera ka hhoohhoo'. Slám i wayduú koón, nee ka tsatsa'aar. Nee slám axweesanoó muu gu huwaahúp. Nee slám fola i kaahh dirose, laqaá hhaahhafiingw.

1 Petro 1:15

Kudá' kuungá' naa ateet ku hhoohhoó'. Gawaá adoorihe kuungá' sleeme masók a múk hhohhó' baraá muruudá' sleémeero ta tlehhita'a.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

1 Petro 3:4

Ala hhohhoaarirhúng masók a hhohhoaaridár baraá muuná, tidá' geetlaakw, slám i hhitirutaká. A hhohhoaaridár muunuú tsatsa'aár nee amohhoa. An tidá' ló'wa afhhamít dír geeraá Munguhe.