WA/AA/I 1:9 - Biblía Axweesantá Hhohho' ar Mungú 2004

⁹ Slasla/aruuwós ku geehhoó', ala inós qwanaywós gu hhaslitká, gawaá adoorihe, huuamaawós ki ló'wa slasla/aar, heé gaa gurkwa/as i kaahh, inós i kat, «Kuúng AAKOÓ MUNGÚ, slahh'amuueé' i qayteek, asma wakuuser'eé' iga bál!»

WA/AA/I 1:9 Iomraidhean Croise

2 SAMUELI 16:12

Hám wané', AAKOÓ MUNGÚ slahh'amueé' gwaa ár. Inós adoorí aníng tiwa lu'umisi laarí ngin buu' ar hhooeema.»

2 WAAWITÁ 14:26

Asma AAKOÓ MUNGÚ slahh'amuú úr oo mukós oo Israeli guna ár, asma heé gi alee/iís i kaahh.

NEHEMIA 9:32

«Gawaá adoorihe, aá Munguúrén, Munguú úr oo /uuruú koóm nee oo dae tlaáq, kuúng alqadorók an ohiín nee sla'aarirók i warqeeraaká, slahh'amaayedá' atén taa sleer nee waawitaárén, nee múk urén nee kaahamuuseero nee aaruseerene, baabi'iirén nee mukók sleémeero iimír qoomár waawituú Ashuru ay laarí, kuúng ma gár niiná wa araar.

WARA'AMI 119:153

Baraá slahh'amaayer'eene i qaytsitáng, tu/áng asma dabeerók aga gunqareesiiká.

WARA'AMI 140:8

AAKOÓ MUNGÚ, heé tlakusmo tidá' i slai ma haniisaar, nee tidá' tlakw ta qoomeemesi ma ya/aamaar iwa tleehharut.

WARA'AMI 25:18

Slahh'amaayer'eé' nee baraamaanir'eé' i qaytsiteek, tlakweemaeé' sleémeero gurtlaweek.

WARA'AMI 69:21

Qoomár niwa qwariít, qara nguna haniisiyé' tawa muruú /aymar'eé'. Qoomár án niwa waxiít tina wahaás ar gár qarqaar.

TI'INAANGW 3:17

Aníng adór kuungá' nur duúx baraá slahh'amusuú yaamaá Misriro aga oó', nuri dahaás baraa yaamaá xoorór Kana'ani nee ar Hiti, nee ar Amori, nee ar Perisi, nee ar Hifi nee ar Yebusi, yaamaá diihhooár ilwa nee dane.

TI'INAANGW 3:7

AAKOÓ MUNGÚ guri báy, «Slahh'amaayér muk'eé' kuduú baraá yaamaá Misri aga ár. Aníng /aa/eeín iga axaás, kudá' kiwa slahh'eemisi nee sagesihhtuuser'ín, nee slahh'amuuín u xuú'.

TI'INAANGW 4:31

Muu iri haratlintií'. Qoomár kawa axaás adór AAKOÓ MUNGÚ múk Israeli ngura iiárií qaás, nee adór slahh'amuuín ngura ár, sager'ín kari xupu'uús kuri sluufiís.

DAHARUSMO 4:1

Aluuwo aníng ana qaytsiít, malguuse ngari ár baraá yaamuwo, naxés mukdá' ta malguús i /aa/amín, ala heé gi gurkwa/ás i kaahh. Asma malguuse i /uuruú koón bartaine, gaarí an gár mukdá' gurkwa/asa ngisa slayi'iiká.

ISAYA 3:8

Asma múk Yerusalemu taa dukuúts, nee oo Yuda aa huú', asma AAKOÓ MUNGÚ nguna si'iyé', ar tlehhmi'ii'ín nee axweesanay'ín, xirfuuwós ngwaa gaárií xui'iiká baraá tla/angw'ine.

