Yakobo 1:21 - Biblía Axweesantá Hhohho' ar Mungú 2004

²¹ Gawaá adoorihe, slasla/aru sleémeero hingeesaak, nee tlakweema sleémeerowo. Axweesantadá' tinda baraá munerhúngií dahaás ilaoohaak ar tsatsa'areema, tidá' kuungá' ba/amisaro nu aleeslaw.

Ya/abtór hho' 1977

²¹ Gawaá adoorihe, slasla/aru sleémeero hingeesaak, nee tlakweema sleémeerowo, nee axweesantadá' tinda dahaás baraá munerhúng i alé kawa ilaota' ar tsatsa'areema, axweesantadá' ba/amisaro ga aleeslaw.

Yakobo 1:21 Iomraidhean Croise

WARA'AMI 25:9

Múk tsaén Mungú gu geerahaar baraá hotaá ganaa'a'a, múk tsaén gu intsaahhatis loohirose.

ISAYA 2:20

Baalaadae umuúqo heewo munguiiwós kudaá murslaaqat gi kwaahh, amór kuti nee hhampararama', kuduú peésa nee oo sahaábuwo. Kudaádá' naa tleehhiyé', as nguwa sluufmisiya'.

ISAYA 29:19

Múk tsaén qwal/uú tsuaaiím gun sláy baraá AAKOÓ MUNGUHE, nee múk narkuute iri ló'wa baraa/ as Kudá' Hhoohhoó' oo Israeli.

ISAYA 30:22

Kuungá' munguiihúng kudaá murslaaqat kudá' taa qaaliindé' ar peésa, nee kudá' taa qaaliindé' ar sahaábu kuri siá', kuri amór saáwí kwahhá' adór gár ta waki, kuri beera', «Tsumumu'uút.»

ISAYA 61:1

Aakoó MUNGÚ, aníng iga hatsiís qeeruuwose, asma AAKOÓ MUNGÚ iga tsawaár, as ya/abtór hho' ngiwa alki/iit dír narkuute. Inós iga ya/aáw kudá' naa munesi'iye' ngiwa gurkwa/as. Iga ya/aáw as kángw gweermo nguwa oo' dír kudá' taa tsegiít, nee ilaá taampu niwa qaytiya'.

ESEKIELI 18:31

Tlakweemaahúng kwisíng taa tlehhité' amór saaw ti kwahhe'. Muunuú hhoó' nee qeeruú /abén slawaak. Xáy múk Israeli, ahaá waáy, gár tas hhaanda'?

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

SEFANIA 2:3

AAKOÓ MUNGÚ leelehhaak, kuungásingá' tsatsa'aren sleémeero awa yaamu. Kuungaádá' hara'ayaarós aga eehade', gan'amu leelehhaak. Ti niinawese', doóqa tundu gurtláy bál deelór buhhtaá AAKOÓ MUNGUHE.

Matayo 5:5

Múk amohhoó' a kudá' tsaén, asma inooín yaamu ngi aaliyá'.

Yohana 6:63

Qeeru an kudá' slafíngw hanmiís, slaqwa gár i bu' i káhh. /Aymi'iiká' naa kuungá' i oó' a qeeru, slám a slafiingw.

Yohana 6:68

Simon Petro Yesu guri báy, «Aáko, amór ta kawaan a amór heemá? Asma kuúng axweesantá slafíngw alhhe'eesay wásl a koón.

Tlehhema'aá ya/Abuuse 10:33

Nee hamtidár kilae án muu nguri ya/aáw ay amoorók. Nee kuúng adór hhoo' aga tléhh niwa hardát. Ala hám daxta atén sleémeero a dír geeraá Mungú i diriiaán, as tidá' sleémeero ar Aako naa kuúng i hara'ayín kawa axaasaan.»

Tlehhema'aá ya/Abuuse 13:26

«Hhaee'eé', kuungaá xwaylár Abrahamu, nee kuungaásingaá Munguú ilaiwawa/á', Ya/abtoorír ba/ama kingina ya/aáw dír atén sleémeero.

Rumi 1:16

Aníng Ya/abtór hho' a murér wa ara'araaká. Asma Ya/abtór hho' an /uuruú Mungú kudá' ba/amár huwahuúw dír umuúqo heé aa haratlintii'i, har geeraawo a dír heé Yahudi, nee tam dír heé Yunani sleeme.

Rumi 11:17

Ala daxta a adoorí, múk Yahudi a adór xa'anoó seituúni kudá' taa dahaás, nee múk xoordaá hatlá' a adór xa'anoó seituúni oo baraá sla/a, oo hee aa dahaasiiká. Haleemo bahh'alé awa xa'anoodá' taa dahaás kina tlaáq. Haleemaá hatlá' awa xa'anooduú sla/a, kiri haátl baraá xa'anoodá' taa dahaás, nee di/tá xa'anoodá' taa dahaás ngiri /ayiyé'. Kuungá' a adór haleemiidá' taa haátl.

Rumi 6:17

Ala Mungú ku xirfayeesi. Asma kuungá' aáng a lawaalér tlakweema. Ala hamí intsaahhasadá' taa ilaoté', aga ló'wa iialooesé' ar mune sleémeero.

