Yakobo 1:18 - Biblía Axweesantá Hhohho' ar Mungú 2004

¹⁸ Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero aa tleehhi.

Ya/abtór hho' 1977

¹⁸ Gawaá sla'aarirose inós atén tina laqwaál ar axweesantá looeema. Adoorí gana tleéhh as atén tawa adór bu'uungós tleehhitaan, kudá' aa giirin, baraá muruuwós kudá' sleémeero oo aa tleehhi.

Yakobo 1:18 Iomraidhean Croise

YEREMIA 2:3

Múk Israeli a múk hhohhó' dír AAKOÓ MUNGUHE, xwaylarós tidár baris. Heé gi gár tlaákw i tleéhh i hhitiruut, amotlakwe ga sláy.› Anuú AAKOÓ MUNGÚ tí ngina oó'.»

TLAHHOÓ LAÁWI 23:10

«Xoorór Israeli kabeeto, bara daté' baraá yaamuusingá' naa haniís, bar aga bu'uundé', ufuú balaangw oo bu'úngw geera un hubá' amór kaahamusmoó Mungú.

AMOS 6:1

Tsaxwaahúng kuungaásingá' aga yaandahhe'eese' baraá Siyoniro, nee tsaxwaahúng kuungaá amohhooár hootá' gawaá tloomár Samaríaro, tunduwa ga/ay a waawituú xooroodá' iia tleer tidá' múk Israeli aa haraahhiíf.

Yohana 1:13

Kudá' taa laqwaliiká adór na/iír ale, laqaá ar sla'aarír slaqwa, laqaá ar sla'aarír hee, ala ar sla'aarír Mungú.

Rumi 4:17

adoodá' kara gooín, tawa kaahi, «Án kuúng ugwa qaás tawa baabuú xoordaá yaariir.» Gawaá adoorihe inós an baabuú xoordaá yaariir dír geeraá Munguhe, Munguúdá' inós aa haratlintií'. Munguúwí an kudá' múk aa qaatl gu slafíngw i hanimiís, slám an kudá' mura' sleémeero oo kaáhh gu ateetiím tawa adór muruú dáw.

1 Korinto 4:15

Asma intsaahhatuuserhúng baraá Kristowo tam ka yaariire, tam kumér mibaango, ala baabi'iihúng ki yaariireeká. Asma baraá Kristowo aníng ana baabuúhúng tleehhiít qoomár Ya/abtór hho' ngiwa amorhúngií huúw.

2 korinto 6:7

Nee slám tin laqaqaamaán tawa sagadiyuusér Mungú ar looeema kiwa alki/iitaan, nee ar /uuruú Mungú. Hotángw ganaá' a xooslaarén ar slaqwara ar tir baqamiimaan dákw doó /iyáy nee oo basayhe.

Efeso 1:12

Asma a sla'aarirós atén tawa xirfuuwós tleehhitaan baraá Kristowo, ateédá' Kristo ugwa geerií harahhifoórí gaasaan.

Efeso 1:13

Kuungá' sleeme baraawose kángw looeema ugwa axasé', kangwdá' hhó' oo ba/amarhúng. Slám inós ugwa haratlintié', Qeeruú hhoohhoó' oo Mungú kudá' aa diréní al'axweés, nuri dugunií qaás.

2 Timoteo 2:15

Kuúng ilakaaharu tleehheek as tawa sihhit dír geeraá Mungú i alé, tawa adór sagadiyusmoó taa ya/án nee inós, sagadiyusmoodá' gadiyeérós ga samuruumitaaká, sagadiyusmoodá' axweesantá looeema gaa intsaahhatimis ar adoodá' hariim.

Ebrania 12:23

Kuungá' dír tay dir'a' a baraá boo/oó mukdá' qwal/uú koóm, dinkwaadár na/aá Mungú, kudaá baris umer'ín taa gooín gawaá doori. Kuungá' dír tawa sihhimita' a dír geeraá Mungú, kuduú sakwasleemusmoó muu sleémeero, nee dír geeraá qeereemaá mukdá' ganaá', kudá' taa hhoohhooeés.

Yakobo 1:15

Aluuwo ilatleerirós bira tsít, iri laqwál tlakweema. Nee tlakweemaadá' binda kwa/iyé', gwa'ara ngiri laqwaaliyá'.

Yakobo 1:21

Gawaá adoorihe, slasla/aru sleémeero hingeesaak, nee tlakweema sleémeerowo. Axweesantadá' tinda baraá munerhúngií dahaás ilaoohaak ar tsatsa'areema, tidá' kuungá' ba/amisaro nu aleeslaw.

Yakobo 3:14

Ala kuungá' barnaxes da/itá tlarara/aay a koondá' baraá munerhunge, nee barnaxes ti kiloohúng sla'á', ma daara/aamara' tiwa kiloohúng xirfayeemisa', lama kari tsatá' daanduú looeema.

1 Petro 1:23

Asma kuungá' tunda laqwaál sagaáwa tsare, ar xwaylár slaqwtooká, ala ar xwaylár qeeru. Xwaylarí ina tleehharút ar /uuruú axweesantá Mungú, tidá' slafíngw koom, nee slám i hotaatiín ay alhhe'eesay wasle.

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír, qoomár Yesu Kristo nguwa waaslee/atís baraá múk aa qaátl wa ale, as atén harahhifór slafiingw kawa slawaan,

1 Yohana 3:9

Umuúqo heé taa laqwaali nee Mungú, tlakweema gi tlehhaahhitiiká, asma aleesleemuú Mungú i baraawós i dirii'. Slám i kumiitiiká tlakweema tlehhtuwo, asma inós a na/oó Mungú.

Geehhoeemaá 14:4

Mukwí an kudá' taa slasla/aareemisiiká ar /ameena. Inooín taa duuxuxunká. Inooín Deelmoó bee/i kun eeharahaar amór inós iqo kaya. Inooín kaa tlaáxw baraá múk wa ale as tawa bu'úngw geera oo Mungú nee oo Deelmoó bee/i.