Yakobo 2:4 - Biblía Axweesantá Hhohho' ar Mungú 2004

⁴ Xáy kuungá' adoorí bara tlehhé', barqaanti aga tlehhí'iíke baraá tla/angwhunge? Xáy, sakwasleemár ganaa'aaká kay tlehhí'iíke ar inslawayhúng kudá' tlakw taa eehadé'?

Ya/abtór hho' 1977

⁴ Ala kuungá' adoorí bara tlehhé', a barqaanti ana tlehhé' baraá tla/angwhunge, sakwasleemár ganaa'aaká kay tlehhé' ar sla'aarirhúng tidá' tlakw taa eehadé'.

Yakobo 2:4 Iomraidhean Croise

YOBU 21:27

Iia qaasaak! Aníng inslawayhúng ugwa tsaáhh nee axweesanoó tlákw oo daandueene ta koonda'.

YOBU 34:19

Inós geeraharuuse ga ilaamurutiiká as adoodá' kawa urén, sleeme daqaare ga hhasliitiiká ta narkuuteero. Asma mukwí sleémeero a gadiyér dabaawós.

WARA'AMI 109:31

Asma inós heé gaa wásl gun aleekal/án, as nguwa tu/i dír mukdá' gwaa sakwasleemár gwa'arár i tsati.

WARA'AMI 58:1

Ar loe, kuungaá waawitá, gan'amu u koondá'a? Kuungá' muu, kwasleemár muu a tlaqá'a ar gan'amu?

WARA'AMI 82:2

«Ay xaylá sakwasleemár hara/uuntsa ka tlehhaahhita', nee axweesanoó múk tlakuuse kuwa ya/a/aanda'?

MALAKI 2:9

«Gawaá adoorihe aníng kuungá' naa gár waaqa'atiit tleéhh, nee daqatlaakw, dír geeraá muu sleémeero, ar adoodá' hara'ayar'eé' kawa gaárí xua'aaká, ala muu una barqaantusé' baraá hara'ayar'eene.»

Luka 18:6

Aako iri oó', «Har'ohusmoodá' gan'amuú tlehhiitaaká ugwa axasí'iíke adór aa káh.

Yohana 7:24

Muu mu sakwasleemuutara' ar barqaanti, ala sakwasleema na tlehhitaak ar loohír ganaa'.»

Yakobo 3:17

Ala sagalooadá' gawaá dooraá daahh a adoorí, gár geera ka hhoohhoo'. Slám i wayduú koón, nee ka tsatsa'aar. Nee slám axweesanoó muu gu huwaahúp. Nee slám fola i kaahh dirose, laqaá hhaahhafiingw.

Yakobo 4:11

Hháe, miti /ayseenáy tlaaqara'. Heé hhiyaawós gu /aysantí tlaáq, laqaá gu sakwasleemuút, heewí a hara'aya gan /aysantí tlaaq laqaá gan sakwasleemuut. Ala kuúng hara'aya bara sakwasleemút, kuúng a heé hara'ayár iialooeemisaaká, ala aga sakwasleemusmo tleehhít.