Yakobo 2:5 - Biblía Axweesantá Hhohho' ar Mungú 2004

⁵ Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

Ya/abtór hho' 1977

⁵ Hhaee'eé' awa sla'aaruúse, iia qaasaak. Ahaá, Mungú liitlakuusér baraaká' yaamu gaa tsawaáriíke, tawa daqaarér haratlintaao, nee aaluusér waawuti'iima, tidá' aa al'axweés haniisaro dír mukdá' inós gu slaá'.

Yakobo 2:5 Iomraidhean Croise

1 WAAWITÁ 22:28

Mikaya iri oó', «Kuúng barnaxes naa kí/ ar wayda, daqaní AAKOÓ MUNGÚ aníng iga ya/aawiiká.» Iri malé kumiít axweesanto, «Iími, aníng tí ni kah iiaárí qaasaak.»

YOBU 34:10

Gawaá adoorihe, kuungásingá' tsaahhár koomá', aníng iiarí qaasaré', a gár ya/aamaaká Mungú tlakweema ngiwa tleehhi, nee Munguú Aleesleemusmo i baloó dakuusiiká.

YOBU 34:19

Inós geeraharuuse ga ilaamurutiiká as adoodá' kawa urén, sleeme daqaare ga hhasliitiiká ta narkuuteero. Asma mukwí sleémeero a gadiyér dabaawós.

YOBU 38:14

Yaamu nin warqayá' kaloó adór kuquú tlawu nguri slayá', iri warqayá' adór xooslár tleei ar taa daá/.

TI'INAANGW 20:6

Ala kudá' aníng i sla'á' nee hara'ayar'eé' ngaa oohiye', in slaá' ar sla'aarír warqawaaká ay nángw sagaáwa kumér kúm.

AXWEESANOÓ SAGALOOA 13:7

Heeko daqaari'iima gan leeleehh ar umuúqo ado, ala ga slayká, kooko bir axwees gár i kon i káhh, ala inós a daqaarmo.

AXWEESANOÓ SAGALOOA 7:24

Gimsé' na/iieé', aníng iiárií qaasaré', axweesanoó afku'eene ni kah axaasaak.

AXWEESANOÓ SAGALOOA 8:32

«Daaqay'eé', hám daxta iia qaasaak, heé amohhoó' a kudá' loohir'eé' gaa oh.

ISAYA 14:32

Gár hee ya/abusmoó xoordu ngur mu/aywatsi a milá? Gun bay, «AAKOÓ MUNGÚ gixsár Siyoni gaa tleéhh, nee mukós kudá' taa slahh'eemiís, dir'ín ar guwaay kaa sláy baraá gixsarihe.»

ISAYA 29:19

Múk tsaén qwal/uú tsuaaiím gun sláy baraá AAKOÓ MUNGUHE, nee múk narkuute iri ló'wa baraa/ as Kudá' Hhoohhoó' oo Israeli.

SEFANIA 3:12

Baraawoge mukdá' tsaén un meetiís nee kudá' ti niinaweemiís. Inooín dír guwaay ngari dír umuueéní leelehhtuú ayá'.

SEKARIA 11:11

Kari geeqáy baalaadár kilae, halaanuuseedár bee/aangw amor'eé' ga/aw ngiri tsaahhiyé' adór AAKOÓ MUNGÚ ira axweés ar tlehhmi'iieé'.

SEKARIA 11:7

Aníng niri de'eemusmoó bee/angwdá' ta tsu/tár ay tleehhiít daanduú mukdá' gu tlaxuúm wa alé, hhadaá tsár ngiri taataáhh, ar wák a «gurtleemu» nee ar tsár a «wakleelu'uuma» aníng niri bee/ángw de'éngw áw.

Matayo 11:5

‹Taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.

Matayo 25:34

«Waawutmo mukduú bartá dákw doó /iyáy guri bay, ‹Qwalaasé', kuungaásingá' Baabuúeé' aa tsuúq. Waawuti'iimadá' iimír tlehhmuú yaamuwo taa amohhe'eés as kuungá' aalaak.

