Yakobo 2:21 - Biblía Axweesantá Hhohho' ar Mungú 2004

²¹ Ahaá, baabuúrén Abrahamu kuwa gan'amuú i harafaár, gár kusa gan'amuú i harafaár a tlehhemi'iiwookáhe, qoomár garmaawós nguwa ilahhooár wa haniís gawaá kitángw ilahhooa.

Ya/abtór hho' 1977

²¹ Ahaá, baabuúrén Abrahamu kuwa gan'amuú i harafaár, gár kusa gan'amuú i harafaár a tlehhemi'iiwookáhe, qoomár garmaawós nguwa ilahhooár wa haniís.

Yakobo 2:21 Iomraidhean Croise

WARA'AMI 143:2

Án a lawaalmoowók, mi baraá kwasleemár i huwaar. Asma baraá múk slafa heé ganaá' i kaahh diroge.

ISAYA 51:2

Baabuúhúng Abrahamu ga/aawaak nee Sara tidá' kuungá' naa laqwal. Qoomár án Abrahamu nguwa ateét na/aay gu konká, Ala aníng nguri tsuúq, na/iiwós ngiri ló'wa yaareés.

Matayo 12:37

Asma kuúng tu gan'amií harafaar as axweesanaywók kudá' taa axwés, laqaá kuúng tu sakwasleemuut as axweesanaywók kudá' taa axwés.»

Matayo 3:9

Slám ma baraá munerhúngií kaahara', ‹Abrahamu a baabuúrén.› Án a kah, Mungú ga aleesláy tlaa/eeká' ngiwa na/aá Abrahamu tleehhi.

Luka 1:73

tidá' aa qaroó lo'ór wa /aáy dír baabuúrén Abrahamu tiwa tsuuqi,

Luka 16:24

Daqaarmoodá' iri tseé' amór Abrahamu iwa kaahi, ‹Baabá Abrahamu, án gurtlawáng. Lasaro ya/aaweek ma'aay ngi tikiisi ar diitsarós, tsifrangw'eé' ngu tse'eesi, asma baraakae asla i ló'wa slahh'eemís.›

Luka 16:30

Iri oó', ‹Aasla'áy baabá Abrahamu, asma heé naa didár múk aa qaátl wa kii/, birnga i daqáy, ta hhu'u'ún.›

Yohana 8:39

Tari oó', «Baabuúrén a Abrahamu.» Yesu iri oó', «Kuungá' geera bar na/aá Abrahamu, geera alók gadiyeérós aga tlehhé'.

Yohana 8:53

Baabuúrén Abrahamu aa gwaá'. Inós kuúng u bá/a? Nee aaruuse sleeme aa qátl. Kuúng heé tir slaqamiimis a heemá?»

Tlehhema'aá ya/Abuuse 7:2

Stefano iri oó', «Hhaee'eé' nee baabi'iieé', iia qaasaak. Munguú xirfuú koóm tina geehhooeés dír baabuúrén Abrahamu, qoomár iwa baraá yaamaá Mesopotamiár i dirii'i, geeraá iwa loohiiká baraá yaamaá Harani.

Rumi 3:20

Asma heé ta gan'amií harafaari dír geeraá Munguhe i kaahh, ar loohír tlehhma'aá hara'aya, asma hara'aya gár i bu' dír heewo, a tlakweemaawós gin laqaaqaán as ngiwa tsaahhi.

Rumi 4:1

Ala gár ta ooaan a milá daanduú baabuúrén Abrahamuwo.

Rumi 4:12

Slám inós a malé baabuú mukdá' taa al/utlín. Ala a as al/utlo kiloseeká, asma inooín baraá slafingw'ine haratlintaaoodár Abrahamu ngaa eehariyé', tidá' Abrahamu i kon iimír inós kuwa al/utliiká.

Rumi 4:16

Gawaá adoorihe muruudá' Mungú aa axweés dír Abrahamú i aleeró, sleemuuwós gár i ga/ay a haratlintaao. Gawaá adoorihe hee bir haratlintaaór kón, Mungú muruuwí guqo tawó haniis. Al'axweesantí a dír xwaylár Abrahamu sleémeerowo. Ala a dír kudá' kilooineeká awa hara'ayár Mose koomá', ala tam dír kudá' haratlintaaór Abrahamú koomá' sleeme. Asma inós dír atén sleémeerowo a baabá,

Ebrania 11:17

Abrahamu a heé haratlintaaór koóm, tam garmaawós oo kilós Isaka guri ilahhooár wa haniís, qoomár Munguú Abrahamu nguwa iiár, Abrahamu an kudá' Mungú aa al'axweesantós i haniís. Ala Abrahamu ina ya/án garmaawós oo kilós nguwa ilahhooár wa haniisi,

Yakobo 2:18

Laqaá daqtakaaro heeko i ooi, «Kuúng gár ta koon a haratlintaao, aníng gár ni koom a tlehhemi'i.» Ala gár án ni oo' a tí, «Haratlintaaoorók tidá' tlehhema'aá koomaaká laqaamang, adór tar haratlintaaór ló', nee daqaní aníng haratlintaaor'eé' ngi laqaám ar loohír tlehhemi'i, adór tar ló'.»

Yakobo 2:24

Gawaá adoorihe a ga/eéraáke adór hee kur gan'amuú i harafadiiti as tlehhemi'i ala as haratlintaao kiloseeká.

YOSHUA 24:3

Aníng baabuúhúng Abrahamu nguri ar tláw afaá yaaeedá' wa ale, nguri geerahaár baraá yaamu sleémeero awa Kana'ani, nguri xwaylár yaariírií haniís. Nguri Isakawí haniís.