WA/AA/I 1:8 - Biblía Axweesantá Hhohho' ar Mungú 2004

⁸ Gixsár Yerusalemu tlakweemaá ur gaa tléhh, gawaá adoorihe iri slasla/aruúr. Mukdá' geeraawo gaa ilaiwawaa/ gaa waaqaá', as ngiwa /aankwets ariyé', tam adoorihe inós i baraá /ifo iri alií warqeér.

WA/AA/I 1:8 Iomraidhean Croise

IIMU/UUNGW 3:7

Naxés inooín tsaraawo ilaaín kiri gwa/atís, tiri tsaahhiyé' adór inooín tar /aankwets. Loo/ór puunganí kari hiriít tlabaá wa alé.

1 WAAWITÁ 9:6

Ala bar aga warqeeré', aníng eeharahaduuwo iri meerá', kuúng nee na/iiwoge, hara'ayar'eé' nee kaahir'eene kiri meeré' ooharo, tidá' naa dír geerahúngí qaás, slám tari tleerá' munguaá hatlá' kiri sagadiyusá' nee kiri sluufmisá',

1 WAAWITÁ 9:7

naagáy nun sií' kuungá' nee do'owí naa hhoohhooeés as umuueé', sleémeero in saweés dír ilaeene. Múk Israeli tari slaqsaay nee /aymuú /ooslisliingw baraá xoordu sleémeerowo.

1 WAAWITÁ 9:9

Nee muu iri ooi, ‹Asma adoodá' AAKOÓ MUNGÚ, Munguúín nguwa gunqaaresiyé', kudá' baabi'ii'ín ngaa duux baraá yaamaá Misrír wa alé, inooín tiri dabe oohiyé' nee munguaá hatlá', kiri sluufmiís nee kiri sagadiyuús. Gaarí an gár AAKOÓ MUNGÚ kaangwí ngusa gawaaíní huúw.› »

ISAYA 47:3

Muu /ankwetsuuwók gu ar, alsi'imuuwók kuri ar. Aníng li/aay u buú', aníng heé ni gurtlaw i kaahh.

YEREMIA 13:22

Kuúng bara baraá muunaáwógií ó', «Ahaá waáy, gár kaangwí isa sláy?» Asma tlakweemadá' ur taa tléhh, an gár tusa /aankweetsiís, nee an gár tusa óh ar /uuru.

YEREMIA 13:26

Gawaá adoorihe anuú kilá' tlabaawók in waatleés ay gawaá saga, nee mureekesaywók muu guri ar.

YEREMIA 15:4

Aníng inooín in gár dae tlaaq tleéhh dír waawuti'iima sleémeero ar daanduú yaamuwo, asma tlakweemaadá' Manase garmoó Hesekia aa tleéhh baraá Yerusalemuro, qoomár tawa waawutmoó Yuda.

YEREMIA 24:9

Aníng inooín in gár dae tlaaq tleéhh baraá waawuti'iima sleémeero ar daanduú yaamuwo, inooín kiri niqín nee kiri waaqaqaa', nee kiri waaqaseesén nee kiri lu'umis umuúqo dír ngi loohatisi baraá yaamuwo.

YEREMIA 32:23

Inooín niri dahiyé', yaamu ngiri oohiyé', ala tidá' kuúng kaa beér nga iiárií qaasi'iiká, tam hara'ayarók nga oohi'iiká. Tidá' kuúng kaa beér ngaa tleehhi'iiká. Gawaá adoorihe, kuúng kiri amotlakweérí húp.

YEREMIA 34:17

Hám daxta, anuú AAKOÓ MUNGÚ a kah, As kuungá' aníng iwa iialooeesi'iiká, as lawaaleedá' kawa gwedi'iiká. Ar ló', aluuwo aníng kuungá' nu gweér, aníng kuungá' nu gweér as tunduwa tsu/i ar paánga, nee giyeé nee tiqtír pu/i. Aníng xoordu sleémeero i dae tsaát, qoomár birnga axaasiyé' tidá' ni tleehh.

