WA/AA/I 2:1 - Biblía Axweesantá Hhohho' ar Mungú 2004

¹ Adór Aako buhhtaawose múk Siyoni ngura dahaás baraá tlaangú! Inós hhohhoartá múk Israeli gana baraá doorí wa kwaáhh ay yaamu. Baalaadár buhhtaawose tam didá' ya'aawós ngi qamaamin gaa inslayká.

WA/AA/I 2:1 Iomraidhean Croise

2 SAMUELI 1:19

«Mukduú xirfuuwók kwaa tsuú/ gawaá tlom'iiwók wa ale. A adoomá adór miguuse kara daásl!

1 QOM'I 28:2

Naagáy Daudi iri sihhiít, iri oó', «Hháe, muk'eé', aníng iiárií qaasaré', aníng aáng geeraawo ana tsabiím baraá muunaáeene doó sandakmoduú alqadór AAKOÓ MUNGÚ nguwa tleehh, nee kitángw Munguúrén ya'aawós ngi qaasi, nee xooslaá tlehhma ina amohhe'eés.

WARA'AMI 132:7

«Gusé', a dahaán baraá do'ós kudá' i hooti. A tumbararaa'ataán dír kitángw ya'aawós ngi qamaamin!»

WARA'AMI 89:45

Deelór masoombi'iimarós aga quqmaarés, ugwa mureekés.

WARA'AMI 99:5

AAKOÓ MUNGÚ, Munguúrén, xirfayeemisaak, dír geeraawós i tumbarara'ataak! Inós an kudá' hhoohhoó'.

ISAYA 64:11

Doorén kudá' hhoohhoó' nee oo taa parootuús, didá' baabi'iirén kuúng uwa xirfayemisiyé' kaa daá/ ar asla. Wa/ameerén tidá' sleémeero sla'atimiis kaa taangu tleéhh.

YEREMIA 30:14

Sla'aaruuserhúng sleémeero kuungá' naa gunqaarés, kuungá' nu baloó gár i xuiiaaká. Aníng kuungá' naa slaáhh adór wakusmo, kuungá' tundu muux ar gurtleemu wasle, asma dakuúsarhúng ka ló'wa ur, tlakweemaahúng ki ló'wa yaariir.

WA/AA/I 1:1

Gixsarí geeraawo muko haats, adór ira kilós mét. Tidá' geeraawo ur baraá xoorduuwo, adór ira kwaali'ít. Inósadár dasír waawutmo baraá tla/ángw gixsaduuwo, adór ira adór kwaalo'o tleehhít.

WA/AA/I 1:12

«Kuungaásingaá hhayutuúse, qaytsité' nee ka aandá', xáy dirhunge a gaarookáhe? Ga/aawaak, heé gurhaamuút adór aníngár alé i deéro tidá' tinda gawaaeéní qaás, tidá' AAKOÓ MUNGÚ aníng iwa slahh'eemiís, baalaadár buhhtaawós kudá' xaraasla'a.

WA/AA/I 2:17

AAKOÓ MUNGÚ tidá' sleémeero aa tsabín gaa tleéhh, /aymuuwós kudá' aa oó' gwaa boo/eés adoodá' ngura islaáx iimír bál geeraawo, gixsa gana yaamií hhaáf ar gurtleemu wasle, Wakusmo gwaa qwal/aás daanduuhunge, /uuruú wakuuseerhúng gwaa barilooeés.

WA/AA/I 4:1

Xáy, adór sahaáburén ira boo/áy, adór sahaábu hhohhó' ira warqáy! Tlaa/aá hhohho' tsee/a ngaa tsataatiyé' baraá umuúqo loohiro.

WA/AA/I 4:11

AAKOÓ MUNGÚ xarasleemaawós ngina laqán, buhhtaawós giri ku'uús, gixsár Siyoni gay ásltí oohiís, tam ihhafiirír gixsa gari /ák.

ESEKIELI 13:13

«Gawaá adoorihe, anuú Aakoó MUNGÚ a kah, ‹Asma daanduú buhhtaeene aníng bambaao nee tluwoó tlaa/e oo úr ngu huúw, nee koo/i kari yaamií daahh.

ESEKIELI 19:12

Ala sabiíbuudá' kuna tuú/ ar buhhta, nee kuri kwaáhh yaamií alé, fur'ár da/aá daahh guri kahás, mamuuwós giri paahhamís. Haleemaawós kudá' /uuruú koomá' niri kahiyé', asla giri /ák.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

ESEKIELI 30:18

Amór Tahafnesi tlaatla/aangw in xweera tleehhiit, qoomár bar aleesleemuú múk Misri ugwa hhitiím, nee daara/aangós kudá' úr un suqúw. Huunkáy yaamaá Misri giri tuuntuuk nee dasuuwós kuri loohatis.

Yoeli 2:2

A deelór giwti nee gurhaami, deelór huunkáy nee ma/amí. Slawtá ur ar ingigi naa naká/, tlom'ii gi tuuntúk gay giwís. Gár adoorí kaa ariiká kureeriiwo iimír aange, slám ka baloó ariiká baraá qari sleémeero ar aluú wa hi'iita.

Matayo 11:23

Nee kiíng gixsár Kapernaumu, xáy, ti tsa/aási ay gawaá doori? Aasla'áy, tin /aytiis ay baraá gi'i. Asma muruú waa/oo/amo oo aa tleehharuut diroge, geera dír iwa tleehharuút bar an baraá Sodoma, geera Sodoma i deer ay laarí.

Luka 10:15

Nee kiíng gixsár Kapernaumu, xáy ti tsa/aási ay gawaá doori? Aasla'áy, tin /aytiis ay baraá gi'i.»

Luka 10:18

Yesu giri báy, «Án Neetlaangw ugwa ár, i gawaá doorí wa /e/eetín adór mankari.

1 SAMUELI 4:21

Na/aay guri beér, Ikabodi, iri ó', «Asma xirif aa quútl dír múk Israeliro.» Asma sandakmoó alqadór Mungú kwaa hayóh, nee as taatoó hhawaatuuwós nee hhawaatuuwose niwa qatliyé'.

1 SAMUELI 4:22

Iri ó' «Xirfuuwí aa quútl baraá Israeliro, asma sandakmoó alqadór Mungú kwaa hayóh.»