1 Korinto 15:2

Slám kuungá' tundu ba/amis ar Ya/abtoorí, barnaxes aga kumité' Ya/abtoorí hho' kawa haratlintia' ar adoodá' aníng ngira dirhúngií alki/iít. Ala bar adoorír kumita'aaká, kuungá' daqaní ana tawó haratlintié'.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Efeso 1:13

Kuungá' sleeme baraawose kángw looeema ugwa axasé', kangwdá' hhó' oo ba/amarhúng. Slám inós ugwa haratlintié', Qeeruú hhoohhoó' oo Mungú kudá' aa diréní al'axweés, nuri dugunií qaás.

Efeso 4:22

Gawaá adoorihe gár kuungá' tunduwa hariím a slafingwhúng kuduú aáng un meerá'. Munerhúng na warqesaak, ta adoodár aange, asma munerhúng aáng i baraá hhitiruumit as ilatleerír al/ayma.

Efeso 4:25

Gawaá adoorihe, lama mawaak. Kuungá' looeema kilooín na axweesaak baraá tla/angwhunge. Asma atén sleémeero a diqoó slaqwtá wák, tidár Kristo.

Efeso 5:4

Tam axweesanoó ilaiwa/ame wásl nee axweesanoó dakti'iima nee axweesanoó slasla/arén i harinká sleeme dirhunge. Ala gár kuungá' tundu wa hariím, Mungú un sluufmisá'.

1 Tesalonike 1:5

asma qoomár atén Ya/abtór hho' ngiwa amorhúng i huwaán, ngaa huwaaniiká ar axweesanaay kilós, ala ngina huwaán ar /uuruú Qeeruú hhoohhoó' oo Mungú, nee ataá kilá' qoomaadae a hatsaán haratlintaaór /uuruú kooma. Slám kuungá' kilá' a xuá' adór atén tara tla/angwúng wa hootaán, as kuungá' as tawa slaqsaay tleehhitaan.

1 Tesalonike 2:13

Gár hatlá' ar Mungú kuwa sluufmiisaan daqisleém a tí. Qoomár atén Ya/abtór Mungú ngiwa dirhúng i alki/iitaán, kuungá' Ya/abtoodá' kari iiárií qasé', nee kari ilaoté'. Kawa ilaoté' a adór Ya/abtór heewooká ala ar Mungú. Ala ar ló' a ar Mungú. Nee inós an kudá' gadiyér tleéhh baraahúng wa aleeró, kuungaásingá' aga haratlintie'.

Tito 2:11

Asma gurtleemuú Mungú kwa geehhooatís as muu sleémeero kuwa ba/amisi.

Ebrania 12:1

Asma atén taa harweér nee lamabu'uuseerí yaariir adór huunkár alé. Gawaá adoorihe atén sleeme gár tiwa hariím a muruudá' sleémeero atén ti iilooeemiís un kwahhaán, nee tin paraatlaán nee tlakweemaadá' sleémeero atén taa oohiye', nee slám atén tawa geerií ta'aimaan ar qitla baraá qwaatloodá' taa dír geeraarén i qaasi.

Ebrania 2:3

Gawaá adoorihe atén sakwasleemaro adór tar /uwaan a adoomá, bar ba/amár ur ar adór tí a gaárií xuanaaká. Ba/amarí geeraawo kana alki/iít nee Aako inósuú kilá'. Nee aluuwo kingiri diréní lamabu'ún nee mukdá' gaa dír Aakoó wa axaas adór tar ló'.

Ebrania 4:2

Asma Ya/abtór hho' direne kinga alki/iít adoodá' kara alki/iít dír mukduú aange. Ala Ya/abtoodá' inooín gár ngiwa gaa bú' i káhh. Asma kaa axaás, ala kaa haratlintii'iiká baraá muner'ine.

Yakobo 4:8

Mungú i tseewuwaak, daqaní inós ni dirhúngií tseewúy. Dabaahúng hhoohhooeesaak, kuungaásingá' tlakuuse. Nee munerhúng hamaatlaak, kuungaásingá' badu tsadér.

Yakobo 5:20

kuungá' xuaak heé heeduú tlakusmo ngwa ki/is, nee niri kií/ baraá loohír qwanáy wa ale, inós qeeruú tlakusmoodá' gwa ba/amís baraá gwa'arár wa ale, slám tlakweemaá yaariir awa heedaádá' kaa gurtláy as inós.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Petro 1:9

asma haratlintaaorhúng gár i huwaahup a ba/amár munerhúng.

1 Petro 2:1

Gawaá adoorihe tlakweema sleémeero hingeesaak, lama nee hhaahhafiingw sleémeero, nee da/i nee /ayseeno sleémeero.

1 Petro 2:11

Sla'aaruuser'eé', kuungá' a adór múk waaraáhh nee adór dahaaye tawa hota' baraakaá yaamuwo. Ala án kuungá' nu gurbuú', kuungá' ti harmagahhe' nee ilatleeri sleémeero ar slaqwa, asma i sláqw nee qeeru.