Yakobo 1:26 - Biblía Axweesantá Hhohho' ar Mungú 2004

²⁶ Hee bir kaahi, «Aníng a diínír koóm,» ala inós tsifraangós gu il/anká, heewí a muunaáwós kilós gun al/agín. Diínír heé adoorí i hariindaaká.

Ya/abtór hho' 1977

²⁶ Hee bir kaahi, “Aníng a diínír koóm,” ala inós tsifraangós gu il/anká, heewí a muunuúwós kilós gun al/agín. Diínír heé adoorí i hariindaaká.

Yakobo 1:26 Iomraidhean Croise

YOBU 15:13

tam Mungú kuri qítl si'iimaawo nee /ayma'aá tlakw awa adór kwisingá' kiri qítl ooaro.

YOBU 30:11

Asma Mungú aníng ina daqatlakweés iri niinaweés, inooín daxta i hhasliitiaaká, gár i slaiya' ngin tleehhiyá' dir'eene.

WARA'AMI 141:3

Aá AAKOÓ MUNGÚ, afkwe'eé' xuumeek, /ayma'aá afkwe'eé' qwatsiimeek.

WARA'AMI 32:9

Ma adór faras tleehhitaara', laqaá adór wayshamó kudá' tsaahha wasl, kin gan'amiis ar him'eedá' kira afe tsegiít, as kiwa il/an.

WARA'AMI 34:13

Tsifraangók ila/eek dír muruú tlakwe, nee fola maweek.

AXWEESANOÓ SAGALOOA 10:19

Dír axweesanoó yaariír iwa deér tlakweema i kahhiaaká, ala heé afkós gwaa har'oh i daharuú kón.

AXWEESANOÓ SAGALOOA 10:31

Afkú heé ganaá' gár i kaahi a sagalooa, Ala axweesanoó saga gawda kun amoosíng i sii'.

AXWEESANOÓ SAGALOOA 14:12

Loohirka hee birngi ga/áy kwaáo' i qoón, Ala laatí aluuwo a loohír gwa'ara.

AXWEESANOÓ SAGALOOA 15:2

Heé sagaloó' afkose gár i axweesi a muruú i xui, Ala afér daktana aqo daktu'uuma gan kát.

AXWEESANOÓ SAGALOOA 16:10

Waawutmo kwasleema gan tsaat ar geeraharu'uumár AAKOÓ MUNGÚ, nee kwasleema binga tsaát aa dakuusiiká.

AXWEESANOÓ SAGALOOA 16:25

Loohirka bar hee ngi ga/áy kwaáo' i qoón, Ala laatí aluuwo a loohír gwa'ara.

AXWEESANOÓ SAGALOOA 19:1

Tsiní hee bar narkutmo inós bir daanqamisúr hoot ta daktantá sagagawdúr axweesa.

AXWEESANOÓ SAGALOOA 21:26

Heé tlaákw looa gan dahaas ar ilatleeri baraá muruú múkí ale. Ala heé hota ganaá' gaa birnga haniís ga alki/iiká.

ISAYA 1:13

Ilahhooár harimaaká mingi huwahuwaara', mooyangwdá' tsuú' aníng ugwa aáhh, nee deelór ur ar slahhaangw niwa ti'iiti, nee deelór Sabaátooro nee burumburimituú saaliingo. Aníng dinku'uumadár saaliingw ar aleedoogír nee tlakweema a sla'aaká.

ISAYA 44:20

Inslawaywós i baraá gaadaádá' da/ara tleehhiit kilós. Heé adór kwí aa hhitiruút ti baloó ba/amisiiká, laqaá sleeme i kaahiiká. «Gaarír gawaá dakw'eé' oo doó /iyáy a lamtookáhe.»

MALAKI 3:14

Kuungá' ana katé', ‹Slaasláwár dáw i káhh, Mungú kuwa sagadiyuusi. Gár naa slawaán a milá hara'ayaarós kawa oohaán, nee tawa daqawan ar gurhaami dír geeraá AAKOÓ MUNGÚ Aleesleemusmo?

Matayo 15:9

Inooín aníng in tawó xirfayeemisiyá', ala gár ta intsaahhatimisi a hara'aydaá muu hariímár axweesantá Mungú wa ale.› »

Marko 7:7

Inooín aníng i tawó xirfayeemisiyá'. Gár ta intsaahhatimisi a hara'aydaá muu hariímár axweesantá Mungú wa ale.›

Luka 8:18

«Gimsé', iiárií qaasa hhe'eesaak, tidá' ta axamisa'. Asma umuúqo heewo oo gár koóm ka dook, nee kudá' gár koomaaká, tam tidá' geeraawo i tós i xui ka hayoh.»

