WA/AA/I 2:7 - Biblía Axweesantá Hhohho' ar Mungú 2004

⁷ Aako kitaangós kuduú ilahhooa gwaa niqín, dirós tidá' hhoohhoo' gaa sií', Do'ós kuduú waawuti'iima gwaa qaás gawaá dabaá wakuuse, niri tsimahhuusiyé' baraá Doó Mungú wa alé adór múk baraá deelór úr i dirií'.

WA/AA/I 2:7 Iomraidhean Croise

2 WAAWITÁ 25:9

Doó AAKOÓ MUNGÚ guna daá/, nee doó waawutmoowo, nee mari sleémeerowo awa Yerusalemu, umuúqo doó ure guna ásltí qaás.

2 QOM'I 36:19

Doó Mungú guri daá/, koo/ír Yerusalemu gari feé/, maraá waawuti'iima giri daá/ nee xoosla sleémeero ar tlaxo gawden gari hhaamiís.

WARA'AMI 89:39

Alqadoodá' kuúng taa ó' dír sagadiyusmoowók aga meér, nee slamangós kuduú waawuti'iima ugwa kwáhh baraá teerír i alé.

ISAYA 64:9

Aá AAKOÓ MUNGÚ, kuúng ma ló'wa buhhaar, nee tlakweemaarén mi inslaslawaar ay daqisleém. Ga/aaweek, tí aldakweek, atén sleémeero a mukók.

YEREMIA 21:4

AAKOÓ MUNGÚ, Munguú múk Israeli, i kaahi, ‹Sedekía, xosluudá' tar slaqw nee waawutmoó Babuloni nee múk Kaldayo, kudá' ugwa harweeriye' tsee/aá gixsaro, ngin amoorók xu'ús. Aníng xooslaá slaqwarár slaqwaruuserhúng in burumbuúr baraá tla/ángw gixsarí.

YEREMIA 26:18

«Qoomár Hesekia tawa waawutmoó Yuda, Mika, heé Moreshetír daáhh, múk Yuda sleémeero guna báy, AAKOÓ MUNGÚ Aleesleemusmo i kaahi, ‹Gixsár Siyoni ka adór qaymór wá doosl. Gixsár Yerusalemu ka taangu tleehh. Tloomár Doó Mungú i darma tleehhít.›

YEREMIA 26:6

naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 32:29

Múk Kaldayo kwí gixsarí ga i slaáqw, nin hardah, gixsa kari ásltí qaas, dinkwa nee maraydá' gawaá daáriro tawa mooyángw da/aa/an dír munguúdá' ta bay Ba'ali, nee ilahhooár difaái kawa tsiririximisi dír munguaá hatlá', as aníng tiwa mune duuxi.

YEREMIA 39:8

Múk Kaldayo doó waawutmo nguri da/iyé' nee maraá muko, koo/ír Yerusalemu ngiri fee/iyé'.

YEREMIA 4:26

Aníng ana qaytsiít, naxés yaamaá hhape hho' nina adór xaanxay tleehhitiyé' nee gixsadu sleémeerowo naa tangwaá tawo tleehhitiyé' asma buhhtadaá xaraaslá' awa AAKOÓ MUNGÚ.

YEREMIA 4:27

AAKOÓ MUNGÚ i kaahi, «Yaamu sleémeero i xaanxay tleéhh, ala sleémeero i ak hhitiimaaká.

YEREMIA 50:28

«Iia qaasaak, inooín naa /akumiitiyé', naa kotsqomitiyé' baraá yaamaá Babulonír wa alé, ta baraá Siyonír wa kángw ilaharmiis adór AAKOÓ MUNGÚ, Munguúrén li/aay ngura buú', li/aay as Do'ós kudá' hhoohhoó'.

YEREMIA 52:13

Doó AAKOÓ MUNGÚ guri daá/ ar asla, nee doó waawutmoowo nee mari sleémeero awa Yerusalemu umuúqo doó ure guna daá/ ar asla.

WA/AA/I 1:4

Lohaá Siyoni i tsuunqumisiyá', as heé hardáh iwa kahhi bál deelór ure. Afér maraá gixsa aa tawo mét, kaahamuuseerós i baraá /ifór diren, /amaatliiteerós kaa hhiimbirtlín, nee gixsa i baraá slahh'amaayér diren.

WA/AA/I 2:1

Adór Aako buhhtaawose múk Siyoni ngura dahaás baraá tlaangú! Inós hhohhoartá múk Israeli gana baraá doorí wa kwaáhh ay yaamu. Baalaadár buhhtaawose tam didá' ya'aawós ngi qamaamin gaa inslayká.

WA/AA/I 2:5

Aako naa hardáh adór wakusmo, múk Israeli gwa hhaamiís. Inós maraydaá waawitá sleémeero gaa hhaamiís, nee koo/idá' gawit gaa taangúy, tsuunqumís nee wa/aa/ír múk Yuda gaa tlahhás.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

ESEKIELI 7:24

Xoorór ló'wa tlaakw ngi huúw. Inooín maray'ín ki sawaawuti'ín. Daara/angw'ín u faák nee wa/aamer'ín tidá' hhohho' ka meetagaas.

TLAHHOÓ LAÁWI 26:31

Gixsaduhúng in daá/, dirhúng tidá' hhoohhoo' an xaanxay tleéhh nee ilahhooár mooyangwhúng kudá' tsuú' u baloó ya/amaaká.

TLAHHOÓ LAÁWI 26:44

ala baraá tisíng sleémeerowo qoomár inooín tawa baraá yaamaá wakuuser'ín i dirii'i, aníng i kwahhaaká, laqaá i aahhaaká, tam ngiri ló'wa hhaamiís, nee alqador'eé' ngiri kwaáhh. Asma aníng an AAKOÓ MUNGÚ, Munguúín.

AMOS 2:5

Gawaá adoorihe asla a qaás gawaá múk Yuda, asla koo/ír gawit ar Yerusalemu gari /ák.»

MIKA 3:12

Gawaá adoorihe, siyoni, gixsár Mungú, ka doosl adór qaymór wá alé, Nee Yerusalemu iri taango tleehhít asma kuungá'. Nee tloomadá' taa Doó Mungú i tleéhh, iri gara tleehhít sleeme.

Matayo 24:2

Yesu eeharuuseerós gari báy, «Tí sleémeero a ga/eerá'a? Án a kah, tlaa/anoó gawaá kuqí meét oo ta fee/iiká i kaahh.»