Yakobo 2:8 - Biblía Axweesantá Hhohho' ar Mungú 2004

⁸ Ala bar kuungá' dabeedár waawuti'iima aga boo/esé', tidá' kah, «Inslaawmoowók slaeek, adoodár kuúng tir kilók sla',» daqaní kuungá' adór hhoo' aga tlehhé'.

Ya/abtór hho' 1977

⁸ Ala bar kuungá' dabeedár waawuti'iima aga boo/esé', tidá' taa gooín gídaabá, “Inslaawmoowók slaeek, adoodár kuúng tir kilók sla',” kuungá' daqaní adór hhoo' aga tlehhé'.

Yakobo 2:8 Iomraidhean Croise

1 WAAWITÁ 8:18

Ala AAKOÓ MUNGÚ baabuúeé' Daudi guna báy, ‹Adoosíng tara tsabiín baraá muunaáwoge dooeé' nguwa tleehh i qoón.

2 WAAWITÁ 7:9

Ala inooín tari oó', «Xaa adoorí i qoondaaká. Gaarí a gitsa/aá hhooá' ala naxés matlaatle bara daamaán, xaa ti doohhiis. Gusé' múk doó waawutmo u ádbeemuú awaán.»

TLAHHOÓ LAÁWI 19:18

Li/aay mu bu'uumar, laqaá ma wakaarír ar hootara' nee mukók, masók inslaawmoowók un slá' adór kuúng tir kilók sla'. Aníng an AAKOÓ MUNGÚ.

TLAHHOÓ LAÁWI 19:34

Hoomtuudá' nee kuúng an alhotá', tari adór yaamuloousmo diroge, ku slá' adór kuúng tir kilók sla'. Asma kuúng aáng a hoomtu baraá yaamaá Misriro. Aníng an AAKOÓ MUNGÚ, Munguúwók.

YONA 4:4

AAKOÓ MUNGÚ Yona guri báy, «Xáy, gár tas buhhaabuhh? Xáy, i ganá'a kuúng tawa buhhaabuhh?»

YONA 4:9

Mungú guri báy, «Xáy, gár tas buhhaabuhh as si'ito'oorí i deéro?» Yona iri oó', «Eeít, gár nis buhhaabuuhh i deer, tam ay gwa'ara.»

Matayo 22:39

Nee hara'ayár hatlá' ar nee tisíng slaqás a tí, ‹Inslaawmoowók slaeek adoodá' kuúng tir kilók sla'.›

Matayo 25:21

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Matayo 25:23

Aakoowós iri oó', ‹I qoón, kuúng a lawaalmoó hhoó' nee oo inkihhím. Kuúng tu inkihhím baraá tidá' niina tuy saayini. Án kuúng u muruú yaariír i saayiím daxta. Qwál daháng baraá qwal/uueé'.›

Matayo 7:12

«Gawaá adoorihe umuúqo gaaro ar kuungá' ta sla'a' muu ni kuungií tleehhi, kuungá' adoodá' tleehhaak sleeme dir'ine. Asma hara'ayár Mose nee gooír aaruuse adoorí gan kát.»

Rumi 13:10

Heé sla'aarír koóm ga slaiiká hee nguwa gár tlaákw i tleehhi. Gawaá adoorihe sla'aari a boo/eemisuú hara'aya.

Galatia 5:14

Asma hara'aya sleémeero kaa haragaás gawaá hara'ayaarí wák, tí kah, «Inslaawmoowók slaeek adór kuúng tir kilók sla'.»

Galatia 6:2

Ti alee/iimise' umuúqo heewo huwár heewós ngi gagaari. Ala adoorí bara tlehhé', daqaní hara'ayár Kristo aga boo/esé'.

Filipi 4:14

Ala kuungá' adór hhoo' aga tlehhé' ar aníng iwa alee/isé' baraá slahh'amaayer'eé' tihe.

1 Tesalonike 4:9

Ala gawaá daanduú hhae kiwa sla'aasla'a'a, aníng kuungá' gar nus kaángwií gooiim i káhh. Asma kuungá' kilá' tunduna intsaahhatimís nee Mungú tiwa sla'aasla'a'.

Yakobo 1:25

Ala heé hara'ayár ganaa' gaa i qaytsiit, tidár muu gu gweer baraá lawaali'iimaaro, nee iri baraadá' wa hoot, heedaádá' tidá' aa axaás ga gunqareesiiká, ala a gan tlehhiit. Heewí daqaní a heé amohhoó' baraá tidá' sleémeero i tlehhiiti.

Yakobo 2:12

Axweesanayhúng nee tlehhemi'iihúng masók a adór kudaá mukdá' ta sakwasleemuuti ar dabeedár muu gu gweer baraá lawaali'iimaro.

Yakobo 2:19

Kuúng a haratlintaatí' adór Mungú tar wak. Adoosíng i qoón. Tam neetlaame sleeme adoosíng ga haratlintaatí', nee in daaráx daeero.

Yakobo 4:11

Hháe, miti /ayseenáy tlaaqara'. Heé hhiyaawós gu /aysantí tlaáq, laqaá gu sakwasleemuút, heewí a hara'aya gan /aysantí tlaaq laqaá gan sakwasleemuut. Ala kuúng hara'aya bara sakwasleemút, kuúng a heé hara'ayár iialooeemisaaká, ala aga sakwasleemusmo tleehhít.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.