WA/AA/I 1:11 - Biblía Axweesantá Hhohho' ar Mungú 2004

¹¹ Mukós sleémeero i baraá /ifo, as tawa gár /aymár leelehhiiti, daqaari'iimar'ín ngin muruú /aymár ar tlaxún as tiwa tu/iya' i kaahiya', «AAKOÓ MUNGÚ, ti i qaytsit, asma atén taa waaqaá'.»

WA/AA/I 1:11 Iomraidhean Croise

2 WAAWITÁ 6:25

Adoorí giyér hhamhhám gari húp baraá gixsár Samariaro. Tlaxo iri tsa/aán ságw daqwaay kuri weeriís ar parhheemaá mibeeri dakaát awa peésa, nee slooqoó niiná oo /o/ór hhooki gár kura weermiís a parhheemaá kooán awa peésa.

YOBU 40:4

«Aníng a daktantá tawo, gár u baw a milá? Aníng afkwe'eé' ugwa tseék, a sangw gaa ooaaká.

WARA'AMI 79:4

Aga tli/aán dír xoordaá inslaawaywo. Múk inslaawayrén tin waaqaseesén nee tin niqín.

YEREMIA 15:19

Gawaá adoorihe, AAKOÓ MUNGÚ i kaahi, «Barnaxés iga i kí/, aníng kuúng un adoodár aángií ki/ís, nee kuúng uri malé sagadiyusmooeé' tleéhh. Barnaxes axweesanoó lama ugwa meér, nee oo ganaá' bura axwés, daqaní kuúng an aarusmooeé' tleehhít. Muu nin amoorók i burumburiit, ala kuúng amor'ín a keeraaká.

YEREMIA 19:9

Bál mukwí burkwa /amaatseék nee wakuuser'ín nee mukdá' gi baramaanuús nee kudá' gi tsu/utár wa slaá', mukwí tsaxwaá yaariir gi sláy, tam fu'unaá na/ii'ín awa daaqaay nee awa dasuwo kiri /aay, nee umuúqo heewo fu'unaá inslaawmoowós giri /aay.›

YEREMIA 38:9

«Waawutámo, aakooeé', mukwí adór tlaakw gaa tleéhh, aarusmoodá' ta bay Yeremia ngwa /aytisiyé' baraá hhalaangw, heeqá' i gwaa' qwarko, asma muruú /aymár aa baraá gixsárí meet i kaahh.»

YEREMIA 52:6

Bál slahhángw tsiyáhh tawa gwaleél, qwari ina ló'wa tsimaamiíhh baraá gixsaro, asma muruú /aymár mukós i /ayi iwa faák.

WA/AA/I 1:8

Gixsár Yerusalemu tlakweemaá ur gaa tléhh, gawaá adoorihe iri slasla/aruúr. Mukdá' geeraawo gaa ilaiwawaa/ gaa waaqaá', as ngiwa /aankwets ariyé', tam adoorihe inós i baraá /ifo iri alií warqeér.

WA/AA/I 1:9

Slasla/aruuwós ku geehhoó', ala inós qwanaywós gu hhaslitká, gawaá adoorihe, huuamaawós ki ló'wa slasla/aar, heé gaa gurkwa/as i kaahh, inós i kat, «Kuúng AAKOÓ MUNGÚ, slahh'amuueé' i qayteek, asma wakuuser'eé' iga bál!»

WA/AA/I 2:11

Ilaeé' naa slahhaaiyé' /aa/eewo, guruueé' /ur/uri gwa eér, muunaáeé' i ló'wa gurhaamír kón, asma muk'eé' kuwa hhaamiís, nee as na/aá qaweero nee kudá' du'uumá' niwa /araarana' baraá lohdaá gixsa.

WA/AA/I 2:12

Amuuín ngina i /aa/aminé', iwa kaahiya', «Muruú /ayma nee difaáiro gaálaay?» Inooín nina baraá lohdaá gixsárí /araarané', adór múk taa tlaaqán, inooín nina gawaá dabaá amuuíní qatliyé'.

WA/AA/I 2:20

AAKOÓ MUNGÚ, ga/aaweek, nee areek, heé taa adór atén láq a heemá? Xáy, /ameena na/ii'ín kudá' naa umaaminé' gi qo /ága? Kaahamusmo nee aarusmo kin tsú/i baraá Do'dá' hhoohhoó' oo Aako?

WA/AA/I 5:1

AAKOÓ MUNGÚ muruuwí atén taa slay inslaweek, ga/aaweek, murekesayrén i qayteek.