WA/AA/I 5:1 - Biblía Axweesantá Hhohho' ar Mungú 2004

¹ AAKOÓ MUNGÚ muruuwí atén taa slay inslaweek, ga/aaweek, murekesayrén i qayteek.

WA/AA/I 5:1 Iomraidhean Croise

NEHEMIA 1:3

Tina báy, «Múk aa /uy loohatisaro, kudá' aa baraá yaamuudá' i meet, i baraá slahh'amuú yaariír nee mureekesaay. Slám koo/idár Yerusalemu kaa feé/, nee afeerós kaa daá/ ar asla.»

NEHEMIA 1:8

Aníng kuúng un firiím, /aymuudá' taa ó' dír lawaalmoowók Mose inslaweek, kudá' tawa ó', ‹Bar tlakweema iga tlehhé' nu tsiyayaáx baraá xoordu.

NEHEMIA 4:4

Naagáy aníng Mungú nguri firiím niwa kah, «Aá Munguúrén, niqimisuuín kwí iiárií qaaseek, waaqaqauuín kuqá' gawaaín ti ki/is, inooín maweek ki haasaáng wa huwi ay baraá yaamaá dahi'iima.

YOBU 10:9

Inslawiím, kuúng aníng ina tléhh ar hhape, hám daxta in male ki/ísa baraá hhape?

YOBU 7:7

Inslawiím, slafingw'eé' aqo adór hiinsluú tawo, hhooeema i baloó araaká.

WARA'AMI 119:153

Baraá slahh'amaayer'eene i qaytsitáng, tu/áng asma dabeerók aga gunqareesiiká.

WARA'AMI 74:18

Ala AAKOÓ MUNGÚ, tí inslaweek, wakuuse i kuúng niqimís, múk daktana umuuwók gu waaqaqaa'.

WARA'AMI 79:12

Aá Aakoó Mungú, xoordukaá digimuú inslaawaay awa kuúng u /oosliislimá', li/aay gawaaín ti bu' sagaáwa faanqw.

WARA'AMI 79:4

Aga tli/aán dír xoordaá inslaawaywo. Múk inslaawayrén tin waaqaseesén nee tin niqín.

ISAYA 62:6

«Aá Yerusalemu, aníng xuumuuse aga qaás gawaá koo/irók, tlaatla/aangw nee xweeraawo i baloó xasliitiaaká.» Kuungaásingá' AAKOÓ MUNGÚ inslawtimisá' ma baloó lakiitara'.

YEREMIA 15:15

Aníng ana oó', «Ala AAKOÓ MUNGÚ, kuúng a xú', aníng inslawáng nee qwaláng /iisáng, wakuuser'eé' li/áy bueek daanduueé' wa ale. Kuúng qitla u xú', án mi qwaareesaar. Inslaweek adór aníng tir /oosliislín as kuúng.

YEREMIA 51:51

Kuungá' a kata', ‹Atén taa mureekeés, taa iigahhamiít, atén alsi'imu taa óh, asma dahaaye a dát didaádá' hhoohhoo' ar Doó AAKOÓ MUNGÚ.›

WA/AA/I 1:11

Mukós sleémeero i baraá /ifo, as tawa gár /aymár leelehhiiti, daqaari'iimar'ín ngin muruú /aymár ar tlaxún as tiwa tu/iya' i kaahiya', «AAKOÓ MUNGÚ, ti i qaytsit, asma atén taa waaqaá'.»

WA/AA/I 1:20

«Aá AAKOÓ MUNGÚ, ga/aaweek, adór aníng nir baraá slahh'amuú i dirií', guruueé' /ur/uri gwa eér, muuná i ló'wa amoqwaqwadín, asma aga ló'wa dee/aanuút. Baraá lohduuwo muu ku tsuu/, baraá do'o muu i qaatl.

WA/AA/I 1:9

Slasla/aruuwós ku geehhoó', ala inós qwanaywós gu hhaslitká, gawaá adoorihe, huuamaawós ki ló'wa slasla/aar, heé gaa gurkwa/as i kaahh, inós i kat, «Kuúng AAKOÓ MUNGÚ, slahh'amuueé' i qayteek, asma wakuuser'eé' iga bál!»

WA/AA/I 2:15

Muu sleémeero oo baraá loohiro waraáhh tsa/i gin muux as kuúng, tan niqimis nee sage ngin diingimisiyá' as múk Yerusalemu tawa kaahi, «Gixsarí a tidá' aáng tawa kaáhiíke, hhohhoaarto aa harwaaráhh tidá' yaamu sleémeero naa saqwalaala/iyé'?»

WA/AA/I 2:20

AAKOÓ MUNGÚ, ga/aaweek, nee areek, heé taa adór atén láq a heemá? Xáy, /ameena na/ii'ín kudá' naa umaaminé' gi qo /ága? Kaahamusmo nee aarusmo kin tsú/i baraá Do'dá' hhoohhoó' oo Aako?

WA/AA/I 3:19

Slahh'amayer'eé' nee harweeriringw'eene bira insláw, án i ló'wa slahh'eemisiyá' adór saaxí.

WA/AA/I 3:50

ay dír AAKOÓ MUNGÚ gawaá doori nay baráy qayti ngi ari.

WA/AA/I 3:61

Aá AAKOÓ MUNGÚ, kuúng /oosliislingw'ín ugwa axás, nee muruuín kudá' tlákw i qoomeemeesiya' daanduueene.

HABAKUKI 3:2

Aá AAKOÓ MUNGÚ, aníng kangók ugwa axaás, nee tlehhmi'iiwók iri de'e tsatiyé'. Eeít AÁKO, gadiyeérók malé /abeeseek baraá kureeriikae. Baraá kureeriikae tlehhmi'iiwók i xu'utiitiye', bar aga búhh gurtleemuuwók inslaweek.

Luka 23:42

Tí ooaro ngiwa hhe'eés, iri oó', «Yésu, án inslawáng qoomár bara dát baraá waawuti'iimarók.»