ISAYA 37:17

Aá AAKOÓ MUNGÚ, iia qaaseek, axamiís. Aá AAKOÓ MUNGÚ, ilawoge qaytsiít, ta xumís, axweesanaywí sleémeero oo Senakeribu axaaseek, kwí naa ya/aáw iwa Munguú slaáf niqin.

ISAYA 37:23

Ala kuúng heé taa niqiín kuri /ooslisliín a heemá? Heedaá heemá taa daanda axwés, heedá' taa niqiín kuri biibisiín a heemá? An aníng kudá' hhoohhoó' oo Israeli.

ISAYA 37:29

As kuúng tawa aníngí búhh nee as axweesanaywók kuduú taqnaa/i niwa gawaá iaeéní hardáh, aníng duungaawók i óh ar baratsufaay, nee himuueé' un afkók ar tseék, aníng kuúng uri watlís ar loohi tidá' aáng nira daqeér.› »

ISAYA 37:4

Dooqa AAKOÓ MUNGÚ, Munguúwók /aymi'iidaá geeraharusmoodá' gaa qo axaás, kudá' aakoowós waawutmoó Ashuru naa ya/aáw as Munguú slaáf nguwa niqisi. Nee doóqa AAKOÓ MUNGÚ Munguúwók inós gu iigahhaat daanduú /aymi'iidá' aa axaasi. Gawaá adoorihe mukwí aa meet aleefiriimang.› »

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 47:7

Kiíng ana kilók ó', ‹Aníng a waawuto'o daqisleém.› Ala muruuwí ugwa baraá muunaáwók i qasiká, tam alhhe'eesaywós ugwa insleeriiká.

ISAYA 51:19

Muruuwí tsár oo tlákw kiíng iga sláy, heé kiíng i gurtláw? Baraá hhitiru'uumaro nee qwanaywo, nee qwari nee tsu/utaaro Heé kiíng i gurkwa/ás a heemá?

ISAYA 54:11

«Aá Yerusalemu, kiíngadá' taa slahh'eemiís, tidá' taa daawitamiís, ar gurkwa/asa gaa dakus. Ga/aaweek i malé tleéhh ar tlaa/aá tlaxo uren, iihhafiirirók a tleéhh ar tlaa/aá yakutír sirboo/.

YEREMIA 13:27

Aníng muruuwók kudá' ni waak ugwa ár, fuqtók nee tsaatuuse kawa al/aa/amiin, sli'iimarók tidaá harwaarahh gawaá tlom'i nee baraá qamuuwo. Aá Yerusalemu, a tsaxwaawók. Ay xaylá hheehhe'eesa ka siaaiin?»

YEREMIA 16:7

Heé mukdá' tsuunqumiís as qatlór xwayliitér'ín gu muruú /ayma nee ma'aá wahaángwí hanmiís i kaahh as ngiwa gurkwa/asi.

YEREMIA 2:34

Baraá tlabaawoge tseerér múk daba' hhohhó' aga ár, inooín tam do'ók ngwa fee/i'iikahe.

YEREMIA 48:26

AAKOÓ MUNGÚ i kaahi, «Múk Moabu xufitisaak, asma inooín tina xirfayeemisiyé' as aníng iwa si'iyé'. Gawaá adoorihe, múk Moabu ta gwaagwara'amiit baraá wa/arii'ín wa ale, nee inooín kiri waaqaseesén.

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

YEREMIA 50:29

«Múk ga/ale tlaqutuwo ga xuú' ateetaak as Babuloni kawa i haratlay, umuú heé mahaangw tsaxaararo gu xuú' huwaak. Gixsa harweeraak asma hee miwa /akuút. Li/aay buaak ar qoomoó tlehhmi'iiwós adoodá' múk hatlá' ngway tlehhít ti tlehhe', asma inós ina daara/aán, AAKOÓ MUNGÚ, kudá' hhoohhoó' oo Israeli guri waaqá'.

