WA/AA/I 1:12 - Biblía Axweesantá Hhohho' ar Mungú 2004

¹² «Kuungaásingaá hhayutuúse, qaytsité' nee ka aandá', xáy dirhunge a gaarookáhe? Ga/aawaak, heé gurhaamuút adór aníngár alé i deéro tidá' tinda gawaaeéní qaás, tidá' AAKOÓ MUNGÚ aníng iwa slahh'eemiís, baalaadár buhhtaawós kudá' xaraasla'a.

WA/AA/I 1:12 Iomraidhean Croise

WARA'AMI 88:16

Buhhtaawók kudá' xaraasla'a iga aldaa/atuúr, haratlatlangók kuduú /uuru i dae tlaaq nee i hariiáy.

ISAYA 13:13

Aníng doori ngiri diingiís, nee iihhafiiriír yaamu iri daaraxát, asma anuú AAKOÓ MUNGÚ aleesleemusmo niwa buúhh, baalaadár buhhtaeé' kudá' xaraasla'a.

YEREMIA 10:19

Múk Yerusalemu tari ooi, ‹Tsaxwaarén asma slahh'amuurén inkahhi'iirén i ló'wa gon'eeliná'.› Atén geeraawo ana mak ooaán, ‹Gaarí an slahh'amuú tawo oo ta saqiitlaan.

YEREMIA 18:16

Yaamuuín nga yaamaá dae tlaaqá' tleehhiyé', ki niqín daqisleém. Umuúqo heewo oo aa baraadár waaraahhi in waa/oo/, saga guri muumukuus.

YEREMIA 30:23

Qaytsité', bambaaór xaraasl i amór AAKOÓ MUNGÚ dáhh. Buhhta naa hardihiyé', bambaór ló'wa fukukuu'. Heé tlaákw gun saga naasuúr.

YEREMIA 30:24

Buhhtaá xaraaslá' AAKOÓ MUNGÚ i tawo ki/iaaká ay dír tidá' muunaáwose aa slaá' ngay boo/eesi. Deeloodá' birna hardát daqaní kuungá' kaangwí u tsahhá'.»

YEREMIA 30:7

Tsaxwa, deelór slahh'amaaye i hi'ít, deelór ta adór tír qoomeesi i káhh, an qoomár slahh'amuú yaariír dír muk'eé' oo Yakobowo. Tam adoorihe inooín baraadae ki ba/amis.

YEREMIA 4:8

Gawaá adoorihe tlabaá guniyadu tsiitaak, tsuunqumisé' nee /aa/amimé' tawa kata', ‹Buhhtaá AAKOÓ MUNGÚ kudá' xaraaslá' daanduurene naa faaki'iiká.› »

YEREMIA 48:27

Múk Moabu kuungá' inslawiimé' adoodá' múk Israeli kura waaqasaseendé'. Tam inooín kaa al'ohinkahe dinkwa nee fisuuse, ala qoomár bar daandeemaín axwesá' an hara sagerhúng mumukuumisá'.

WA/AA/I 1:18

«AAKOÓ MUNGÚ i baraá gan'amu, asma aníng axweesantós ana aáhh. Ala kuungaá muu sleémeero iia qaasaak, nee slahh'amuueé' ga/aawaak, dasuueé' nee daaqay'eene kira tláy baraá loohaay.

WA/AA/I 2:1

Adór Aako buhhtaawose múk Siyoni ngura dahaás baraá tlaangú! Inós hhohhoartá múk Israeli gana baraá doorí wa kwaáhh ay yaamu. Baalaadár buhhtaawose tam didá' ya'aawós ngi qamaamin gaa inslayká.

WA/AA/I 2:13

Kuungaá múk Yerusalemu, gár nu baw, gár nur alqoomees? Kuungaá múk Siyoni gár nur alqoomees, as kahhó' nuwa gurkwa/as? Asma adór tundura hhitín ka ló'wa ur, heé kuungá' huungu/uusaro nu aleesláw a heemá?

DANIELI 9:12

Axweesantók tidá' taa ó' aga gawdés daandemoorene, nee dír waawitaárene, as gixsár Yerusalemu kawa ló'wa sláhh, ak alé ta gixsadaá hatlá' sleémeero awa daanduú yaamuwo.

Yoeli 2:2

A deelór giwti nee gurhaami, deelór huunkáy nee ma/amí. Slawtá ur ar ingigi naa naká/, tlom'ii gi tuuntúk gay giwís. Gár adoorí kaa ariiká kureeriiwo iimír aange, slám ka baloó ariiká baraá qari sleémeero ar aluú wa hi'iita.

Matayo 24:21

Asma slahh'amuú deeloodá' ku úr adór taa baloó ariiká iimír iimu/úngw yaamuwo ay laarí, slám slahh'amuú adór kwí i baloó ki/iiká.