Yakobo 1:14 - Biblía Axweesantá Hhohho' ar Mungú 2004

¹⁴ Ala umuúqo heewo kun iiara'ar nee ilatleerirós ar kilá', tidá' tlakw, kun uuruxún nee kun al/agín.

Ya/abtór hho' 1977

¹⁴ Ala umuúqo heewo kun iiara'ar nee ilatleerirós ar kilá', tidá' tlakw, kun uuruxún nee kun al/agín.

Yakobo 1:14 Iomraidhean Croise

IIMU/UUNGW 3:6

Naxés /ameeni gana aán mamaá xa'anoodá' kúto' i tsuuiyá' /aymaaro, slám ki hhohho' ngiwa ga/eer ilaawo, nee ki hhoo' as iwa sagalooár huwiya' biringa /ák. Maamár xa'anoowí gari bú', gari /ák, gari hhawaatuuwós i hanís, inós sleeme gari /aáy.

IIMU/UUNGW 6:5

Aako gari ár adór tlakweemaá muu kir úr baraá yaamuwo, nee adór umuúqo inslawoó baraá muner'ín kur tlákw umuú daqto.

IIMU/UUNGW 8:21

AAKOÓ MUNGÚ slaahhareraá tsuuá' giri sláy awa ngwa sla'atisiye'. AAKOÓ MUNGÚ iri baraá muunaáwós i oó', «Yaamu i baloó lu'usaaká alaá adoorihe asma muu, asma inslawoó hee ku tlákw iimír iimu/uungose. Aníng muruú slaáf sleémeero u malé qwaareesaaká baloó alé, ar adoodá' ngira tleéhh.

2 SAMUELI 11:4

Naagáy Daudi muu guri ya/aáw as /ameenidá' kingiwa amoorósií huwi. Naagáy Bat-sheba iri hardát amór Daudi, Daudi nee /ameenidá' niri qaatiyé'. /Ameenirí hariímaarós ina sangw wátl, kár iri kí/ amór do'ós.

YOBU 31:27

nee muunaáeé' iri qawti warqáy as ngiwa sluufmisi, laqaá aníng dabaaeé' ngiri ma'aás as inooín ngiwa ilaiwawaa/,

YOBU 31:9

Barnaxes harér hee aga waatlakweés, naxes aga qoo mareexu'úngw áw afkú doó inslaawmooeé',

AXWEESANOÓ SAGALOOA 4:23

Muunaáwók harmagaahheek ta mura' sleémeero oo ta xuunda, asma an dír kutltá slafiingw i dahh.

ISAYA 44:20

Inslawaywós i baraá gaadaádá' da/ara tleehhiit kilós. Heé adór kwí aa hhitiruút ti baloó ba/amisiiká, laqaá sleeme i kaahiiká. «Gaarír gawaá dakw'eé' oo doó /iyáy a lamtookáhe.»

HOSEA 13:9

Aá múk Israeli, án kuungá' nu hhaamiís, heé kuungá' nu tuú/ a heemá?

Matayo 15:18

Ala muruú baraá afkú heé wa ti'imiít, amór i dahhi a baraá muuná, an muruudá' hee gu meetagaás.

Matayo 15:20

Muruuwí an muruudá' hee gu meetagaás. Ala heé daba' gaa hamaatliiká dír /aymaaro, i meetagwaaiiká.»

Matayo 4:1

Yesu kuri huúw nee Qeeruú hhoohhoó' oo Mungú ay baraá darma, as kuwa iiaraa'ari nee Neetlaangw.

Matayo 5:28

Ala án a kah, umuúqo heewo oo /ameeni gaa alqaytsiit ar ilatleeri aa fuquús nee /ameenidá' baraá muunaáwose.

Rumi 7:11

Asma hara'aya niwa hardát, tlakweema pa/aangw nguri slayé', aníng iri al/ayiyé', iri gaasiyé' ar hara'ayaadá'.

Rumi 7:13

Ala hara'ayaarí hhoo' gwa'ara ngina húbi dir'eene? Aasla'áy a hara'ayaarooká, a tlakweema gwa'ara ngina huwiyé'. Ala tlakweema hara'ayaadá' hhoo' ngina ar gadiyusiyé', as aníng iwa gaasiya'. Gawaá adoorihe hara'aya tlakweema ngina laqaán adór tar gár ló'wa tlaakw.

Efeso 4:22

Gawaá adoorihe gár kuungá' tunduwa hariím a slafingwhúng kuduú aáng un meerá'. Munerhúng na warqesaak, ta adoodár aange, asma munerhúng aáng i baraá hhitiruumit as ilatleerír al/ayma.

Ebrania 3:13

Ala kuungá' umuúqo deelooro ti gurbu'uunde' dír /aymuuwí «laarí» ir kumiiti, as tam heé wák baraá tla/angwhunge miwa ya/án kuwa al/ayi nee tlakweema, iri saga gawdúy.

Yakobo 1:13

Hee burku iiara'ar, miwa káh, «Aníng tin iiara'ar nee Mungú.» Asma Mungú ku baloó iiara'ariiká nee tlakweema. Slám inósuú kilá' hee gu baloó iiariiká.

Yakobo 1:15

Aluuwo ilatleerirós bira tsít, iri laqwál tlakweema. Nee tlakweemaadá' binda kwa/iyé', gwa'ara ngiri laqwaaliyá'.