YEREMIA 4:31

Afo ana axaás adór afór /ameenír asltá xwayla. Tseeo a adór tidár /ameenír na/oó baris gu laqwaliim. Gadaádá' a afór Siyoni tidá' hiinsluuwós bu'umitaaká, nee dabaawós gaa gan'ás iwa kat, ‹Tsaxwaaeé', aga slar/aát dír geeraá tsu/uutuuse.› »

YEREMIA 6:28

Inooín sleémeero naa dee/anutiyé', ki sage gawden. Inooín an múk tawo hi'imiít as muu kuwa kaantin. Ki gawden adór muqslír sirdaa/aat nee muqsli. Inooín sleémeero a múk a hhitruut.

WA/AA/I 1:11

Mukós sleémeero i baraá /ifo, as tawa gár /aymár leelehhiiti, daqaari'iimar'ín ngin muruú /aymár ar tlaxún as tiwa tu/iya' i kaahiya', «AAKOÓ MUNGÚ, ti i qaytsit, asma atén taa waaqaá'.»

WA/AA/I 1:17

«Múk Siyoni daba' gina gáwtí tleés as iwa alee/isoó firirina', ala heé gaa gurkwa/as i kaahh. AAKOÓ MUNGÚ hara'aya gaa oó' daanduú Yakobowo ar inslaawaywós iwa wakuuseerós tleehhiti, Yerusalemu aa gár slasla/aar tleehhít baraá tla/angw'ine.

WA/AA/I 2:10

Bariisér Siyóni aa yaamií iwít iri qartlamít, sager'ín ngay hhapér i kwakwaahhiyé', gunaydu ngiri tsiitiyé'. /Amatliitér Yerusalemu sager'ín ngay xupu'usiyé' ay yaamu.

WA/AA/I 4:21

Qwalaala/é' nee qaseesemé' daxta, kuungaá Edómu, kuungaásingá' yaamaá Usír hootá', ala xooslmoowuú sakwasleema kungu dirhúng i haniis sleeme as kuwa wata', tay oonimitá' tlabaahúng kay kwakwahhá'.

ESEKIELI 23:29

As adoodá' kiíng iwa slaiaaká, mamaá gadiyér dabaawók ngin hayoohiyá', tlabaawók kiri hayoh iri /aankwetsisiyá', /aankwetsuú tsaatu'uumarók gár kur lu/ iri qwát. Kaangwí gár kusa sleér a as tsaatu'uumarók nee fuqtók.

ESEKIELI 23:46

«Ala anuú Aakoó MUNGÚ a kah, Daqtá múk yaariír ti húp, ki dae tsati nee daqaari'iimar'ín ka hayoohi.

ESEKIELI 39:23

Xoordaá hatlá' ngiri tsaahhiyá' adór múk Israeli gár isa diya/aát tar tlakweemaín kudá' taa tleéhh dir'eene. Nina dee/aanutiyé' aníng ngiri alaá xu'ús as miwa ariyé', nee ngiri qaás gawaá dabaá wakuuser'ín as kiwa tsu/i.

HOSEA 2:10

Aníng an /aankwetsiís dír ilaá mulqeerós wa ale, tam heé wák oo ga baraá dabaaeéná wa tuú/ i kaahh.

HOSEA 2:3

Bir axamiská aníng a tlaba' hingeés, gwe'eedo gay tsee/áy tsát, ngiri ki/ís adoodár bál kingiwa laqwaál, inós ngiri adór xaanxaay tleéhh iri mét ar pakáy, ngiri gaás ar waxe.

Geehhoeemaá 3:18

Gawaá adoorihe gár kuúng wa hariim a adoorí an tléhh, Sahaábuudá' taa hhoohhooeés ar asla dir'eé' tiwa tlaxw, as kuúng tawa daqaarmo tleehhit, nee tlabaadá' /awak kiwa tlaxw, nee kiwa dahas, as /aankwetsuuwók kudá' murér koóm mukuwa ara'ár. Nee slám maasáy na tlaxweek, ilaawók kiri slík, as kuúng tawa xumis.

1 SAMUELI 2:30

Gawaá adoorihe AAKOÓ MUNGÚ, Munguú Israeli i kaahi, ‹Tam án geeraawo aga ooi do'ók nee doó baabuúwoge i geeraaeé' wa kumaamitiiyá' kureerisleém.› Ala hamí AAKOÓ MUNGÚ i kaahi, ‹Kangwsíng i amór saáw pa/i dir'eene.› Asma mukdá' aníng i ilaiwawaá/ án u ilaiwawaá/ sleeme. Ala kudá' i waqaaqa'á' aníng i gaárí xuaaká.