Yakobo 1:11 - Biblía Axweesantá Hhohho' ar Mungú 2004

¹¹ Asma tsee/amuú xaraásl sla/a gan da/aa/án, gari kahaas, /ayoorós iri hú', hhoohhooartós iri fák. Tam daqaarmo sleeme aqo in adoodár /oots iri qwaar baraá daawitimeerós sleémeerowo.

Ya/abtór hho' 1977

¹¹ Asma tsee/amuú xaraásl sla/a gan da/aa/án, gari kaahas, /ayorós iri hú', hhoohhooartós iri fák. Tam daqaarmo sleeme aqo in adoodár /oots iri qwaar baraá daawitimeerós sleémeerowo.

Yakobo 1:11 Iomraidhean Croise

2 SAMUELI 22:46

Hooma iri munesií', tindiri ti'iít baraá guruú koo/ir'ín tidá' gawít wa ale, ta hara daaraax.

WARA'AMI 102:11

Slafingw'eé' i waaraahh adór geehhantmoó tsiindo wa ale. Aníng ana káh adór gitsór wa ale.

WARA'AMI 102:4

Aníng ana xoslo'oót adór gitsór taa tsaát, nee muruú /aymar'eé' ugwa gunqareés /aymaro.

WARA'AMI 103:15

Slafingw hee a adór gitso, in slu/ubiibín adór /ayór baraá qaymo.

WARA'AMI 37:2

Asma nin tseewa kahiyá' adór gitso, nin /ootsiyá' adór hatlitú wa ale.

WARA'AMI 39:6

Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

WARA'AMI 90:6

tidá' matlaatleero harmaa/ iri /ayús, nee tsiindoowo iri /óts nee iri kát.

DAHARUSMO 5:15

Hee adoodá' kura laqwaál ir tlabaá konká aqo adoodá' ganar kii/, gár i huwi i káhh tam ar wák baraá muruudá' aa tleehhi.

ISAYA 28:1

Tsaxwaaín, xufutuusér daara/aam ar Efraimu. Xirfuuín i qwaar adór /ayór aa kat. Xirfuudá baraá xatstá wahhaárí dirií', nee gawaá sagér mukdá' xufta aa bál.

ISAYA 28:4

Xirfuuín oo hhohh'aari aa qwaár adór /ayór aa kat, xirfuudá' baraá xatstá wahhaárí dirií', iri adór /aantsí tleehhiit ar aa hamat qoomár age iwa ti'imiiti, hee birnga ár gan buu' gari /aay hamtidár kilá'.

ISAYA 49:10

Inooín i qwariitiiaaká sleeme waxitiaaká, fur'ár age laqaá tsee/amá gi slahhaeesiiká. Anuúdá' inooín gi gurtlatláw in geerahaár. In huúw dír duxuú ma'aá koóm.

Matayo 13:6

Nee tam tsee/amá iwa gwa/aát iri káh, asma dír dee/ár nguy sihhi i káhh.

Matayo 20:12

Tari oó', ‹Mukwí naa aluú wa hardah, gadiyeé kana tleéhh ar qoomár looár wák kilós, ahaá kuúng bu'utuuín musa alqoomés nee koorén, ateédá' tsee/amá ugwa saqiqtlaatlimaan tlaatla/aangw sleémeero?›

Matayo 6:30

Bar Mungú /ayór baraá qamu gan adooqár tsiitimiis, ar laarí dáw nee matlo kari kwaahh gawaá ufuú xwaansláy, xáy, kuungá' nu ak tsiitísiíke, kuungaásingá' haratlintaao niina.

Marko 4:6

Tsee/amá iwa gwa/aát iri káh, asma dír dee/ár nguy sihhi i káhh.

1 Korinto 7:31

Nee mukdá' muruú yaamuuká' gu eeharahár masók a adór múk gu eeharaharaaká. Asma yaamuuká' adoorí hám i diri'iia, i qwaariyá'.

1 Petro 1:4

nee aalír hhitiruutaaká a slawaán tidá' ta meetagaasiiká, slám i /otská. Tidá' ta gawaá doorí wa amohhe'eemisi as atén.

1 Petro 5:4

Nee qoomár de'eemusmoodá' úr burkwa geehhooeés, kuungá' slamangwduú xirif u sleerá', oo baloó hhitiruutaaká.