Yakobo 2:14 - Biblía Axweesantá Hhohho' ar Mungú 2004

¹⁴ Hhaee'eé', hee bir kaahi, «Aníng a haratlintaaór koóm,» ala barnaxes tlehhema'aá haratlintaaór laqaaqaamá' gi konká, haratlintaaoodá' gár i bu' a milá? Xáy, haratlintaaoodá' gu ba/amísa?

Ya/abtór hho' 1977

¹⁴ Hhaee'eé', hee bir kaahi, “Aníng a haratlintaaór koóm,” ala barnaxes tlehhema'aá haratlintaaór laqaaqaamá' gi konká, haratlintaaoodá' gár i bu' a milá? Xáy, haratlintaaoodá' gu ba/amísa?

Yakobo 2:14 Iomraidhean Croise

YEREMIA 7:8

«Ga/aawaak, kuungá' axweesanoó lama una harahhifé'.

Matayo 5:20

Án a kah, slafingwhúng barnaxes ku hhohhoeeká ta slafíngw intsaahhatuusér hara'ayár Mosewo nee múk Farisayowo, kuungá' a baloó data'aaká baraá waawuti'iimár dooriiwo.»

Luka 3:11

Giri báy, «Heé tlabaá tsár gi koóm, kudá' tlawuú koomaaká ngu qay, nee heé muruú /aymár koóm sleeme kudá' gu koomaaká ngu qay.»

Luka 6:49

Ala kudá' axweesante'eé' gaa axaas, adoodá' i kat gari tleehhiiká, slaqsaywós a adór heé do' gwa tleehh gawaá hhasaangw, koo/i gaa gawdeesiiká. Ma'aay niwa amoodií wa/iyé' ar /uuru, nguri adaá dahhiyé'. Adór do'dá' ira huú' ka ló'wa tlaakw.»

Tlehhema'aá ya/Abuuse 15:9

Mungú barqaanti gaa tleehhiiká dír tla/angwrén nee inooine. Tlakweemaaín gina gurtláy asma inooín sleeme taa haratlintií'.

Tlehhema'aá ya/Abuuse 8:13

Simoni inósuú kilá' sleeme iri haratlintií', kuri baatiís, tiri alkoomakoné' nee Filipo. Slám iri waa/oo/amín qoomár layu nee muruú waa/oo/amo kudá' Filipo aa tlehhiít ngiwa ár.

Tlehhema'aá ya/Abuuse 8:21

Dinku'uumár kuúng nee atén i káhh gawaá kaangwihe, asma muunaáwók ku hhoohhooeeká dír geeraá Munguhe.

Rumi 2:25

Kuúng barnaxes hara'ayár Mose aga iialooés, daqaní al/utloorók i gaa bú'. Ala kuúng barnaxes hara'ayár Mose aga sí', daqaní al/utloorók i gaa bu'uká.

1 Korinto 15:2

Slám kuungá' tundu ba/amis ar Ya/abtoorí, barnaxes aga kumité' Ya/abtoorí hho' kawa haratlintia' ar adoodá' aníng ngira dirhúngií alki/iít. Ala bar adoorír kumita'aaká, kuungá' daqaní ana tawó haratlintié'.

1 Korinto 16:22

Umuúqo heewo oo Aako gu sla'aaká, inós ku lu'usi. Maran ata, gídaabárós: Aakoorén, hardaháng.

Galatia 5:13

Ala kuungá', hhaee'eé', kuungá' tunduna ateét as tawa hota' ar amohhooa. Ala amohhooarhúng tisíng ma ar hootara' as ilatleerír slaqwa kawa eeharahada'. Ala ti sagadiyuse' ar sla'aari.

Galatia 5:6

Asma hee barnaxes i baraá Kristo Yesu, dirose al/utlo a gaarooká, laqaá tam kwa al/utliiká a gaarooká. Ala gár afhhamít a haratlintaao, tidá' ti laqaqaam ar sla'aari.

1 Tesalonike 1:3

Umuúqo deelooro an inslawiiwimaán dír geeraá Mungú Baabuúrene, adór haratlintaaorhúng ira geehhoouúr ar baraá tlehhemi'i, nee adór sla'aarirhúng nura tliw/iín as gadiyeé kawa ló'wa tlehha', nee haraxu'utirhúng baraá Aako Yesu Kristoowo adór qitla ngura hanís.

1 Timoteo 1:5

Gár hara'ayaarí ngisa oó', masók sla'aari i doogigiín, tidá' baraá muunuú hhoohhoó' daahh, nee afór hho' ar baraá muuná, nee haratlintaaór waaqoodár koomaaká.

1 Timoteo 4:8

Asma slaqwa iwa intsahhaan neetoro as /uuru nguwa sleer, a gár qoom. Ala qeeru iwa intsahhan ilaiwa/amér Munguhe, an ak gár hhoo' kángw kilá' wa ale. Asma adoorí bara tléhh, al'axweesantá slafingwí i deer, nee ar slafingwdá' aluú wa hardáh sleeme.

Tito 1:16

Inooín ta kaahi atén Mungú u xuaán, ala inooín Mungú ku siaasii' ar tlehhemi'ii'ín. Inooín a múk aa dee/aanuut ló'wa ale, múk iawaslén, Múk hariimaaká gadiyér hho' tam ar wák kawa tleehhi.

Tito 3:8

Tí naa oó' ar ló'. Nee án gár ni slaa' muruuwí masók un gawdés ooaro, as mukdá' Mungú gwa sangw haratlintii', tlehhema'aá hho' kiwa tlehhiiti ki slai. Adoorí ka hhoo' nee slám ka afhhamít dír muko.

Ebrania 11:17

Abrahamu a heé haratlintaaór koóm, tam garmaawós oo kilós Isaka guri ilahhooár wa haniís, qoomár Munguú Abrahamu nguwa iiár, Abrahamu an kudá' Mungú aa al'axweesantós i haniís. Ala Abrahamu ina ya/án garmaawós oo kilós nguwa ilahhooár wa haniisi,

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

Yakobo 1:16

Hhaee'eé' awa sla'aaruúse, mutunduwa al/aáy.

Yakobo 2:16

ala heé wák baraá tla/angwhunge binga báy, «Tláw ar wayda, inqwaruú tsaaqwa ga ilaá/ tsiiteek, /ayma aweek,» ala barnaxes gár taa hanisé' i káhh ar slaqwtós ga gaa wa buu', alee/isoó aa sleér a milá daqaní?

Yakobo 2:18

Laqaá daqtakaaro heeko i ooi, «Kuúng gár ta koon a haratlintaao, aníng gár ni koom a tlehhemi'i.» Ala gár án ni oo' a tí, «Haratlintaaoorók tidá' tlehhema'aá koomaaká laqaamang, adór tar haratlintaaór ló', nee daqaní aníng haratlintaaor'eé' ngi laqaám ar loohír tlehhemi'i, adór tar ló'.»

Yakobo 2:26

Asma muuná bira /eét, slaqwa aa gwá'. Gawaá adoorihe tlehhemi'i bir kahhiyá' sleeme, haratlintaao aa gwá'.

2 Petro 1:5

Gawaá adoorihe kuungá' ilakaaharu tleehhaak, baraá haratlintaaorhunge hhooeema doogaak, nee baraá hhooeemaahunge xu'uti doogaak,