Yakobo 2:25 - Biblía Axweesantá Hhohho' ar Mungú 2004

²⁵ Tam Rahabu sleeme, tidár tsaatuso'o, an adoodá'. Inós ya/abuuseedár aáng gana dahi'ís nee gari dúx ar loohír hatlá'. Inós kaa gan'amuú i harafaáriíke as tlehhemi'iidá'?

Ya/abtór hho' 1977

²⁵ Tam Rahabu sleeme, tidár tsaatuso'o, an adoodá'. Inós ya/abuuseedár aáng gana dahi'ís nee gari dúx ar loohír hatlá'. Inós kaa gan'amuú i harafaáriíke as tlehhemi'iidá'?

Yakobo 2:25 Iomraidhean Croise

Matayo 1:5

Salmon ina laqwál Boasi, nee aayírós a Rahabu. Boasi ina laqwaál Obedi, nee aayírós a Ruti. Obedi ina laqwaál Yese.

Matayo 21:31

Xáy, baraá daaqaywí tsare heé sla'aarír baabuúín gaa tleehh a gaalá?» Tari oó', «A kudá' niiná.» Yesu giri báy, «Án a kah, ohomuusér koódi nee tsaatuuseero ta geeraahúng i waaraahh tari dah baraá waawuti'iimár Mungú.

Tlehhema'aá ya/Abuuse 17:7

nee Yasoni mukwí gwa dahi'ís baraá do'ós i alé. Inooín sleémeero muruú ta tlehhahhiti a kudá' nee hara'ayár waawutmoó múk Roma ti slaslawa'aaká. Asma inooín ta kaahi waawutmoó hatlá' i deer, ku bay a Yesu!»

Ebrania 11:31

Rahabu, /ameenidár tsaatuso'o, sleeme i haratlintaaór koón. Inós kaa gaasiiká dinkwa nee mukdá' aa dee/aanuut. Asma inós mukdá' aa tsee/aaríngw ay guna dahi'ís ar wayda.

Yakobo 2:18

Laqaá daqtakaaro heeko i ooi, «Kuúng gár ta koon a haratlintaao, aníng gár ni koom a tlehhemi'i.» Ala gár án ni oo' a tí, «Haratlintaaoorók tidá' tlehhema'aá koomaaká laqaamang, adór tar haratlintaaór ló', nee daqaní aníng haratlintaaor'eé' ngi laqaám ar loohír tlehhemi'i, adór tar ló'.»

Yakobo 2:22

A ga/eéraáke, haratlintaao gadiyeé gana tléhh dinkwa nee tlehhemi'iiwós, nee haratlintaaoorós iri bó/ ar loohír tlehhemi'i.

Yakobo 2:24

Gawaá adoorihe a ga/eéraáke adór hee kur gan'amuú i harafadiiti as tlehhemi'i ala as haratlintaao kiloseeká.

YOSHUA 2:1

Qoomár tawa Shitimúrí kahhi, Yoshua garmoó Nuni, múk tsár guri qawtí ya/aáw, guri báy, «Tlawsé' yaamaá Kana'ani tsawtsawuusare', kawa ure gixsár Yeriko.» Tari tláy. Tawa hardáh baraá gixsár Yerikoro, tari deél dír doó /ameenír tsaatuso'o ar ta bay Rahabu.

YOSHUA 2:15

Rahabu dír iwa hot a baraá doó taa tleéhh dír bihhaá koo/ír gixsa, inós mukdaáduú Israeli guri baraá pa/ángw koo/írár aweerís ar hima.

YOSHUA 2:16

Rahabu giri beér, «Tlawsé' nahhaaté' baraá yaamuuqaá tlom'i as kahhó' tiwa doga'aaká nee mukdá' kuungá' nu alkoóm. Deelo tám gawaaqií faakaak ay dír mukdaádá' nu leelehhiít i watli, daqaní kuungá' ta kumitá' amoodá' ta dahha'.»

YOSHUA 2:4

Ala /ameenidá' mukwí tsár gwaa qaroó lú/. Mukdá' taa ya/aáw guri beér, «Mukko naa mak dír dooeé' hardáh, ala inooín amór i dahhiya' aníng a xuaaká.

YOSHUA 2:6

Ala laatí Rahabu mukdá' tsár gwaa qaroó tsa/ás gawaá kitaara, giri tuuntúk ar kataánír aa intlát gawaá kitaarár do'ós.

YOSHUA 6:17

Gixsa nee umuúqo gár baraadií diriia naasuwaak tawa ilahhooár taa haniís dír AAKOÓ MUNGÚ. Aqo har Rahabudár tsaatuso'o kilós na meetisaak, nee múk do'ose, asma inós mukdá' taa qawti ya/awaán guna lú/.