Yakobo 2:23 - Biblía Axweesantá Hhohho' ar Mungú 2004

²³ Gawaá adoorihe Gooidá' iri bó/, tidá' aa kat, «Abrahamu Mungú guna haratlintií', inós kuri gan'amuú i harafaár as haratlintaao,» slám inós kuri báy a mulqumoó Mungú.

Ya/abtór hho' 1977

²³ Gawaá adoorihe Gooidá' iri bó/, tidá' aa kat gídaabá, “Abrahamu Mungú guna haratlintií', inós kuri gan'amuú i harafaár as haratlintaao,” slám inós kuri báy a mulqumoó Mungú.

Yakobo 2:23 Iomraidhean Croise

IIMU/UUNGW 15:6

Abramu AAKOÓ MUNGÚ guri haratlintií', Mungú Abramu guri gan'amií harafaár as haratlintaaoorí.

1 WAAWITÁ 4:5

Asariya garmoó Natani a heé úr oo geeraharuuse, nee Sabudi garmoó Natani an kaahamusmoó Mungú nee an mulqumoó waawutmo.

2 QOM'I 20:7

Aá Munguúrén, kuúng yaamuloouusér yaamuuká' aga guskáhe geeraá mukók oo Israeli wa ale, yaamu kiri xwaylár Abrahamu mulqumoowók i hanís as tawa kooín ay alhhe'eesay wasle.

YOBU 16:21

A tsiní geera hee bar aníng i aleekal/án dír geeraá Munguhe, adoodá' gawaá daanduú yaamuwo muu i /imamiisi.

TI'INAANGW 33:11

Adoorí an adór AAKOÓ MUNGÚ nee Mose tar axweemaamisi ar afe, adór hee nee heewós tar axweemaamisi. Aluuwo Mose iri kii/ baraá xafaay. Ala alee/isusmoowós Yoshua garmoó Nuni a masoomo, ina meét baraá heémadár Mungú.

ISAYA 41:8

Ala kuúng Israeli a sagadiyusmooeé', nee kuúng Yakobo, una tsawaár, xwaylár Abrahamu mulqumooeé'.

Marko 12:10

Tam gooirí aga soomusi'iiká xáy? Tí kah, ‹Tlaa/adá' qwatsiiruuse aa sí', aa tlaa/ár ur tleehhít ar do' ira gawdúy.

Marko 15:27

Fisuusér tsár nee inós kina alkikií' gawaá msalaabadu, kooko dakós oo doó /iyáy, kuqá' dákw doó basáy. [

Luka 4:21

Tidá' i ooár wa slai gari iimu/ún, iri oó', «Tí taa gooín diirihe kari axasé', laarí aa bó/ dirhunge.»

Tlehhema'aá ya/Abuuse 1:16

«Hháe, Gooi gár kawa hariím aqo in bó/, tidá' Qeeruú hhoohhoó' oo Mungú aáng ira axweés ar afkú Daudi, daanduú Yudawo. Inós an kudá' múk Yésú oohár áw gwa geerahaar.

Rumi 11:2

Mungú mukós kudá' aa qaroó iimír aáng wa tsawaár, gwa si'iiká. Ahaá, kuungá' a xua'aakáhe adoodá' Gooi i kat daanduú Eliyawo, qoomár inós iwa sihhiít dír geeraá Mungú, as múk Israeli nguwa sakwasleemuuti.

Rumi 9:17

Asma baraá Gooiro Mungú Farao guna báy, «Án kuúng gár usa waawutmoó wa qaás a tí, /uuruueé' nguwa gawaawók i laqaam, nee as umuueé' kuwa alki/iiti baraá yaamu sleémeerowo.»

Galatia 3:22

Gooi ngaa geehhooés alki/ituuwo adór tlakweema nira baaliné' dír muu sleémeerowo. Adoorí kana geehhooeés as kahhó' mukdá' Yesu Kristo gwa haratlintii', aalidá' taa al'axweés kawa slay.

Galatia 3:6

Daanduú Abrahamuwo Gooi i kat, «Mungú guna haratlintií', gawaá adoorihe kuri gan'amií harafaár.»

2 Timoteo 3:16

Gooi sleémeero i hiinsluú Mungú koón, nee i hariín muu nguwa looeemaá i intsaahhatimis, nee muu nguwa afa dukuun nee nguwa qwatsiin, nee slám muu nguwa geeraharahat as slafíngw ganaá' kuwa ar hooti.

Yakobo 2:24

Gawaá adoorihe a ga/eéraáke adór hee kur gan'amuú i harafadiiti as tlehhemi'i ala as haratlintaao kiloseeká.

1 Petro 2:6

Asma Gooi i kat, «Ga/aaweek, aníng tlaa/ár ur ar do' ir gawduy, tidá' taa tsawaár nee ar afhhamít, a qaás gawaá Siyoni. Umuúqo heewo oo inós gwa haratlintii' ku mureekeesiiká.»