WA/AA/I 1:16 - Biblía Axweesantá Hhohho' ar Mungú 2004

¹⁶ «Aníng hamí an /aa/amiím as kaangwí. Hhirhheeri baraá ilaeene in tawo wa/aminá', as heé aníng i gurkwa/ás kuwa saáw dir'eene, kudá' aníng i muunií qaás i kaahh. Na/iieé' kina kilooín geexáy asma wakusmo aa baalín.

WA/AA/I 1:16 Iomraidhean Croise

WARA'AMI 106:42

kiri baramaanuús nee wakuuser'ín, gadiyér /uuruú koom ngiri tleehhiyé'.

WARA'AMI 119:136

Hhirhheeri in xintsaatsiím, asma muu dabeerók gaa sií'.

WARA'AMI 69:20

Aga diqay tsatiít asma niqaay, nari mune sií', gurtleemu una daamaraám ala i kaahh, nee múk i gurkwa/ás una damraaraám, ala tam heé naa hardah i kaahh.

DAHARUSMO 4:1

Aluuwo aníng ana qaytsiít, malguuse ngari ár baraá yaamuwo, naxés mukdá' ta malguús i /aa/amín, ala heé gi gurkwa/ás i kaahh. Asma malguuse i /uuruú koón bartaine, gaarí an gár mukdá' gurkwa/asa ngisa slayi'iiká.

ISAYA 54:11

«Aá Yerusalemu, kiíngadá' taa slahh'eemiís, tidá' taa daawitamiís, ar gurkwa/asa gaa dakus. Ga/aaweek i malé tleéhh ar tlaa/aá tlaxo uren, iihhafiirirók a tleéhh ar tlaa/aá yakutír sirboo/.

YEREMIA 13:17

Ala barnaxes aga axasi'iiká, aníng an baraá gurií /aá/, asma daara/angwhúng, ilaaeé' nin /aa/iyá' nee hhirhheerieé' niri baráy gororoxotiyá', asma múk AAKOÓ MUNGÚ kwa loohatís.

YEREMIA 14:17

AAKOÓ MUNGÚ aníng ina báy, as muu nguwa kángw baw daanduú gurhaamir'eene nee nay oó', «Masók hhirhheeraá ilaaeé' nin wa/aminá' tlaatla/aangw nee xweeraawo, masók an kumaamiít /aa/eewo, asma muk'eé' kwa ló'wa hariiáy, nee kwa ló'wa slahh'eés.

YEREMIA 15:5

Aá múk Yerusalemu, heé kuungá' nu gurtláw a heemá? Nee heé tsuunqumiís daanduuhunge a heemá? Nee heé kangwhúng yaahaás a heemá?»

YEREMIA 8:18

Gurhaamir'eé' tihe ti tu/iiká, muunaáeé' i ló'wa slahhahhaa'.

YEREMIA 9:1

Alók geeraawo sagw'eé' an adór ma'aay nee ilaaeé' tari adór kutltá hhirhheeri, as kahhó' niwa /aa/amiim tlaatla/aangw nee xweeraawo, as daanduú muk'eé' kudá' taa tsuú/.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

YEREMIA 9:21

«Asma gwa'ara naa baraá marayrénií dát ar pa/eeri, gwa'ara naa dát baraá marayrén, na/ii gina baraá lohdií tsú/, nee masoombarén gana tsú/ baraá tla/ángw gixsa.»

WA/AA/I 1:2

Inós xweeraawo in /aa/amaamiín as slahh'amu, hhirhheeri nin gororoxeeliná' gawaá tlaaqarmaawo, baraá tla/ángw sla'aaruuseerós sleémeero oo gaa gurkwa/as i kaahh tumu wák. Inós kaa al/aáy nee mulqeerós sleémeero, inooín naa wakuuseerós tleehhitiyé'.

WA/AA/I 1:9

Slasla/aruuwós ku geehhoó', ala inós qwanaywós gu hhaslitká, gawaá adoorihe, huuamaawós ki ló'wa slasla/aar, heé gaa gurkwa/as i kaahh, inós i kat, «Kuúng AAKOÓ MUNGÚ, slahh'amuueé' i qayteek, asma wakuuser'eé' iga bál!»

WA/AA/I 2:11

Ilaeé' naa slahhaaiyé' /aa/eewo, guruueé' /ur/uri gwa eér, muunaáeé' i ló'wa gurhaamír kón, asma muk'eé' kuwa hhaamiís, nee as na/aá qaweero nee kudá' du'uumá' niwa /araarana' baraá lohdaá gixsa.

WA/AA/I 2:18

Kuungaá múk Siyoni, amór AAKOÓ MUNGÚ i /aa/aak! Hhirhheerihúng ni wa/amine' adór duxa tlatla/aangw nee xweeraawo! Kuungá' ma huungu/uusara', ilaahúng mindiwa huungu/uusiyé'!

HOSEA 9:12

Tam bir na/ii'ín umina'a, aníng na/ii'ín i slafíngwí geexawaaká tam oo wák. A tsaxwaaín bál bira kilooín geexáw.