WA/AA/I 2:16 - Biblía Axweesantá Hhohho' ar Mungú 2004

¹⁶ Wakuuseerók sleémeero in niqiín, nee in miitleeliín, nee in /atlí /ayiyá', slám i kaahiya', «Aga hhaamiisaán, baalaarí an tidá' taa damraaramaán, hamí aga i hardahaán nee a ga/aawaán!»

WA/AA/I 2:16 Iomraidhean Croise

WARA'AMI 109:2

Múk tlákw nee oo al/aymuuse ta aníngí slaaqw, lama ngin daandueé' kaahiyá'.

WARA'AMI 112:10

Múk tlákw kaangwí bur ngwa ár tan buuhh. Inooín ngun /atlií /ayiyá' asma adoodá' kawa sií' ala nari ilaá wá qwaariyá'. Harahhifór heé tlaákw i payshút.

WARA'AMI 124:3

geeraawo atén sleémeero taa slafi gu/ún, qoomár tawa atén i buúhh.

WARA'AMI 22:13

Iga afeérí awaatliyé' adór dirángw /oroótl oo gár feehhamisuú wa slaá'.

WARA'AMI 35:16

Mukdá' liitlakuusér wa niqiím, aníng in /atlií /aay.

WARA'AMI 35:21

Aníng ina iigahhaatiyé' ta kaahi, «Lala lalala, ar taa /imís aga hhoó araán.»

WARA'AMI 35:25

Pa/aangw munguwa slayé' oo tawa kilooín ooi, «Ala ma hhaslitaán adoodá' ta sla'aan aga slawaán.» Matawa oó', «Ugwa suqtisán.»

WARA'AMI 37:12

Tlakuusmo heé hota ganaá' gun geewaqaqatín, nee gun /atlií /aay.

WARA'AMI 41:8

Ta kaahi, «Tiqtír tlakw gwa ohihiín, tiqae naxooro i baloó tu/uutiiká.»

WARA'AMI 56:2

Wakuuser'eé' tlaatla/aangw sleémeero án tin slahh'eemiis. Asma awa slaqwarár huwaahuwá' ar daara/aangw ki yaariir.

WARA'AMI 57:3

alee/isaywós ngu gawaá doorií wá huuw iri ba/amis, kudá' aníng i hhitár wa slaá' nguwa mureekeesi. Mungú sla'aarirós ar warqawaaká nee inkihhimuuwose ngi laqán!

ISAYA 49:19

Looeemaawo yaamuuhúng kaa xaanxay tleéhh nee kaa deewaa'atís, nee sleeme kaa hhitín. Looeemaawo hamí daxta yaamuuhúng ni iirakuyá' as yaamuloouuserhúng. Kudá' yaamuuhúng ngaa hhitine' ki puruuts dirhunge.

YEREMIA 26:6

naagáy aníng do'owí un adór kuduú Shilór wa hhitiím, nee gixsarí an adór gixsár taa lu'ús tleéhh dír xoordu sleémeero awa daanduú yaamuwo.› »

YEREMIA 29:18

Aníng in aldáh ar slaqwara, nee giyeé nee tiqtír pu/i. Inooín ngiri adór gár ta waki tleéhh baraá waawuti'iima sleémeero ar yaamuwo. Inooín tari gár ta lu'umisi, nee gár waa/oo/amór huwahuuw nee gár ta waaqaaqai baraá xoordu sleémeero kudá' ngay guusi.

YEREMIA 50:17

Múk Israeli, a adór bee/ángw ta slakaati nee diraangw kudá' ta tlatlahhaás. Geeraawo kina hhaamiís nee waawutmoó Ashuru, nee hám daxta Nebukadnesa waawutmoó Babuloni kudá' gaa fadu giqaaqay.

YEREMIA 50:7

Umuú gár gaa harasliqiti gina /ák. Wakuuser'ín giri beer, ‹Atén ti tlakweeká asma inooín AAKOÓ MUNGÚ nguna sadakuusiyé', kuduú qawtantaín ar ló', AAKOÓ MUNGÚ kuduú harahhifór baabi'ii'ín.›

YEREMIA 51:34

Waawutmo Nebukadnesa oo Babuloni gixsár Yerusalemu gana hhitín nee gari naasúy, gari adór hutloó kaahaár tleéhh, gana guú/ adór dayshamo. Guruuwós guna hatsiís muruú tsuua nee gari waá/ amór saaw.

WA/AA/I 1:21

«/Ifor'eé' ngiwa axaasiyé', heé aníng iga gurkwa/as i kaahh. Wakuuser'eé' sleémeero slahh'amuueé' nguwa axaasiyé', tidá' kuúng taa tléhh ngina saqwalaa/iyé'. Baalaadá' taa al'axwés ni hardat, tidá' wakuuser'eé' slahh'amuú adór kwe'eé' kwí nguwa sleer.

WA/AA/I 3:46

Wakuuseerén sleémeero atén tina waaniqiín.

ESEKIELI 23:32

«Anuú Aakoó MUNGÚ a kah, ‹Naxooro a wát baraá xooslmooduú hho'oorók kudá' tleér yaangariír, muu iri waaqasén iri waaqaa', slám xooslmoowók i haats.

ESEKIELI 25:15

Aakoó MUNGÚ i kaahi, «Asma múk Filisti magoót ngina tseegiyé', li/aay nguri buiyé' dír wakuuser'ín ar buhhtaá tlakw, nee tari dáh baraá wakaarír baloó faakaaká,

ESEKIELI 25:3

Múk Amoni ku beer, Axweesantá Aakoó MUNGÚ iiaárií qaasaak, Aakoó MUNGÚ i kaahi, Kuungá' qoomár dír hotaaeé' kawa meetagaás, alaá múk Israeli kuwa hhaamiís, nee múk Yuda kuwa loohatmisi, ana niqár oé', ‹Ahaá ala›.

ESEKIELI 25:6

«Anuú Aakoó MUNGÚ a kah, As kuungá' tsa/i kiwa slahhé', tari ni/iindé', nee tari bar/é' as yaamaá Israeli,

ESEKIELI 36:3

«Gawaá adoorihe, Esekiéli, kuúng aariím ta ó', ‹Anuú Aakoó MUNGÚ a kah, kuungaá tlom'aá múk Israeli, muu naa yaamaá tawo tleéhh, nee tunda i haratláy bihhe sleémeerowo, nee aga daqaari'iimár xoordaá hatlá' tleehhité', nee tari gár ta kaantin, nee ar ta waaqaqaai tla/ángw xoordu sleémeerowo.

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

HOSEA 8:8

Xoorór Israeli kaa guú/, hamí ta baraá tla/ángw xoordaá hatlá' adór xooslmoó ado wásl.

MIKA 4:11

Hám daxta xoordaá yaariir naa burumburitiyé', gixsár Yerusalemu ngaa harweeriyé', as kuungá' múk Yerusalemu tunduwa i haratlay, ta kaahi, «Gixsár Yerusalemu ka hhitin. Ilaarén taangór gixsarí ngi ariye'.»

Tlehhema'aá ya/Abuuse 7:54

Qoomár axweesanaywí kuwa axaás, muner'ín kari slahh'eemiís, Stefano kuri /atlií tlu'ún.