Matayo 5:3

«Múk amohhoó' a kudá' narkuú qeeremooín gu tsatsahhaám, asma waawuti'iimár doori a tooín.

Marko 7:14

Boo/aydá' guri malé ateét, guri báy, «Sleémeero iiárií qaasaré' nee ka tsahhá'.

Luka 12:21

«Múk daqaari'iimár baraaká' yaamaá leelehhiít, nee laatí inooín dír geeraá Munguhe gár ta kon i káhh, alhhe'eesoó slafingw'ín a adór slafíngw heewí.»

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Luka 16:22

«Narkutmoodá' iri gwaá', malayke guri húp ay dír geeraá Abrahamu. Daqaarmoodá' iri gwaá' sleeme, kway foól.

Luka 16:25

«Abrahamu iri oó', ‹Garmaaeé', inslaweek adór kuúng muruú hhó' baraá yaamuwo kura sleér oo slafíngw baraá yaamu, ala Lasaro gár aa sláy a liitlakwe. Daxta inós hamí i diirí, ku gurkwa/amis, kuúng tu slahh'emiis.

Luka 22:29

Ala aníng waawuti'iima ngin dirhúng i haniís adoodár Baabá ngira aníng i haniís,

Luka 6:20

Aluuwo Yesu iri amór eeharuuseerósí qaytsiít, giri báy, «Múk amohhoó' a kuungaásaá narkuute, asma waawuti'iimár Mungú a toohúng.

Yohana 7:48

Baraá múk urén nee múk Farisayowo heé gwa haratlintii' a heemá?

Tlehhema'aá ya/Abuuse 7:2

Stefano iri oó', «Hhaee'eé' nee baabi'iieé', iia qaasaak. Munguú xirfuú koóm tina geehhooeés dír baabuúrén Abrahamu, qoomár iwa baraá yaamaá Mesopotamiár i dirii'i, geeraá iwa loohiiká baraá yaamaá Harani.

Rumi 8:17

Nee atén barnaxes a na/ii, atén a aaluuse. Atén a aaluusér Mungú, nee a aaluuse dinkwa nee Kristo. Barnaxes a ló' adór tara slahhaahha'aán dinkwa nee inós. Daqaní atén xirif u slawaán sleeme dinkwa nee inós.

1 Korinto 2:9

Sagalooarí an tidá' Gooi iwa kat, «Gadá' taa baloó ariiká nee iltá hee, nee ar taa baloó axaasiiká nee iiár hee, nee slám ar hee aa baloó xuiiká baraá muunaáwose, gaarí an tidá' Mungú aa amohhe'eés as mukdá' inós gu slaá'.»

2 korinto 4:15

Asma muruuwí sleémeero in tleehharuumiit as kuungá', as tsuuqaá Mungú iwa ak hardihiya' dír múk yaariír i alé. Nee gawaá adoorihe múk yaariír Mungú guri sluufmiis. Nee Mungú iri xirfuut.

2 korinto 6:10

Atén ti gurhaamír i qamín, ala laatí atén a múk qwalalaá/ umuú deélooro. Atén a narkuute, ala laatí atén múk yaariír ugwa daqaari'iitisaán. Atén a múk gaa wásl, ala laatí atén mura' sleémeero u koomaán.

2 korinto 8:9

Asma kuungá' gurtleemuú Aakoorén Yesu Kristo u xuá' adór inós geeraawo ta daqaarmo, ala iri narkutmo tleehhiít as kuungá', as kuungá' tawa daqaari'ita' ar narkuuwós.

Efeso 1:18

Aníng a firiiriím inós ilaahúng awa qeeru ngiwa gweeri, as harahhifór ateetmorhúng kawa tsahha', nee daqaari'iimár xirif ar aalirós adór i diri' baraá múk taa hhoohhooeesi.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.

