Yakobo 1:1 - Biblía Axweesantá Hhohho' ar Mungú 2004

¹ Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahh'aá mibaá nee tsár awa naa diyaa/atiye' baraá yaamaá dimbadimbé. Laawayhúng.

Ya/abtór hho' 1977

¹ Anuú Yakobo, lawaalmoó Mungú nee oo Aako Yesu Kristo barwaárí ngina gooiím amór tlahha'aá mibá nee tsár awa naa diyaya/aatiye' baraá yaamaá dimbadimbé. Laawaay.

Yakobo 1:1 Iomraidhean Croise

1 WAAWITÁ 18:31

Tlaa/aá mibaá nee tsár giri taataáhh, ar qoomoó faarór tlahh'aá mibaá nee tsár awa na/aá Yakobo, kudá' AAKOÓ MUNGÚ iwa oó', «Umuuwók a Israeli.»

ESRA 6:17

Inooín do'owí oo Mungú kuwa aldafin inooín ilahhooa awe tsiiruú wák kana haniís, gwaandaawe tsiire tsár, nee deeloó bee/aangw tsiire tsiyáhh as hingemisuú tlakweemaá múk Israeli sleémeero, nee gurtaawe mibaá nee tsár ar adoodá' faarór tlahh'aá xoorór Israeli i diri'iya'.

ESTA 3:8

Aluuwo Hamani waawutmo Ahasuero guri báy, «Xoororka wák i deer ar aa tsiyayaaxat baraá tla/ángw muu oo umuú dii baraá ayeemo sleémeero awa waawuti'iimarók. Inooín daber'ín nee dabér umuú xoorór ti slawá' i káhh, tam hara'ayár waawutmo ngi axamisiaaká, gawaá adoorihe, nee waawutmo ti aleslay'aaká.

TI'INAANGW 24:4

Mose axweesanaydá' sleémeero oo AAKOÓ MUNGÚ guri gooín. Matlaatlér boo/e iri ti'iít, kitángw ilahhooa ngiwa haniisi guri tleéhh dír afaá tlooma, uheemaá mibaá nee tsár giri siíhh ar harqoomoó tlahh'aá mibaá nee tsár awa xoorór Israeli.

TI'INAANGW 28:21

Tlaa/eedá' a mibaá nee tsár awa umér tlahh'aá mibaá nee tsár awa xoorór Israeli ki gooin. Umuúqo tlaa/anoowo tari adór laya ar sihhmiit daanduú tlahhoó wák baraá tlahh'aá mibaá nee tsár awa múk Israeliro.

TI'INAANGW 39:14

Gawaá adoorihe tlaa/aá mibaá nee tsár kiri tleéhh awa taa umér tlahh'aá xoorór Israeli i gooin. Tlaa/eedá' adór kira tleéhh a adór laya kar tlehhahhiti. Umuúqo tlaa/anowo umuú tlahhaay kuna gawaadií gooín, tlaa/ano iwa sihhmiiti daanduú tlahhaydá' wa aleeró.

ESEKIELI 12:15

«Qoomár bira diyaá/ baraá tla/ángw xoordaá hatlá', nee yaamaá saaw, an didá' aníng iwa tsaahhiya' adór tar AAKOÓ MUNGÚ.

TLAHHOÓ LAÁWI 26:33

Nun tsiyayaáx baraá tla/ángw xoordu, nee nuri paangadúr ayá', yaamuuhúng niri darma tleehhiyá' nee gixsaduhúng niri hhituruutiyá'.

Matayo 10:3

nee Filipo nee Bartolomayo, nee Tomas, nee Matayo, kuduú ohomusmoó koódi, nee Yakobó Alfayo, nee Tadayo,

Matayo 13:55

Kwí a garmoó heedá' maraá tlehhahhítaáke? Nee aayoorós a tidá' ta babáyke Maria? Hhaeewós awa daaqaay a Yakobo nee Yosefúwoóke, nee Simon nee Yuda?

Matayo 19:28

Yesu giri báy, «Án a kah, kuungaásingá' aníng iga eehade', baraá yaamuudá' /aben, kudá' Garmoó Hee iwa iwiiti gawaá kitangwduú xirfuuwós, kuungá' sleeme a iwitá' baraá kiteeriidá' mibaá nee tsár, tlahhi'iidá' mibaá nee tsár awa múk Israeli kiri sakwasleemutá'.

