Yakobo 2:9 - Biblía Axweesantá Hhohho' ar Mungú 2004

⁹ Ala bar kuungá' muu ugwa barqaantusé', tlakweema iga tlehhé', nee dabe nuri sakwasleemút, tawa adór múk dabe gaa sii' eeharto.

Ya/abtór hho' 1977

⁹ Ala bar kuungá' muu ugwa barqaantusé', tlakweema iga tlehhé', nee dabe nuri sakwasleemút, kuungá' tawa múk dabe gaa sii' eeharto.

Yakobo 2:9 Iomraidhean Croise

TLAHHOÓ LAÁWI 19:15

«Bar kwasleemár tlaqá', tlaaqaak ar gan'amu, narkutmo mu barqantuusara', tam heé ilaiwa/amér koóm mu da'ayumiitara'. Ala a gár hariim inslaawmo kuwa sakwasleemár ganaá' i tlehh.

Yohana 16:8

Nee Alee/isusmoodá' birna hardáh, inós kángw tlakweema nee gan'amu, nee sakwasleema gun dír múk i gwa/atis.

Yohana 8:46

Heé baraá tla/angwhunge tlakweemaaeé' ngi laqaám a heemá? Nee bar aníng looeema ngi káh, kuungá' mas ya/a/aanda'aaká?

Yohana 8:9

Qoomár inooín /aymi'iidá' Yesu aa oó' kiwa axaás, muner'ín giri sakwasleemút. Tiri wakeetiné' ti'inango, bariise ina giiriín, sleémeero tay faakiís. Yesu kuna kilós geexáy, nee /ameenidá' i dír geeraawós wa sihhmít.

Tlehhema'aá ya/Abuuse 10:34

Aluuwo Petro axweesani gari iimu/ún, inooín giri báy, «Daxta aníng aga tsaáhh adór Mungú ir barqaantír konká.

Rumi 3:20

Asma heé ta gan'amií harafaari dír geeraá Munguhe i kaahh, ar loohír tlehhma'aá hara'aya, asma hara'aya gár i bu' dír heewo, a tlakweemaawós gin laqaaqaán as ngiwa tsaahhi.

1 Korinto 14:24

Ala sleémeero barnaxes tan aariirín, aluuwo heé aa haratlintii'iiká, laqaá heé adoodá' xuaaká, bar naa dáh, inós ti kilós tsaáhhiíke, ar /aymi'iidá' aa axaás, nee slám /aymi'iidá' sleémeero inós ngu sakwasleemuutíaáke?

Galatia 2:19

Asma aníng hara'aya iga qaroó gás. Gawaá adoorihe amór hara'aya eeharto aníng a heé aa gwaa', as kahhó' niwa slaaf dír Munguhe. Aníng taa qaroó alkikií' nee Kristo gawaá msalaába.

DABE 1:17

Sakwasleema ma barqaantír ar tlehhiitara', muu iiárií qamimaak ar barqaanti wasle, hee tam gaalá. Nee hee munduwa dae tsaát, asma kuungá' kwasleema an tlehhitá' kitángw Mungú wa ale. Ala barnaxes kwasleemár gawit aga sleeré', dir'eénií huwaare' as ngiwa iiárií qaas.›

1 Yohana 3:4

Umuúqo heé tlakweemaá tlehhiít, a hara'ayár Mungú eeharto gana sií'. Asma hara'ayár Mungú barka sií' eeharto, an tlakweema.

Yuda 1:15

Inós nina hardáh as sakwasleema ngiwa tleehhi daanduú muu sleémeero. Mukdá' sleémeero oo Mungú gwa ilaiwawa/iiká guri sakwasleemuut, as daanduú tlehhemi'ii'ín kudá' sleémeero awa qwanaay taa tlehhiít, kudá' Mungú kuwa ilaiwawa/iiká. Kiri malé sakwasleemuut as daanduú axweesanaydá' xaraásl sleémeero oo tlakuuseedá' Munguú ilaiwawa/aaká aa kát daanduuwós i alé.»