WARA'AMI 99:5 - Biblía Axweesantá Hhohho' ar Mungú 2004

⁵ AAKOÓ MUNGÚ, Munguúrén, xirfayeemisaak, dír geeraawós i tumbarara'ataak! Inós an kudá' hhoohhoó'.

Ya/abtór hho' 1977

⁵ AAKOÓ MUNGÚ, Mungúrén, xirfayeemisaak, dír geeraawós i tumbarara'ataak! Inós an kudá' hhoohhoó'.

WARA'AMI 99:5 Iomraidhean Croise

1 QOM'I 28:2

Naagáy Daudi iri sihhiít, iri oó', «Hháe, muk'eé', aníng iiárií qaasaré', aníng aáng geeraawo ana tsabiím baraá muunaáeene doó sandakmoduú alqadór AAKOÓ MUNGÚ nguwa tleehh, nee kitángw Munguúrén ya'aawós ngi qaasi, nee xooslaá tlehhma ina amohhe'eés.

WARA'AMI 107:32

Ku diidi'iimisi nee múk dinkwár i dirií', ku diidi'iimisi nee dinku'uumár bariise.

WARA'AMI 108:5

Mungú, kuúng xirfuút gawaá dooriwo! Xirfuuwók yaamu sleémeero ngi tuuntuuki!

WARA'AMI 118:28

Kuúng a Munguúeé', u sluufmiís, u diidi'iimiís, Munguúeé' a kuúng.

WARA'AMI 132:7

«Gusé', a dahaán baraá do'ós kudá' i hooti. A tumbararaa'ataán dír kitángw ya'aawós ngi qamaamin!»

WARA'AMI 21:13

AAKOÓ MUNGÚ, atén kuúng u xirfayeemisaán as /uuruuwók. Atén a daa'aán nee /uuruuwók u xirfayeemisaán.

WARA'AMI 34:3

Gimsé', AAKOÓ MUNGÚ xirfayeemisaare' dinkwa nee aníng, inós u aldiidi'iisaán.

WARA'AMI 99:3

Inooín umuuwós kudá' úr oo dae tlaáq, nee kudá' hhoohhoó' ku sluufmiisi.

WARA'AMI 99:9

AAKOÓ MUNGÚ, Munguúrén, xirfayeemisaak. Tumbarara'aaté' gawaá tloomarós tidá' hhoohhoo' wa ale, asma inós an AAKOÓ Munguúdá' Hhoohhoó'.

TI'INAANGW 15:2

AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

ISAYA 12:4

Baalaadae kuungá' an oa', «AAKOÓ MUNGÚ sluufmisaak, firimaak ar umuuwós. Xoordu tlehhmi'iiwós ti xu'utise', adór umuuwós ira xirfuút na alki/iitaak.

ISAYA 25:1

Aá AAKOÓ MUNGÚ, kuúng an Munguúeé', aníng kuúng un xirfayeés nee un diidi'iimiís, asma kuúng muruú waa/oo/amór koóm una tléhh, muruuwók kudá' taa qoomés iimír aange, aqo un boo/és ar inkihhimu nee looeema.

ISAYA 66:1

AAKOÓ MUNGÚ i kaahi, «Doori an kitangw'eé' oo waawuti'iima, nee yaamu an kitángw ya'aaeé' ngi qamiim. Xáy aníng doó kuungá' i tlehha' a doó adoomá? Xáy dír ni hungu/uus a dír adoomá?»

HOSEA 11:7

Muk'eé' aa maariít iga si'iyé', handá' ki ateetín tawa ki/i amór Kuduú Gawa, tam heé wák i kaahh oo inós gu xirfayeemiís.

TLAHHOÓ LAÁWI 19:2

«Xoorór Israeli sleémeero ka beer: Kuungá' masók tundu hhohhó', asma anuú AAKOÓ MUNGÚ, Munguúhúng ti hhoohhoó'.