Yakobo 3:10 - Biblía Axweesantá Hhohho' ar Mungú 2004

¹⁰ Gawaá afkwihe gár ti'imiit a tsuuqa nee lo'o. Gawaá adoorihe hhaee'eé', muruú adór kwí miwa tleehharuút.

Ya/abtór hho' 1977

¹⁰ Gawaá afkwihe gár ti'imiit a tsuuqa nee lo'o. Gawaá adoorihe hhaee'eé', muruú adór kwí miwa tleehharuút.

Yakobo 3:10 Iomraidhean Croise

IIMU/UUNGW 20:9

Aluuwo Abimeleki Abrahamu guri ateét guri báy, «Gaarí naa atén i tléhh a milá, án kuúng gár uwa sadakuús a milá, ar kuúng tlakweemaaká' ur ngiwa daanduueéní qás, nee waawuti'iimar'eé'. Tlehhma'aá naa daanduueéní tléhh, i aníng wa harina'aaká.»

2 SAMUELI 13:12

Tamari guri beér, «Aasla'áy hhiyaaeé', mi /uurutisar, tlehhmuú adór kwisíng ku waak. Tlehhmusíng ku tlaákw baraá múk Israeliwo. Daktu'uumasíng ma tleehhaar.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

Rumi 12:14

Mukdá' kuungá' nu slahh'eemiís, tsuuqumaak. Kuungá' tsuuqumé', ala ma lu'umisaara'.

1 Korinto 3:3

Asma tam hamí kuungá' a hotaatiindá' ar adoodár múk Qeeruú koomaaká ir hotaatin. Asma baraahunge da/i i deer, nee kaangaani. Gaarí gár i laqaaqaan a kuungá' heeuumarhúng tidár tlakweema an eeharahadá'aáke, nee an hotaatiindá'aáke ar adoodá' múk baraaká' yaamu ir hotaatin?

1 Timoteo 5:13

Slám inooín waaweeraay ngun deliitiyá', nee gawaá adoorihe tli/a ngiri intsaahhiyá'. Ala a har tli/a kiloseká. Tam niri takaahuuse tleehhitiyá'. Nee sleeme tawa darahi baraá muruú muu, kudá' inooín wa hariimaaká.

Yakobo 1:16

Hhaee'eé' awa sla'aaruúse, mutunduwa al/aáy.

Yakobo 1:19

Hhaee'eé' awa sla'aaruúse, tí xuaak, umuúqo heewo masók ku inslaáhh gaa axaasaro, ala miwa gaanslín ilawatsto, laqaá buhhtaawo.

Yakobo 3:1

Hhaee'eé', múk yaariír baraahunge matawa intsaahhatuuse tleehhimiít, asma a xuá' adór ateéká' intsaahhatuuse sakwasleemarén kar ló'wa úr ta tidár múk hatlae.

Yakobo 3:11

Kutli i káhh ar ma'aá tsuuá' duxuum, iri ma'aá qarqará' dúx sleeme didá' wák wa ale.

Yakobo 3:9

Atén Mungú, kudaáduú Aako nee Baabá, un diidi'iimisaán ar tsifraangwí. Slám ar tsifraangwí oo kilae mukdá' taa tleéhh ar slaqsoó Mungú un lu'umisaán.

1 Petro 3:9

Tlakweema mi kuqár bu'uumara', laqaá /oosli ma tiqár bu'uumaara'. Ala kuungá' masók tsuuqaá Mungú in hanmisá'. Asma gaarí an gár Mungú kuungá' nusa ateét sleeme as tsuuqa kiwa ala'.