WA/AA/I 1:10 - Biblía Axweesantá Hhohho' ar Mungú 2004

¹⁰ Wakuuse daber'ín gaa looloqós, gawaá muruudá' sleémeero tlaxo gawdén. Inós xoordu gaa aán niwa daraahiya' didá' hhoohhoo', mukdá' kuúng taa sí' niwa dahiya' baraá alqaatír mukók.

WA/AA/I 1:10 Iomraidhean Croise

2 QOM'I 36:18

Xoosla sleémeero ar uren nee ar ninakwe ar doó Mungú, nee daqaari'iimár Doó AAKOÓ MUNGUHE, nee daqaari'iimár waawutmoowo, nee daqaari'iimár geeraharuuseero, sleémeero gari huúw ay yaamaá Babuloni.

NEHEMIA 13:1

Bál deeloodá' ure kitaábuú Mose kuna soomuús dír muu sleémeero, kari xuú' adór múk Amoni nee oo Moabu ir harinká dahmuú baraá dinku'uumár múk Munguhe.

ISAYA 63:18

Mukók kudá' hhohhó' har qoomár niinawe yaamu gina aál, ala wakuuseerén niri hardát, dirók tidá' hhoohhoo' kari yaamií kalaá/.

YEREMIA 15:13

Aníng daqaari'iimarhúng nee qaasirhunge an haasaáng wa haniís dír wakuuserhúng ar aldaafi wasl, as tlakweemaahúng kudá' taa tlehhaahhité' baraá yaamuhunge.

YEREMIA 20:5

Slám daqaari'iima sleémeero baraá gixsarihe, nee slaasláwarós sleémeero, nee muruudá' sleémeero oo afhhamít, dinkwa nee qaasidár waawituú Yuda taa tatsi, aníng an haniís dír wakuuser'ín, nee umuú gaaro kari ar tláy ay Babuloni.

YEREMIA 27:19

Asma daanduú uheemiwo, nee impuudá' muqslár sirbo/e, nee kiteeridá' xoosla kay qamaamin, nee xoosla sleémeero tidá' taa geexáy baraá gixsarí aleeró,

YEREMIA 27:21

«Iia qaasaak kángw anuú AAKOÓ MUNGÚ Aleesleemusmo, Munguú Israeli ni kah daanduú xoosladá' taa geexayi baraá Doó AAKOÓ MUNGÚ, nee baraá doó waawutmoó Yuda, nee baraá gixsár Yerusalemu.

YEREMIA 50:28

«Iia qaasaak, inooín naa /akumiitiyé', naa kotsqomitiyé' baraá yaamaá Babulonír wa alé, ta baraá Siyonír wa kángw ilaharmiis adór AAKOÓ MUNGÚ, Munguúrén li/aay ngura buú', li/aay as Do'ós kudá' hhoohhoó'.

YEREMIA 51:51

Kuungá' a kata', ‹Atén taa mureekeés, taa iigahhamiít, atén alsi'imu taa óh, asma dahaaye a dát didaádá' hhoohhoo' ar Doó AAKOÓ MUNGÚ.›

YEREMIA 52:13

Doó AAKOÓ MUNGÚ guri daá/ ar asla, nee doó waawutmoowo nee mari sleémeero awa Yerusalemu umuúqo doó ure guna daá/ ar asla.

WA/AA/I 1:7

Gixsár Yerusalemu deeloodár slahh'amuuwose nee tiqtirose muruuwós kudá' tlaxo gawdén i koon iimír aange guri insleér, qoomár mukós iwa huuhu'ún gawaá dabaá wakuuseerós, nee heé gaa tuu/ i kaahh. Inós kari waaqaseesén nee wakuuseerós, kari niqín asma huuamaawós.

ESEKIELI 44:7

Dír hotaeé' aga meetagasé', as múk taa hhehhe'eesiiká iwa didií daráh, múk aníng i ilaiwawa/aaká, qoomár di/i nee tseere birki dir'eénií hanmiis. Gawaá adoorihe, muk'eé', kuungá' alqador'eé' aga geexeeré', ar muruuhúng kudá' aníng ni ahhiit kuungá' taa tlehhité'.

ESEKIELI 7:22

Aníng i alaá xu'ús as Dooeé' nguwa meetagaas, múk malguuse ta dah baraaká i ale nee kuri meetagaas.

ESEKIELI 9:7

Giri báy, «Doó Mungú meetagaasaak, afeenirós tuií dalaa/aak. Gimsé', tlawé'!» Naagáy tari tláy, muu kuri tsuú/ baraá gixsadae.

Marko 13:14

«Kudá' tlaákw oo Hhiturusmo bura aandé', aa sihhiít didaádá' iwa harinaká» (heé soomuús gídaabárós ngi tsaahhi), «qoomaadae múk yaamaá Yudeár i dirií' ta ta'aain gawaá tlom'i.

DABE 23:3

«Múk Amoni laqaá múk Moabu tam heé wák, tam ay nángw sagaá wa mibaangw miwa dáh baraá dinku'uumár múk AAKOÓ MUNGÚ,

DABE 23:4

asma qoomaadá' kuungá' niwa baraá yaamaá Misrír wa ti'ité', inooín kuungá' naa baraá loohírí al'ayi'iiká ar muruú /ayma nee ar ma'aay. Ala inooín Bala'amu garmoó Beori kuduú Petorír daáhh, tidár baraá yaamaá Mesopotamia, nguna tlaxwiyé', as kuungá' nuwa lu'usi.