WA/AA/I 1:6 - Biblía Axweesantá Hhohho' ar Mungú 2004

⁶ Xirif sleémeero oo múk Siyoni aa faák geeraharuuseerós aa adór saaragár qawo wasl tleehhít. Inooín nina /akumiitiye' awa /uuru wasl dír geeraá kudá' ngi eeharaahara'a.

WA/AA/I 1:6 Iomraidhean Croise

2 WAAWITÁ 19:21

AAKOÓ MUNGÚ daanduú Senakeribuwo i kaahi, ‹Dasír Siyoni kuúng ugwa waaqá', nee ugwa ló'wa waniqís, nee dasír Yerusalemu kuúng ugwa aluú wa qoongo'ós,

2 WAAWITÁ 25:4

Tam mukduú Babuloni gixsa ngaa harweeri'i badu sleémeero, slaqwaruusér Yuda dirka baraá koo/iro kari feé/, slaqwaruuse sleémeero tari ta'aaín xweeraawo ar loohír afkudá', dír koo/i tiwa dók dír iisaapoó asalmoó waawutmo. Waawutmo iri tláy ar loohír Araba.

2 WAAWITÁ 25:5

Ala slaqwaruusér Kaldayo waawutmo guri eehát guri aleesleér dír xatstá Yeriko, slaqwaruuseerós sleémeero guna geexeér tari diya/aát.

WARA'AMI 50:2

Iimír baraá Siyoniro, gixsadá' ló'wa hhoohhoo', gwa/aateemaá Mungú i qwiirii/iyá' adór tsee/amá.

WARA'AMI 96:9

AAKOÓ MUNGÚ diidi'iimisaak ar hhohhoartá xirfuuwós, yaamu sleémeero daraaxé' geeraawose.

ISAYA 1:21

Gixsarí inkihhimuú koom, adór ira tsaatuso'o tleehhít! Inósadá' sakwasleemár ganaa'a haats, inósadá' hotaá ganaa'á' gira hot, ala hamí aa tsu/utuso'o tleehhít.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 4:5

Aluuwo umuúqo diiro gawaá tloomár Siyoniro, nee wa/aamér dinku'uumár muko, qoomár tlaatla/ango AAKOÓ MUNGÚ gan huunkár tuuntuuk, nee xweeraawo gan tuuntuuk ar quui nee tsángw asla oo gwa/aát. Tam adoorihe xirfuú AAKOÓ MUNGÚ gixsa sleémeero gan tuuntuuk ar heémaarós, nee gari de'én.

YEREMIA 13:18

Waawutmo nee aayoorós bawaak, «Aweeraré' gawaá kiteerihúng awa waawuti'iimaro, asma slam'iihúng kudá' hhohho' naa huuhu'uné' gawaá sagerhunge.

YEREMIA 29:4

«Daanduú mukdá' taa ar tlayi baraá yaamaá Yerusalemúr wa alé ay Babuloni. AAKOÓ MUNGÚ Aleesleemusmo, Munguú Israeli, i kaahi,

YEREMIA 47:3

Inooín kididiheelíngw faras ku axaas, nee tsimaahhír gaardaá slaqwara, nee kuduuduhár /angeegeuú gaardu kari axaas, baabi'i na/ii'ín kiri máy amohhe'eemisuuwo, asma dabaaín naa tsatiitiyé' ló'wa aleeró.

YEREMIA 48:41

Gixsaduín ki hayoh nee ku/er'ín tidá' gawden ka hhaaf. Baalaarihe munér pihhuusér Moabu tari adór muunuú /ameenír dír asltá xwayla.

YEREMIA 52:11

Naagáy ilaá Sedekia giri tu/ún nee guri tseék ar him'e, guri ar tláy ay yaamaá Babuloni, guri tseék ay bál gwa'ararós.

YEREMIA 52:13

Doó AAKOÓ MUNGÚ guri daá/ ar asla, nee doó waawutmoowo nee mari sleémeero awa Yerusalemu umuúqo doó ure guna daá/ ar asla.

ESEKIELI 24:21

aníng kuungá' nuwa baw, Aakoó MUNGÚ dír hotaawós ga meetagaas, do'duú xirfuuhúng, nee handá' kuungá' nu qwal/atmís bur ga/eerá'. Tam na/iihúng awa daaqaay nee awa dasuuwo kudá' taa alií geexeeré' ki tsuu/ ar paánga.

ESEKIELI 24:25

AAKOÓ MUNGÚ ina báy, «Heewí, bál gadaádá' inooín i harahhifiya' bara hingeés, tidár qwal/uuín nee xirfuuín, didií ló'wa slaiya' xuxu'uungo, na/ii'ín awa daaqaay nee awa dasuuwo in hingeés,

DABE 28:25

«AAKOÓ MUNGÚ wakuuserók ga /uurií haniis, kuúng uri bál slaqwaraaro. Kuúng nee inooín tin dogá' ar loohír wák, ala kuúng tari gop ar lohdu faanqw. Kuúng turi aahh baraá waawuti'iima sleémeerowo.

DABE 32:30

Xáy, heé wák múk kumuú wák adór ngur guusi? Nee múk tsár adór múk kumér mibaangw ngur baali, aqo inooín birka kwaáhh nee tlaa/ar'ín, barnaxes AAKOÓ Munguúín ga geexáy?