WA/AA/I 4:21 - Biblía Axweesantá Hhohho' ar Mungú 2004

²¹ Qwalaala/é' nee qaseesemé' daxta, kuungaá Edómu, kuungaásingá' yaamaá Usír hootá', ala xooslmoowuú sakwasleema kungu dirhúng i haniis sleeme as kuwa wata', tay oonimitá' tlabaahúng kay kwakwahhá'.

WA/AA/I 4:21 Iomraidhean Croise

IIMU/UUNGW 36:28

Daaqoó Dishani a Usi nee Arani.

2 QOM'I 28:19

Adoorí ina tleehharút asma Ahasi waawutmoó Israeli, inós xarasleema gina tleéhh dír mukose, inkihhimu guna dakuús dír geeraá AAKOÓ MUNGUHE. AAKOÓ MUNGÚ múk Yuda guri daba' tsaát slaqwaraaro.

YOBU 1:1

Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

DAHARUSMO 11:9

Kuúng masoómo, masoombi'iimarók sa qwalaala/eek, nee muunaáwók qwala/aseek baraá masoombaimaroge. Adór ta sla' baraá muunaáwoge eehareek, nee adór ilaawoge taqo ga/eera. Ala ka xú' baraá muruuwí sleémeerowo Mungú kuúng u huuw baraá sakwasleema.

YEREMIA 49:12

Asma AAKOÓ MUNGÚ i kaahi, «Barnaxes mukdá' muxtaaro harimaaká kuna muúx, xáy, adór kuungá' muxtaaro tundur may? Aasla'áy, kuungá' muxtaaro tundu baloó mayká.

YEREMIA 49:7

Axweesantí an tidá' AAKOÓ MUNGÚ Aleesleemusmo aa oó' daanduú múk Edomuwo iwa kaahi, «Xáy, sagalooa i káhha baraá Temaniro? Xáy, kudá' daharuú koomá' hara'aya aa qwádi dir'ine? Sagaloa aa qwanaay hhe'ési?

ESEKIELI 25:6

«Anuú Aakoó MUNGÚ a kah, As kuungá' tsa/i kiwa slahhé', tari ni/iindé', nee tari bar/é' as yaamaá Israeli,

ESEKIELI 25:8

Aakoó MUNGÚ i kaahi, «As múk Moabu tawa oó', ‹Múk Yuda a slaqás nee xoordaá hatlá'›,

ESEKIELI 26:2

«Heewí, múk Tiro, múk Yerusalemu ngwa sawaaqasené' tawa kaahi, ‹Ahaá ala, Yerusalemu gixsadá' muu sleémeero ira waaraáhh, kaa hhaáf, daxta atén pa/aangw ugwa slawaán, daqaari'iimarós kaa hhitín.›

AMOS 1:11

AAKOÓ MUNGÚ i kaahi, «Aníng múk Edomu u mawaaká muxtaaro asma tlakweema tlakweema ngiwa tlehhaahhitiyé'. Asma inooín hhaeeín awa Israeli ngina slakaatiyé' ar paangadu, inooín tam gurtleemú niiná daanduú hhaeeine ngu kona'aaká. Buhhtaaín nina kumaamitiyé' umuú daqto.

OBADIA 1:1

Kaangwí an iigu'utuú Obadia, adoodá' Mungú ngira oó' daanduú Edomuwo. Kángw amór AAKOÓ MUNGÚ daáhh ugwa axaasaán. Ya/abusmo kwaa ya/aáw amór xoordu, iwa kaahi, «Gimsé', tlawaaré', qwalaas, sihhiitaré', ti muxaán nee Edomu.»

MIKA 1:11

Kuungaásingá' yaamuloousér baraá gixsár Shafírí, tlawsé' ar mure nee /aankwets. Kuungaásingá' baraá gixsár Sa'ananír wa hootá', ma tsee/ií ti'iitara' baraá gixsaro. Asma múk baraá gixsár Bet-eseli ta tsuunqumiis, asma alee/isaydá' ta slaslay dirhúng wa ale aa faák.

HABAKUKI 2:16

Gár tawa háts a mureekesaay ta xirfuuwo, kuúnguú kilá' na waheek daqaní ta ta/amít, kuúng tari adór heé ta hheehhe'eesiiká. AAKOÓ MUNGÚ kuúng u wahaas ar aleesleemuuwós, mureekesoó yaariír u dabár ót ta xirfuuwo.

Geehhoeemaá 16:15

«Qaytsiít, aníng ni hardáh adór fisusmo. Heé amohhoó' a kudá' dalaá' nee oo tsitaywós gu amohhe'eemiís as miwa hi'iimiít ar /aankwets, tam muu alsi'imuuwós munguwa ár.»