1 Korinto 15:15

Nee slám bar adoosíng, atén sleeme a adór lamabu'uusér Mungú ar lamuuse. Asma atén Mungú una lamabu'uumaán adór inós Kristo ngura waaslee/atís, ala laatí gwa waaslee/atisiiká, barnaxes kangwhúng kwisíng oo ló' oo múk aa qaatl iwa waaslee/iiká.

1 Korinto 15:2

Slám kuungá' tundu ba/amis ar Ya/abtoorí, barnaxes aga kumité' Ya/abtoorí hho' kawa haratlintia' ar adoodá' aníng ngira dirhúngií alki/iít. Ala bar adoorír kumita'aaká, kuungá' daqaní ana tawó haratlintié'.

1 Korinto 3:18

Hee mitiwa kilós al/agín. Hee birti kilós harafadiit adór inós ir sagalooár kón, ar adoodá' múk baraaká' yaamu sagalooa ngir ga/ay, heewí gár kuwa hariím in ala daktu'uut, as masók daqaní sagalooaadár ló' ngiwa slay.

Galatia 2:6

Ala mukdá' tawa kaahi a geeraharuuse, inooín gár hatlá' taa doók i káhh gawaá tidá' aníng naa intsaahhatimisi. Ala inooín tam i uroó kon'a a gaarooká dir'eene, asma Mungú i uroó heé fadiitiiká.

Galatia 2:9

Yakobo nee Kefa nee Yohane inooín a uheemaá múk kríshaanáy. Inooín aleesleemuudá' taa aníng i haniís nee Mungú, kuri tsaáhh. Gawaá adoorihe aníng nee Barnaba tiri /uye leehhiyé', as tawa múk gadiyuús dinkwa nee inooín. Tari al'axweesaán aníng nee Barnaba tawa tlawaan amór múk xoordaá hatlá', nee inooín amór múk Yahudi.

Galatia 3:4

Tidá' sleémeero ar taa sleeré' daxta gár i hup i káhha dirhunge? Aasla'áy, aníng ngi slaá' i kahhká.

Galatia 6:3

Hee bir baraá muunaáwós i kaahi, «Aníng a heé kilá',» ala laatí inós a heé kilaeeká, heé adoorí tin kilós al/agín.

Efeso 4:29

Axweesanoó tlákw mu kaahara', ala masók a axweesanoó muu gu kwa/amís, nee kudá' amoqwaareemisaaká. Gawaá adoorihe axweesanayhúng i tsuuqaá huwi dír mukdá' kuungá' nu iiárií qamiima.

Efeso 5:4

Tam axweesanoó ilaiwa/ame wásl nee axweesanoó dakti'iima nee axweesanoó slasla/arén i harinká sleeme dirhunge. Ala gár kuungá' tundu wa hariím, Mungú un sluufmisá'.

DABE 11:16

Ti ló'wa harmagahhe' munerhúng makawa al/aáy, nee tari warqeerá' munguaá hatlá' kiri sagadiyusá' nee kiri sluufmisuú eerá'.

Kolosai 4:6

Axweesanayhúng umuúqo daqto masók a axweesanoó tsatsaa'arén, nee oo gídaabár koóm, as umuúqo heewo oo gár yaahamiís, gaarós tidá' i yaahamiisi ngiwa tsaahhi ar hariima.

Yakobo 1:19

Hhaee'eé' awa sla'aaruúse, tí xuaak, umuúqo heewo masók ku inslaáhh gaa axaasaro, ala miwa gaanslín ilawatsto, laqaá buhhtaawo.

Yakobo 1:22

Kuungá' adoodá' axweesani i kat na tlehhiitaak, ala ma tawó axamiisara', tiri kiloohúng al/agiindá'.

Yakobo 2:20

Kuúng a daktani. Kuúng a xu'ukáhe adór haratlintaaór tlehhema'aá koomaaká, gár i bu' ir káhh.

1 Petro 3:10

Asma kaa gooín, Umuúqo heewo oo slafiingós gu slaá', nee oo deelór qwal/amaaye ga leelehhiít, inós tsifraangós ngu ilaa/i tlakweema mingiwa oín, nee afkós ngu ilaa/i lama mingiwa káh.