WA/AA/I 1:17

«Múk Siyoni daba' gina gáwtí tleés as iwa alee/isoó firirina', ala heé gaa gurkwa/as i kaahh. AAKOÓ MUNGÚ hara'aya gaa oó' daanduú Yakobowo ar inslaawaywós iwa wakuuseerós tleehhiti, Yerusalemu aa gár slasla/aar tleehhít baraá tla/angw'ine.

WA/AA/I 1:21

«/Ifor'eé' ngiwa axaasiyé', heé aníng iga gurkwa/as i kaahh. Wakuuser'eé' sleémeero slahh'amuueé' nguwa axaasiyé', tidá' kuúng taa tléhh ngina saqwalaa/iyé'. Baalaadá' taa al'axwés ni hardat, tidá' wakuuser'eé' slahh'amuú adór kwe'eé' kwí nguwa sleer.

WA/AA/I 2:13

Kuungaá múk Yerusalemu, gár nu baw, gár nur alqoomees? Kuungaá múk Siyoni gár nur alqoomees, as kahhó' nuwa gurkwa/as? Asma adór tundura hhitín ka ló'wa ur, heé kuungá' huungu/uusaro nu aleesláw a heemá?

WA/AA/I 4:1

Xáy, adór sahaáburén ira boo/áy, adór sahaábu hhohhó' ira warqáy! Tlaa/aá hhohho' tsee/a ngaa tsataatiyé' baraá umuúqo loohiro.

WA/AA/I 5:1

AAKOÓ MUNGÚ muruuwí atén taa slay inslaweek, ga/aaweek, murekesayrén i qayteek.

HOSEA 2:14

Hamí daxta ga/aaweek, aníng a harhheehhe'eés ngiwa huuw baraá darma, ngiri i axweés ar fur'ár tsa'.

SEFANIA 2:10

Gaarí an bu'utuú daara/angw'ín Asma múk AAKOÓ MUNGÚ Aleesleemusmo nguna niqiné', tiri kilooín xirfayemisiyé'.

Yohana 11:19

Nee múk yaariír oo Yahudi tinda hardáh dír Marta nee Maria, as kiwa gurkwa/amisi as hhiyaaín iwa gwaá'.

DABE 26:7

Aluuwo atén AAKOÓ MUNGÚ, Munguú baabi'iirén una i /aa/aán nee AAKOÓ MUNGÚ /aa/eerén giri axaás, nee slahh'amuudá' taa slawaán guri ár, nee gadiyeédaá gawdene, nee baramaanirene.

DABE 32:27

Ala aníng axweesantá wakuuser'ín ana da'ayuút, as wakuuser'ín mingiwa adór hatlár tsáhh tari ooi, ‹Atén aga baalimaán, nee AAKOÓ MUNGÚ inooín gaa alee/isiiká.› »

DABE 32:29

Barnaxes inooín geeraawo i fuqurángw kona'a, geera tí ngaa tsaahhiyé', nee alhhe'eesáy'ín ngwaa aldakutiyé', axáy a adoomá.

1 Petro 4:17

Asma qooma naa xeér ar sakwasleema iwa iimu/uun dír múk Mungú wa ale. Ala barnaxes sakwasleema in iimu/uún dirén wa ale, ala alhhe'eesaywós a adoomá dír mukdaádá' Ya/abtór hho' ar Mungú gaa si'i?

1 SAMUELI 1:11

Al'axweesani gari ó' dír Aakoó Munguú Aleesleemusmo, iri ó', «AAKOÓ MUNGÚ, barnaxés kuúng aniídár sagadiyuso'oorók iga i qaytsít baraá slahh'amaayero, nee iri insleér, bira gunqareská aniídár sagadiyuso'oorók, nee aniídár sagadiyuso'oorók na/oó garmaawo bira qeér, daqaní aníng baalaadae u haniís dír AAKOÓ MUNGÚ. Na/aywí baraá slafiingós sleémeerowo u saga deeqwaaká baloó alé.»