WA/AA/I 1:7 - Biblía Axweesantá Hhohho' ar Mungú 2004

⁷ Gixsár Yerusalemu deeloodár slahh'amuuwose nee tiqtirose muruuwós kudá' tlaxo gawdén i koon iimír aange guri insleér, qoomár mukós iwa huuhu'ún gawaá dabaá wakuuseerós, nee heé gaa tuu/ i kaahh. Inós kari waaqaseesén nee wakuuseerós, kari niqín asma huuamaawós.

WA/AA/I 1:7 Iomraidhean Croise

YOBU 29:2

«Ooyeey! Tsiní geera bar aníng an adoodár slahheeraá geerií kaáhh, de'emaadá' aníng tiwa de'aaen nee Mungú.

WARA'AMI 42:4

Qoomár bar muruú aáng ugwa insláw, muunaáeé' in gurhaamuut. Asma qoomaadae tina alkoomakoomaán nee boo/oó úr, ngiri geerahaár tawa hardahaan amór Doó Mungú, boo/oó úr oo muu oo hi'imiít ar afór bara/ nee daa'ángw ilahhooa.

WARA'AMI 77:3

Qoomár niwa Munguú inslaslaw, nari amoqwaár. Qoomár nguwa aldakuut, nari mune sií'.

WARA'AMI 79:4

Aga tli/aán dír xoordaá inslaawaywo. Múk inslaawayrén tin waaqaseesén nee tin niqín.

ISAYA 64:10

Gixsaduuwók kudá' hhohho' naa darma tleehhitiyé' Siyoni aa darma tleehhít, Yerusalemu aa deewá'.

ISAYA 64:11

Doorén kudá' hhoohhoó' nee oo taa parootuús, didá' baabi'iirén kuúng uwa xirfayemisiyé' kaa daá/ ar asla. Wa/ameerén tidá' sleémeero sla'atimiis kaa taangu tleéhh.

YEREMIA 37:7

«Anuú AAKOÓ MUNGÚ, Munguú Israeli a kah, waawutmoó Yuda kudá' kuúng ugwa ya/aw as aníng iwa firiin, ku beer, ‹Ga/aaweek slaqwaruusér Farao tidá' naa hardat as kuúng uwa alee/is, i kí/ baraá yaamaá Misri, ayaaín kudá' ta dahhi.

YEREMIA 48:27

Múk Moabu kuungá' inslawiimé' adoodá' múk Israeli kura waaqasaseendé'. Tam inooín kaa al'ohinkahe dinkwa nee fisuuse, ala qoomár bar daandeemaín axwesá' an hara sagerhúng mumukuumisá'.

WA/AA/I 4:17

Ilaarén naa buqanumitiyé' as alee/isaay kuwa daamaramaan, baraá dal'amaayerene xoorór ba/amisaro ti aleeslawaaká ana daamaramaán.

ESEKIELI 25:3

Múk Amoni ku beer, Axweesantá Aakoó MUNGÚ iiaárií qaasaak, Aakoó MUNGÚ i kaahi, Kuungá' qoomár dír hotaaeé' kawa meetagaás, alaá múk Israeli kuwa hhaamiís, nee múk Yuda kuwa loohatmisi, ana niqár oé', ‹Ahaá ala›.

ESEKIELI 25:6

«Anuú Aakoó MUNGÚ a kah, As kuungá' tsa/i kiwa slahhé', tari ni/iindé', nee tari bar/é' as yaamaá Israeli,

HOSEA 2:7

Inós mulqeerós gay eeharahaduú eér, ala gi sleeraaká, gi leelehhít ala gi aandaaká, iri o', «Aníng a kií/ amór hhawaatuueé' kuduú bi/i, asma adoodá' dír hhawaatueene nira hoót a tsiní ta adoorí hám ni diriia.»

MIKA 4:11

Hám daxta xoordaá yaariir naa burumburitiyé', gixsár Yerusalemu ngaa harweeriyé', as kuungá' múk Yerusalemu tunduwa i haratlay, ta kaahi, «Gixsár Yerusalemu ka hhitin. Ilaarén taangór gixsarí ngi ariye'.»

Luka 15:17

Ala qoomár inós tiwa baraá muunaáwósí aldakuút, iri oó', ‹Sagadiyuusér dír doó baabuúeé' wa gadiyuus a magá', ar gwaeemaá gixaw, nee án qwari i baraaká' wa gaamiis.

Luka 16:25

«Abrahamu iri oó', ‹Garmaaeé', inslaweek adór kuúng muruú hhó' baraá yaamuwo kura sleér oo slafíngw baraá yaamu, ala Lasaro gár aa sláy a liitlakwe. Daxta inós hamí i diirí, ku gurkwa/amis, kuúng tu slahh'emiis.