WA/AA/I 4:10 - Biblía Axweesantá Hhohho' ar Mungú 2004

¹⁰ Qoomaadá' muk'eé' kuwa hhaamiís, amuudá' gurtleemuú koomá' na/ii'ín awa kilá' ngina huminé' as kahhó' ngiwa /ayiya'.

WA/AA/I 4:10 Iomraidhean Croise

2 WAAWITÁ 25:3

Bál slahhángw tsiyáhh tawa gwaleél, qwari ina ló'wa tsimamiíhh baraá gixsaro, tam gár hee ir áfkwár kay iri qwát.

ISAYA 22:2

Ahaá asma milá tseeoro yaamu misa gaamisé'? Gixsa aa leexút, ta qwalalaa/, mukhúng kudá' taa tsuú/, kwaa tsu/iiká baraá slaqwarár wa alé, laqaá kwaa tsu/iiká ar paánga.

ISAYA 49:15

AAKOÓ MUNGÚ i kaahi, «Xáy, /ameeni na/aywós kudá' i du'umis gunqo gunqaarésa, xáy, iqo ya/aánda iwa gurtleemuú koondaaká dír maamár waqaantirose? Tam inós ngu gunqaaresa, ala aníng kuungá' nu baloó gunqareesaaká.

YEREMIA 19:9

Bál mukwí burkwa /amaatseék nee wakuuser'ín nee mukdá' gi baramaanuús nee kudá' gi tsu/utár wa slaá', mukwí tsaxwaá yaariir gi sláy, tam fu'unaá na/ii'ín awa daaqaay nee awa dasuwo kiri /aay, nee umuúqo heewo fu'unaá inslaawmoowós giri /aay.›

WA/AA/I 2:11

Ilaeé' naa slahhaaiyé' /aa/eewo, guruueé' /ur/uri gwa eér, muunaáeé' i ló'wa gurhaamír kón, asma muk'eé' kuwa hhaamiís, nee as na/aá qaweero nee kudá' du'uumá' niwa /araarana' baraá lohdaá gixsa.

WA/AA/I 2:20

AAKOÓ MUNGÚ, ga/aaweek, nee areek, heé taa adór atén láq a heemá? Xáy, /ameena na/ii'ín kudá' naa umaaminé' gi qo /ága? Kaahamusmo nee aarusmo kin tsú/i baraá Do'dá' hhoohhoó' oo Aako?

WA/AA/I 3:48

Hhirhheeri baraá ilaaeene nin wa/aminá' adór duxa, asma muk'eé' kuwa qwaareés.

WA/AA/I 4:3

Tam tawer sleeme in ya/aa/án na/ii'ín ngiwa du'umiisi, ala muk'eé' in tawo xaraasl adór sakweluú baraá darma.

ESEKIELI 5:10

Baraadá kilá' gixsaro xwayliité na/ii'ín awa kilá' gi /ák, nee na/ii xwayliitér'ín ngi /ayiyá'. Sakwasleemar'eé' a boo/eés daanduuhunge, nee panaydá' aa meet nguri diyaá/ bihhe sleémeerowo.

TLAHHOÓ LAÁWI 26:29

Na/iihúng awa daaqaay nee awa dasuuwo kiri /agá'.