WA/AA/I 2:13 - Biblía Axweesantá Hhohho' ar Mungú 2004

¹³ Kuungaá múk Yerusalemu, gár nu baw, gár nur alqoomees? Kuungaá múk Siyoni gár nur alqoomees, as kahhó' nuwa gurkwa/as? Asma adór tundura hhitín ka ló'wa ur, heé kuungá' huungu/uusaro nu aleesláw a heemá?

WA/AA/I 2:13 Iomraidhean Croise

2 SAMUELI 5:20

Naagáy, Daudi iri hardáh dír ta bay Ba'al-perasimu, didae múk Filisti guri baál. Aluuwo iri oó', «AAKOÓ MUNGÚ wakuuser'eé' gana haraahuúw geeraaeé wá ale, adór alwuór ma'aay ar aa gaanslár waarahh.» Gawaá adoorihe didá' ka bay Ba'al-perasimu

2 WAAWITÁ 19:21

AAKOÓ MUNGÚ daanduú Senakeribuwo i kaahi, ‹Dasír Siyoni kuúng ugwa waaqá', nee ugwa ló'wa waniqís, nee dasír Yerusalemu kuúng ugwa aluú wa qoongo'ós,

WARA'AMI 60:2

Yaamu ina diingís, niri feehhitiyé'. Didá' aa feehhit amohhe'eeseek, asma i diingiín.

ISAYA 37:22

AAKOÓ MUNGÚ waawutmoodá' gun babay, ‹Gixsár Siyoni tidár dasír maa/i kuúng una waaqá' uri niqiín, Gixsár Yerusalemu tidár adór dasír hhoohhoo' sagós guna mumukumís aluuwók wa ale.

YEREMIA 14:17

AAKOÓ MUNGÚ aníng ina báy, as muu nguwa kángw baw daanduú gurhaamir'eene nee nay oó', «Masók hhirhheeraá ilaaeé' nin wa/aminá' tlaatla/aangw nee xweeraawo, masók an kumaamiít /aa/eewo, asma muk'eé' kwa ló'wa hariiáy, nee kwa ló'wa slahh'eés.

YEREMIA 14:19

Aá AAKOÓ MUNGÚ, múk Yuda una tsuwa si'ima hhe'ési? Kuúng múk Siyoni una ló'wa áhhi? Ahaá, asma mista adoorír sláhh, tam hungu/uusaro ti aleeslayká. Atén wayda una harahhifaán, ala gár hhoo' ar taa slawaán i káhh. Harahhifo ana qaasaán as tawa hunguu/aan, kitaangose tina dae tsaát.

YEREMIA 8:22

Ahaá, baraá yaamaá Gileadiwo xa'anoó maasáy i káhhi? Ahaá, qwaslaarmo i káhhi Gileadiwo? Ahaá baré muk'eé' kuú narkute kwa hungu/uusiiká.

YEREMIA 9:18

Inooín ni gaanslár hardihiyé' tawa tsuunqumisi as atén, hhirhheeri baraá ilaarene ni baráy gororoxotiye', hhirhheeri ni baraá ilaarén wa ti'imitiye'.

WA/AA/I 1:12

«Kuungaásingaá hhayutuúse, qaytsité' nee ka aandá', xáy dirhunge a gaarookáhe? Ga/aawaak, heé gurhaamuút adór aníngár alé i deéro tidá' tinda gawaaeéní qaás, tidá' AAKOÓ MUNGÚ aníng iwa slahh'eemiís, baalaadár buhhtaawós kudá' xaraasla'a.

ESEKIELI 32:31

«Waawutmo Farao kuká' sleémeero birnga ár, iri gurkwaa/ as yaareemaá slaqwaruuseerós tidá' sleémeero. Anuú Aakoó MUNGÚ tí aga oó'.

DANIELI 9:12

Axweesantók tidá' taa ó' aga gawdés daandemoorene, nee dír waawitaárene, as gixsár Yerusalemu kawa ló'wa sláhh, ak alé ta gixsadaá hatlá' sleémeero awa daanduú yaamuwo.