WA/AA/I 2:9 - Biblía Axweesantá Hhohho' ar Mungú 2004

⁹ Afér gixsarós aa yaamií sluk'umít, muqslaadá' kar tsegiiti gana giqáy gay hhitín, waawutmoowós nee geeraharuuser'ine i baraá tla/ángw xoordu. Dabe i sangw malé káhh, aaruuseerós iigu'utuú amór AAKOÓ MUNGÚ daáhh gu slasleeraaká.

WA/AA/I 2:9 Iomraidhean Croise

2 WAAWITÁ 25:7

Aluuwo daaqaywós kuri tsuú/ dír ilaawós wa alé, inós sleeme kuri ila' tu/ún, alhhe'eesayhe nguri daba' tseegiyé' ar piíngu, nguri huwiyé' ay Babuloni.

2 QOM'I 15:3

Asma har afiqoomár yaariire múk Israeli tana hoót Munguú ló' dir'ine i kaahh, nee kaahamusmoó gaa intsaahhatimis i kaahh, nee dabe i káhh sleeme.

NEHEMIA 1:3

Tina báy, «Múk aa /uy loohatisaro, kudá' aa baraá yaamuudá' i meet, i baraá slahh'amuú yaariír nee mureekesaay. Slám koo/idár Yerusalemu kaa feé/, nee afeerós kaa daá/ ar asla.»

WARA'AMI 74:9

Layár ta ara'araan i káhh, laqaá aarusmo. Tam alhhe'eesoó tí heé gu xuú' i kaahh.

ISAYA 24:12

Baraá gixsaro gár aa met a deewa'ame kilós, nee afkú gixsa kwa tuuaaiít iri hhituruút.

YEREMIA 14:14

AAKOÓ MUNGÚ iri báy, «Aaruuseesíng i lamtá aaririín ar umuueé', ala aníng nga ya/aawiiká, aníng iga bawiiká adoosíng tleehhaak, laqaá aga axweesaniiká nee inooín. Iigu'utuudá' naa ariyé' i amor'eé' dahhiiká. Muruú naa aariné' a muruú tawo oo inslaway'ín.

YEREMIA 23:16

AAKOÓ MUNGÚ Aleesleemusmo i kaahi, «Axweesantá aaruusedá' kuungá' ma iiárií qamimara'. Inooín harahhifór lama ngi kaahiyá', gár i kaahiya' a tlataaín awa tawo, ala kangwdá' i amor'eé' dahhiiká.»

YEREMIA 39:2

Bál slahhángw tsiyáhh tawa gwaleél oo kurkú mibaá nee wák iimír Sedekia, tawa waawutmo, koo/ír gixsár Yerusalemu kana fooxiís.

YEREMIA 39:8

Múk Kaldayo doó waawutmo nguri da/iyé' nee maraá muko, koo/ír Yerusalemu ngiri fee/iyé'.

YEREMIA 51:30

Slaqwaruusér Babuloni slaqwara gaa harslaaqát, naa meetiyé' baraá ku/er'ín tidá' gawden, /uureemooín naa faakiyé'. Inooín an adór /ameena, maray'ín kaa daá/ ar asla, muqslár afér maray'ín kaa giqáy.

YEREMIA 52:14

Slaqwaruuse sleémeero ar Kaldayo, tidár dinkwa nee geeraharusmoó úr oo xuumuuse, koo/i sleémeero tidá' gixsár Yerusalemu ga harwet kana feé/.

WA/AA/I 1:3

Múk Yuda kwaa loohatís as slahh'eemis nee lawali'iimár xaraasl, inooín tan baraá tla/ángw xoorduú wa hoot, ala amohhooár ta slaslay i káhh. Inooín kaa ohín nee mukdá' gi eeharahár qoomár iwa baraá slahh'amuín i dirii'iya'.

WA/AA/I 4:15

Muu gina i tseeamín, ta kaahi, «Quutlé'! Kuungaásingá' slasla/aren, quutlé', quutlé'. Ma gaa kwatiitara'!» An gár tas múk haleleamiít nee oo tongaanuús. Múk xoordu iri oó', «Mukwí ayaarene u dahaasanaaká.»

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

ESEKIELI 12:13

Ala aníng tsaxweeli a qaás nee inós guri ót. Aníng nguri huúw Babuloni, yaamaá múk Kaldayo, inós amoodae iri gwaa', tam adoorihe yaamuudá' gi ariiká.

ESEKIELI 17:20

Aníng tsaaxweeli a qaás ar gu oh, inós tsaaxweelir'eé' guri ót, u huúw ay Babuloni, nguri sakwasleemuút as adoodá' aníng iwa geewaqaát.

ESEKIELI 7:26

Amotlakwe i baloó lakitká, muruú tlákw ti alkoomaakón hardahmuuwo. Iigu'utu ngun leelehhiyá' dír aaruuseero, kaahamuuse dabe ga xu'ká, hara'aya dír bariiseero i káhh.

HOSEA 11:6

Gixsaduín ki qwaarees ar slaqwara, nee afér maray'ín kari giqáy ar paangadu, inooín kiri hhaamiis, baraá guruú koo/ir'ín tidá' gawit.

HOSEA 3:4

Asma múk Israeli deelór yaariire i waawutmoó kon'aaká, laqaá heé úr, laqaá ilahhooár muruú ta tsu/i, laqaá /aampa, laqaá naifeéra laqaá tam slaqsa'aá munguii'ín.

AMOS 1:5

Afér gixsár Damasko a giqáw nee múk baraá xatstá Aweni nguri diyaá/, dinkwa nee waawutmoó Beti-edeniwo. Múk Aramu kuri loohatis ay Kiri. Anuú AAKOÓ MUNGÚ tí ngina oó'.»

DABE 28:36

«AAKOÓ MUNGÚ kuúng, dinkwa nee waawutmoowók kudá' kuúng taa tsawdi, nun huuw ay baraá xoorór kuúng ta baloó xu'uká, laqaá baabi'iiwók sleeme. Nee amodaádae kuúng munguaá hatlá' awa xaai nee awa tlaa/e kiri sagadiyús.

DABE 28:63

Adoodá' AAKOÓ MUNGÚ ngira slaá' uri dihhooárí haniís, nee uri tlahhás, an adoorír kilá' AAKOÓ MUNGÚ gan slaa' kuúng uwa amotlakweérí huwi, nee uwa hhaamiisi. Kuúng turi hingees baraá yaamuudá' ta aalír eera.

1 SAMUELI 28:6

Saulo AAKOÓ MUNGÚ guna firín gawaá daanduú tihe, AAKOÓ MUNGÚ gwaa mu/aywatsiiká ar loohír tlata laqaá ar iso nee ar aaruuse.