Yakobo 1:10 - Biblía Axweesantá Hhohho' ar Mungú 2004

¹⁰ Nee kuduú daqaarmo, i qwalaa/i asma kwaa niinaweés. Asma daqaarmo in adór /ayór baraá sla/atá wa qwaar.

Ya/abtór hho' 1977

¹⁰ Nee kuduú daqaarmo, inós i qwalaa/i asma kwaa niinaweés. Asma daqaarmo in adór /ayór sla/atá wa qwaar.

Yakobo 1:10 Iomraidhean Croise

YOBU 14:2

In adór /aamiito'ór wa gaanslár uráy, iri gwaa', In adór mahhatír wa gaanslár ta'aaín, iri kahhuut.

WARA'AMI 102:11

Slafingw'eé' i waaraahh adór geehhantmoó tsiindo wa ale. Aníng ana káh adór gitsór wa ale.

WARA'AMI 103:15

Slafingw hee a adór gitso, in slu/ubiibín adór /ayór baraá qaymo.

WARA'AMI 37:2

Asma nin tseewa kahiyá' adór gitso, nin /ootsiyá' adór hatlitú wa ale.

WARA'AMI 39:6

Hee i waaraahh adór geehhantmoó wa ale. Waayaawós nee /ifooro a tawo, i muruú burumburín, ala heé gu sláw gu xuiiká.

ISAYA 40:6

Afo i kat, «Kaangwí tsee'eek.» Aníng niri oó', «Aníng gár ni tsee' a milá?» Iri beér, «Muu sleémeero a adór gitso. Nee hhohhoaarir'ín sleémeero a adór /ayór baraá qamu.

ISAYA 40:7

Gitso in kát, nee /ayo in /óts, AAKOÓ MUNGÚ fur'a birnga fukuku'uús gawaadár alé. Ar tsuwa ló' muu a adór gitso.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

Matayo 5:3

«Múk amohhoó' a kudá' narkuú qeeremooín gu tsatsahhaám, asma waawuti'iimár doori a tooín.

Matayo 6:30

Bar Mungú /ayór baraá qamu gan adooqár tsiitimiis, ar laarí dáw nee matlo kari kwaahh gawaá ufuú xwaansláy, xáy, kuungá' nu ak tsiitísiíke, kuungaásingá' haratlintaao niina.

1 Korinto 7:31

Nee mukdá' muruú yaamuuká' gu eeharahár masók a adór múk gu eeharaharaaká. Asma yaamuuká' adoorí hám i diri'iia, i qwaariyá'.

Filipi 3:8

Ala a muruuwí kiloseká. Mura' sleémeero un harafadiít tawa /aareemaá kilá' asma Kristo Yesu Aakooeé' nguwa xuú', gaarí a gár afhhamít ta muruú hatlá' sleémeero ba/a. Mura' sleémeero una geexáw as inós, mura' sleémeero una harafaár tawa xwaansloó tawo, as kahhó' Kristo nguwa slaw,

1 Timoteo 6:17

Mukdá' daqaari'iimár baraakaá' yaamu ga koóm ádbaweek matawa daara/án. Daqaari'iimar'ín tí makawa harahhiíf, asma i fák. Ala masók inooín Mungú ngun harahhifiyá', kudá' mura' sleémeero oo ta sla'aan ngu hanmiís ar yaareema.

Yakobo 4:14

Ala tam adoorihe kuungá' a xua'aaká ar matlo tleehharuut. Slafingwhúng a gár milá? Asma kuungá' a adór wahaamuú qoomár niina, alaá qoomár niina bira waaráhh iri ilaá wa qwaar.

1 Petro 1:24

Asma Gooi i kat, «Muu sleémeero a adór gitso, nee hhohhoarir'ín sleémeero a adór /ayór gitso. Gitso in kát, nee /ayo iri páhh.

1 Yohana 2:17

Ala yaamu i waarahhiyá' dinkwa nee ilatleerir'ine, ala heé adoodá' Mungú i slai ga tlehhiít i hotaatín ay kureér.