1 Tesalonike 2:12

Nuna gurkwa/amisaán nee nuri naanaaqaán, nuri harhhehhe'eemisaán as tawa hota' ar slafíngw hariím dír Munguhe, kudá' kuungá' naa ateet tawa data' baraá waawuti'iimaarós tidá' xirfuú koom.

2 Tesalonike 1:5

Gaarí ga laqaqaan adór Mungú sakwasleemár ganaa' ngir tleéhh. Nee adór kuungá' tar hariindá' waawuti'iimár Mungú kawa sleera'. Asma kuungá' tunduna slahh'eemiís as waawuti'iimarí.

1 Timoteo 6:18

Inooín masók hhooeema kin tleehh, slám masók tlehhema'aá hho' awa yaariir ki tlehhiit, nee masók a múk gurhhoén oo múk qaqáw muruuine.

2 Timoteo 4:18

Aako aníng i ba/amis baraá umuúqo gár tlaakwe, nee iri amohhe'eemiis ay dír ni hardah baraá waawuti'iimarós ar gawaá doori. Inós i xirfuuti ay alhhe'eesay wasle. Amin.

2 Timoteo 4:8

Nee hám daxta gár aa met a slamangwduú gan'amu kunguwa tseegi, oo taa aníng wa amohhe'eés, kudá' Aako ni haniisi Baldae. Inós a sakwasleemusmoó ganaá'. Ala heé slamaangwí gu sláw a aníng kiloeeneeká, ala tam kudá' sleémeero hardahamuuwós ngu harahhiifá' ar qwala/.

Ebrania 11:26

Inós gana tsaáhh niqimis nguwa slay dinkwa nee Kristo, a gár ló'wa afhhamít ta daqaari'iimár Misri sleémeerowo. Asma inós gár i harahhifi a qeemuudá' i aluú wa slay.

Yakobo 1:12

Heé amohhoó' an kudá' iiara'at gu sa qiqtliím. Asma iiara'at bungura ar baá/, aluuwo slamaangw gu sláy. Slamaangwí an slafingwdá' Mungú aa al'axweés nguwa haniisi dír kudá' sleémeero inós ngu sla'á'.

Yakobo 1:16

Hhaee'eé' awa sla'aaruúse, mutunduwa al/aáy.

Yakobo 1:19

Hhaee'eé' awa sla'aaruúse, tí xuaak, umuúqo heewo masók ku inslaáhh gaa axaasaro, ala miwa gaanslín ilawatsto, laqaá buhhtaawo.

Yakobo 1:9

Hhiya' kudá' uroó koomaaká i qwalaa/i qoomár burku uráy hanmiis nee Mungú.

1 Petro 1:4

nee aalír hhitiruutaaká a slawaán tidá' ta meetagaasiiká, slám i /otská. Tidá' ta gawaá doorí wa amohhe'eemisi as atén.

2 Petro 1:11

Daqaní kuungá' a datá' baraá waawuti'iimár alhhe'eesay wasl, ar Aakoorén nee Ba/amusmoorén Yesu Kristo tidá' taa amohhe'eés as kuungá'.

Geehhoeemaá 2:9

Aníng slahh'amaayeerók a xuú', nee narkuwoge. Ala kuúng a daqaarmo. Nee slám a xuú' /ooslislíngw mukdá' káh, atén a múk Yahudi, ala laatí a inooineeká, ala inooín a múk Neetlángw eeharahár.

Geehhoeemaá 21:7

Heé arba/ati ga sláw, inós muruuwí sleémeero gu aal. Daqaní aníng tari Munguúwós nee inós tari garmaaeé'.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.

HAR'OHUUSE 9:7

Yotam kaangwí nguwa sláy, ina tláy iri sihhiít gawaá tloomár Gerisimu, iri tseé' ar afór ur, iri oó', «Aá múk Shekemu, án iiárií qaasaré' bar sla'á' Mungú kuungá' nuwa iiárií qaasi.

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.