Naagáy Yeremia nguri /aytisiyé' baraá hhalángw Malkia garmoó waawutmo, hhalangwdú baraá doó xuumuuse, Yeremia kuri baraadá i /aytiís ar him'e. Baraá hhalangwdae ma'aay i kahhiyá', a har baa/í kilós. Yeremia iri /eét baraá baa/i.
Ga/aaweek, aníng kuúng ugwa gweér, daxta kuúng bara aán i qoón tawa tlawaan ay Babuloni, gimáy daxta ti alkoomaán, aníng kuúng un amohhe'eemiís. Barnaxes kuúng a sla'aká tiwa alkoomaan ay Babuloni, ala ma daqawaar. Ga/aaweek, yaamu sleémeero i dír geeraawók, amór ta keemuúwa sla' kaweek.