Yakobo 2:19 - Biblía Axweesantá Hhohho' ar Mungú 2004

¹⁹ Kuúng a haratlintaatí' adór Mungú tar wak. Adoosíng i qoón. Tam neetlaame sleeme adoosíng ga haratlintaatí', nee in daaráx daeero.

Ya/abtór hho' 1977

¹⁹ Kuúng a haratlintaatí' gídaabá Mungú a wak. Adoosíng i qoón. Tam neetlaame sleeme adoosíng ga haratlintaatí', nee ta daararaax sleeme as dae.

Yakobo 2:19 Iomraidhean Croise

ISAYA 43:10

AAKOÓ MUNGÚ i kaahi, «Kuungá' a lamabu'uuser'eé', nee sagadiyuuser'eé' ar naa tsawaár, as kahhó' aníng iwa xua' nee iwa haratlintia', nee kawa tsahha' adór aníng tar Mungú. Mungú geeraaeé' gaa haar i kaahh, nee sleeme oo ta aluueé' wa tleehhi i kaahh.

ISAYA 44:6

AAKOÓ MUNGÚ waawutmoó Israeli, nee ba/amusmooín, AAKOÓ MUNGÚ Aleesleemusmo i kaahi, «Aníng an kuduú geera nee kuduú alhhe'eesaay Munguú hatlá' oo adór aníng i kaahh.

ISAYA 44:8

Ma da'ayumitaara' laqaá ma xurumitaara'. Xáy aníng kuungá' iimír geeraawo naa kaangwí bawiikáhe? Kuungá' a lamabu'uuser'eé'. Xáy Munguú adór aníng i deéro? Tlaa/ár hatlá' i káhh, aníng a xuaaká.»

ISAYA 45:6

As muu ngiwa tsaahhi iimír da/aáw wá tleemu, ay /uwa, adór Munguú hatlá' ir kaáhh aqo har aníng kilooeé'. Aníng an AAKOÓ MUNGÚ, Munguú hatlá' i kaahh.

ISAYA 46:9

Muruudá' aáng aa tleehharuut inslawaak. Asma aníng a Mungú, Munguú hatlá' i kaahh. Aníng a Mungú, Munguú adór aníng i kaahh.

YONA 4:4

AAKOÓ MUNGÚ Yona guri báy, «Xáy, gár tas buhhaabuhh? Xáy, i ganá'a kuúng tawa buhhaabuhh?»

YONA 4:9

Mungú guri báy, «Xáy, gár tas buhhaabuhh as si'ito'oorí i deéro?» Yona iri oó', «Eeít, gár nis buhhaabuuhh i deer, tam ay gwa'ara.»

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

Matayo 8:29

Mukdá' iri tseé', tari oó', «Garmoó Mungú, atén nee kuúng a milá? Nina hardáti as atén tiwa slahh'eemis dír qoomaarén ira xeeriiká?»

Marko 1:24

Yesu guri báy, «Atén nee kuúng a milá, Yesú Nasareti? Ahaá, nina hardáti as atén tiwa qwaares? Án kuúng u xuú' adór tar heemá, Kudá' Hhoohhoó' oo Mungú.»

Marko 12:29

Yesu guri báy, «Ar ak afhhamít a tí, ‹Iia qaasaak, múk Israeli, Aakoó Munguúrén, inós kilós an Aako.

Marko 5:7

iri tseé' ar afór ur i kaahi, «Yésu, Garmoó Munguú Gawa, án nee kuúng a milá? Un firiím ar umuú Mungú, mi slahh'eemisaar.»

Marko 7:9

Aluuwo inooín giri báy, «Ka hhoo'. Loohír hhoo' aga sleeré' ar hara'ayár Mungú kar siaasia', as kahhó' uunuuhúng kiwa ota'.

Luka 4:34

«Ahaá, Yesú Nasareti atén nee kuúng a milá? Nina hardáti as atén tiwa qwaares? Án kuúng u xuú' adór tar Kudá' hhoohhoó' oo Mungú.»

Yohana 17:3

Nee slafíngw alhhe'eesay wásl an kwí, kuúng uwa xuiya', Munguúduú ló', kudá' wák, nee Yesu Kristo, kudá' naa ya/áp.

Tlehhema'aá ya/Abuuse 16:17

Paulo guri eehát, nee atene, i aluurén wa tseeamiín i kat, «Mukwí a sagadiyuusér Munguú Gáwtí dirií'. Inooín kángw loohír ba/ama kun alki/iit.»

Tlehhema'aá ya/Abuuse 19:15

Neetlaameedá' iri ó', «Yesu u xuú', nee Paulo u xuú' sleeme, ala kuungá' a ín heemá?»

Tlehhema'aá ya/Abuuse 24:25

Paulo kángw hotaá ganaa'á' nguwa alki/iít, nee kángw harqoomaay, nee sakwasleemár hi'iit, Felisi iri da'ayuút guri báy, «Kuúng ala tláw, án pa/aangw bura sláw, án kuúng uqo ateét.»

Rumi 3:30

Asma Mungú a wak. Inós múk Yahudi kudá' taa al/utlín, gun gan'amuú i harafadiit as haratlintaaor'ín. Nee múk xoordaá hatlá' sleeme, kudá' taa al/utlinká, gun gan'amuú i harafadiit ar loohír haratlintaaor'ín.

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

Galatia 3:20

Ala har'ohusmo barnaxes i deer, inós a har'ohusmoó heé wakeeká, ala Mungú inós a wak.

DABE 6:4

«Gimsé' iia qaasaak, kuungaá múk Israeli! AAKOÓ MUNGÚ an Munguúrén, AAKOÓ MUNGÚ inós kilós an Mungú.

1 Timoteo 2:5

Asma Mungú a wak. Nee har'ohusmo a wak sleeme, kudá' har'ohiím tla/ángw Mungú wa ale nee muu. Inós a hee, Kristo Yesu.

Yakobo 2:8

Ala bar kuungá' dabeedár waawuti'iima aga boo/esé', tidá' kah, «Inslaawmoowók slaeek, adoodár kuúng tir kilók sla',» daqaní kuungá' adór hhoo' aga tlehhé'.

Yuda 1:4

Asma mukko i deer oo naa qawti dah. Mukwí kuna sakwasleemarí i gooín iimír aáng wa ale. A múk Munguú da'ayuumitaaká, slám a múk tsuuqaá Mungú harneét ar hotaá tlákw. Nee inooín kudá' úr oo kilós, Aakoorén Yesu Kristo, ngu sa tlaankiyá'.

Yuda 1:6

Nee malayke sleeme tidá' taa uráy i haniís, uray'ín kudá' taa sláy kwaa gaárií xuiiká, ala didár hotaín wa hariim kari geexáy. Gawaá adoorihe Mungú gari tseék baraá giwti ar tseegamór alhhe'eesay wasl, as kiwa sakwasleemuuti bál deelór sakwasleemár ure.

Geehhoeemaá 20:10

Nee Neetlaangw, kudá' muu gu al/agagiím, inós kuri kwaáhh baraá tlawtadá' asltá kiberíti iwa ohahiin. Diirí an didá' makiito'oodá' nee aarusmooduú lama sleeme i dirii'iya'. Inooín kiri slahh'eemiis tlaatla/aangw nee xweeraawo ay alhhe'eesay wasle.