Marko 3:18

nee Andrea, nee Filipo, nee Bartolomayo, nee Matayo, nee Tomas, nee Yakoboó Alfayo, nee Tadayo, nee Simonudá' yaamuuwós aleeslaáqw,

Luka 22:30

as tawa /ayiinda' nee tawa wahaanda' dinkwa nee aníng baraá waawuti'iimar'eé' wa ale, nee tawa iwita' baraá kiteeriidaá aleesleemu, nee as tlahhi'iidá' mibaá nee tsár awa múk Israeli kiwa sakwasleemuta'.»

Luka 6:15

nee Matayo nee Tomas, nee Yakobó Alfayo nee Simonudá' yaamuuwós aleeslaáqw, dír múk Romár wa ale, kudá' yaamuuín gi sa waawuti'ii'iím.

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.»

Yohana 7:35

Múk Yahudi tiri kilooín yaahamiís, «Heewí amór i kay a amá, diirí atén kuwa araanaaká a diimá? Amór i kay a amór múk Yahudi kudá' aa diyaa/áti amór xoordaá hatlá', nee giri intsaahhatimísi?

Tlehhema'aá ya/Abuuse 1:13

Tari dáh baraá do', tari tsa/án gawaá qoroófa, amoodá' geeraawo tawa iwiwiít. Inooín a kuká': Petro nee Yohane, nee Yakobo nee Andrea, nee Filipo nee Tomas, nee Bartolomayo nee Matayo, nee Yakobó Alfayo nee Simonudá' yaamuuwós aleeslaáqw, nee Yuduú Yakobo.

Tlehhema'aá ya/Abuuse 12:17

Giri kuútl ar daba' as iwa xasliitiya'. Adór Aako inós ngura baraá doó tseegamór wa duúx gari alki/iít. Iri oó', «Kaangwí amór Yakobo ti hardahase' nee hha'aá hatlá' sleeme.» Iri tláy amór hatlá'.

Tlehhema'aá ya/Abuuse 15:13

Barnaba nee Paulo tawa hhe'eés axweesanto. Yakobo iri iimu/ún iri oó', «Hhaee'eé', aníng iiárií qaasaré'.

Tlehhema'aá ya/Abuuse 15:21

Asma iimír aange hara'ayár Mose ka soomamuus baraá maraá saaliingo umuúqo deelór Sabaátoro, nee axweesanaywós kudá' ku alki/aa/iit umuúqo gixsaro.› »

Tlehhema'aá ya/Abuuse 15:23

Barwá kari gooín kari ya/aáw ar mukdá'. Barwaádá' gár i kat a tí, «Intsihhiisarí amór i dahh a amór ya/abuuse nee bariise. Kana gooín amór hhaeerén kudá' awa xoordaá hatlá', awa baraá Antiokiár i diriiá', nee Siria nee Kilikia.

Tlehhema'aá ya/Abuuse 2:5

Baraá gixsár Yerusalemuwo múk Yahudi i deer oo Mungú gwa haratlintii', múk amór yaamaá dimbadimbé daraáhh awa baraakaá' yaamu.

Tlehhema'aá ya/Abuuse 21:18

Looaytleérós Paulo nee atene tari amór doó Yakobo kawaán, nee bariise sleémeero i didaádií dirí'.

Tlehhema'aá ya/Abuuse 23:26

«Anuú Klaudio Lisia barwaárí ngi amoorók i gooiím, kuúng Ga/aawusmoó xiríf, Felísi, Laawaay.

Tlehhema'aá ya/Abuuse 26:7

Al'axweesantí tlahhi'iirén kudá' mibaá nee tsár sleémeero ngin daamaraná' ngiwa i hardihiya', tawa Munguú sluufmamiisi ar inkihhimu tlaatla/aangw nee xweeraawo. Waawutámo! Aníng gár tiwa sakwasleemuuti nee múk Yahudi a daanduú haraxu'utirí.

Tlehhema'aá ya/Abuuse 8:1

Nee Saulo gaasadá' gari sa qwalalaá/. Baldá' gusisíngw úr oo múk kríshaanáy iri iimu/ún baraá Yerusalemuro, sleémeero tari diyaa/aát baraá yaamaá Yudearo nee Samariaro, ala aqo har ya/abuuse kilós ina mét.

Rumi 1:1

Anuú Paulo barwaárí ngina gooiím. Aníng a lawaalmoó Kristo Yesu, tina ateét tawa ya/abusmo, nee tiri tsawaár as Ya/abtór hho' ar Mungú ngiwa alki/iit.

Galatia 1:19

Ala ya/abusmoó hatlá' naa ár i kaahh, aqo har Yakobo kilós, hhiyoó Aako.

Galatia 2:12

Inós nee múk xoordaá hatlá' tana al/ayín, mukko niri hardáh oo tinda ya/aáw nee Yakobo Yerusalemúr wa ale. Mukdá' niwa hardáh, Petro tiri paraátl dír mukduú xoordaá hatlae, dír /ayma gari geexáy, asma i múk Yahúdír da'ayumiit, kudá' káh, múk xoordaá hatlá' ku al/utlin.

Galatia 2:9

Yakobo nee Kefa nee Yohane inooín a uheemaá múk kríshaanáy. Inooín aleesleemuudá' taa aníng i haniís nee Mungú, kuri tsaáhh. Gawaá adoorihe aníng nee Barnaba tiri /uye leehhiyé', as tawa múk gadiyuús dinkwa nee inooín. Tari al'axweesaán aníng nee Barnaba tawa tlawaan amór múk xoordaá hatlá', nee inooín amór múk Yahudi.

DABE 28:64

«AAKOÓ MUNGÚ kuúng un diyaa/ baraá tla/ángw xoordu sleémeero iimír bihhaá wák awa yaamu ay bihhaá hatlá'. Amoodae munguaá hatlá' awa xaai nee tlaa/e kiri sagadiyús, awa kuúng ta xu'uká, laqaá baabi'iiwók.

DABE 30:3

daqaní AAKOÓ MUNGÚ, Munguúwók uri ki/is baraá amohhooarók, nee guruuwós iri tláy as kuúng, nee uri ki/is baraá xoorduudá' uy diyaa/i.

DABE 32:26

Aníng ana oó', ‹Inooín in diyaá/ ay amór saaw, kiri inslayká nee muu gawaá daanduú yaamuwo.›

DABE 4:27

AAKOÓ MUNGÚ kuungá' nun diyaa/ baraá tla/ángw xoordaá hatlá', nee múk niiná dirhunge iri meet amoodá' AAKOÓ MUNGÚ nay guusi.

Filipi 1:1

Anuú Paulo nee Timoteo, sagadiyuusér Kristo Yesu, barwaárí ngina gooiimaán amór múk hhohhó' oo Mungú sleémeero oo baraá Kristo Yesu kuduú baraá Filipír i dirií', dinkwa nee geeraharuuser'ín nee sagadiyuusér múk kríshaanáy.

2 Timoteo 4:21

Kuúng ilakaaharu tleehheek niwa hardat dír qoomár tsaaqwa nira xeeriiká. Ebulo i kuúng intsihhiimiis, nee Pude, nee Lino, nee Klaudia, tam hhae sleémeero.

Tito 1:1

Anuú Paulo barwaárí ngina gooiím. Aníng a sagadiyusmoó Mungú nee ya/abusmoó Yesu Kristo. Aníng tina tsawaár nee tina ya/aáw as múk Mungú aa tsawaár nguwa alee/iis iwa haratlintii'i nee kángw looeema nguwa xuiya', kudá' hariím as Mungú kuwa ilaiwawa/i,

1 Petro 1:1

Anuú Petro, ya/abusmoó Yesu Kristo, barwaárí ngina gooiím amór múk taa tsawaár oo Mungú, oo aa diyaayaa/aat, oo baraá yaamaá dahaayi'iimár wa hoót, baraá yaamaá Ponto nee Galatia nee Kapadokia nee Asia nee Bitinia.

2 Petro 1:1

Anuú Simon Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór afhhamít gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.

Yuda 1:1

Anuú Yuda a lawaalmoó Yesu Kristo nee slám a hhiyoó Yakobo. Aníng barwaárí ngina gooiím dír mukdá' taa ateét nee Mungú, kudá' taa slaá' nee Mungú Baabá, nee kiri amohhe'eemiís as Yesu Kristo.

Geehhoeemaá 7:4

Mukdá' taa layár i qamín aníng faaror'ín ana axamiís. Faaror'ín a múk kume tsiiruú wák nee mibeeraá tsiyáhh nee tsiyáhh oo taa layár i qamín baraá tlahhi'iidaá múk Israeliwo.