WARA'AMI 99:1 - Biblía Axweesantá Hhohho' ar Mungú 2004

¹ AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

Ya/abtór hho' 1977

¹ AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá malaykér ta bay Kerubi, yaamu niri dingitiyé'.

WARA'AMI 99:1 Iomraidhean Croise

2 SAMUELI 6:2

Daudi iri tláy dinkwa nee mukós sleémeero, múk aáng nee inós aldinkwa amoodár Ba'ala ar baraá Yuda, tindina amoodá' wa tláy as tawa sandakmoó Mungú leehhi, Munguúdá' umuuwós ta bay AAKOÓ MUNGÚ Aleesleemusmo, kudá' aa iwiit gawaá kitangwduú aleesleemu kudá' gáwtí dirií', dír keruúbi.

1 QOM'I 16:30

Yaamu sleémeero i daaraxiye' dír geeraawose, yaamu gaa gawdeés, i baloó dingitiaaká.

WARA'AMI 18:10

Iri tsa/án gawaá hhampa'aá keruúbi, ina fuuruú' ar /uuruú fur'a.

WARA'AMI 2:6

«Án waawutmooeé' ngwa qaás gawaá Siyoni, tloomar'eé' tidá' hhoohhoo'.»

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

WARA'AMI 80:2

/Uuruuwók laqaameek dír geeraá Efraimu nee Benyamini nee Manase, qwaláng, atén ti ba/amis.

WARA'AMI 82:5

Ka xuiiká sleeme ka tsatsaahhanká, tan baraá qwanáy wa hoot. Iihhafiirír yaamu sleémeero in diingít, asma hotaá ganaa'á' i kahhiyá' baraá yaamuwo.

WARA'AMI 93:1

AAKOÓ MUNGÚ aa waawuti'ín, AAKOÓ MUNGÚ taa tsiitiís ar aleesleemu nee /uuruuwós, yaamu gaa gawdeés as mindiwa dingitiyé'.

WARA'AMI 96:10

Xoordu ádbawaak, adór AAKOÓ MUNGÚ tar baalusmo, yaamu kaa tlehhma hhe'eés, kiri /atleés as iwa daaraxatiaaká, muu gu sakwasleemuut ar adór ganaa'.

WARA'AMI 96:9

AAKOÓ MUNGÚ diidi'iimisaak ar hhohhoartá xirfuuwós, yaamu sleémeero daraaxé' geeraawose.

WARA'AMI 97:1

AAKOÓ MUNGÚ i waawuti'ii'ín, yaamu i qwalaala/iye', yaamudaá baraá tla/eeraá tlabeemo i qwalaa/iye'!

WARA'AMI 97:4

Mankartós yaamu gin gwa/atís, yaamu ngiri ariyé' nee tari daaraxaat.

TI'INAANGW 25:22

Aníng nee kuúng ti doogaán didár kitángw gurtleemu, tla/ángw slaqsa'aá tsár awa keruúbi, kudaá gawaá sandakmoó hara'aya, aníng nee kuúng a axweesaán nee hara'ayar'eé' sleémeero ngi dirók i haniís as múk Israeli.»

ISAYA 19:14

AAKOÓ MUNGÚ inooín gina inslawoó tlaahhírí kwaáhh, inooín múk Misri nguri leexuyé', baraá muruuín kudá' sleémeero ta tlehhiiti. adór xufutusmoó ta/amiít oo hara wa/amiím.

YEREMIA 4:24

Aníng ana qaytsiít gawaá tlom'i, naxés tlom'i i daaraxiyá', nee gongooama' i diinginá'.

YEREMIA 49:21

Afór huuamaaín yaamu giri diingís, afór /aa/eeín kari tlawtá Shamúr wa axaas.

YEREMIA 5:22

Anuú AAKOÓ MUNGÚ a kah, «Ahaá aníng mis ilaiwawa/a'aaká? Ahaá mas daaraxa'aaká dír geeraeene? Aníng hhasaangw una qaás tawa harki/isoó tlawi, digmuú tlawi waarahhamko i baloó aleesleeraaká. Tam gwaanduú ma'aay digmuudá' ngu aya, ala gu waarahhiiká, tam i /orootli ala gu waa/akutiiká.

YEREMIA 50:46

Kududuhoó hayoohár Babuloni yaamu gi daaraxaas, nee /aa/eeín kiri axaas baraá tla/ángw xoordaá hatlae.»

ESEKIELI 43:7

Inós iri báy, «Heewí, diirí an didár kitangw'eé' oo waawuti'iima, an dír tsa/aá ya'aaeé' ngay qamaamiim. An hoót baraá tla/ángw múk Israeli wa ale ay alhhe'eesay wasle. Nee múk Israeli aníng i meetagaasiaaká, inooín awa kilá', laqaá waawitaáín, as slaqsi'iidaá munguaá hatlá' ngiwa haratlintatii'iya', laqaá waawitaáín kudaá qaatl kuwa inslaslay.

Luka 19:12

Yesu iri oó', «Heeko úr i deer oo tlahhaywós ta ilaiwawa/i. Inós ina aa'aá káy amór yaamaá saawá' as kuwa waawutmoó wa qaasi, nee niri kii/.

Luka 19:14

Ala múk baraá yaamuuwós heedaádá' kuna ló'wa aáhh, muu kuri ya/aáw kuwa eehari amoodá' inós i kay, nee tawa ooi, ‹Heewí u sla'aanaaká atén tiwa sawaawuti'i'in.›

Luka 19:27

Ala wakuuser'eé' tidá' diirí huwaare', tidá' aníng iga si' ngiwa sawaawuti'ii'iim. Nee ki dír geeraaeé' wa tsu/á'.› »

Filipi 2:12

Sla'aaruuser'eé', án qoomár niwa dirhúng i dirii', kuungá' axweesante'eé' ana iialooeemisé' umuúqo daqto, ala a qoomár aníng niwa dawaaká kilós. Gawaá adoorihe gadiyuusé' ar dae nee daaraxaay, as ba/amarhúng kawa boo/esa'.

Geehhoeemaá 11:17

tari oín, «Atén kuúng u sluufmiisaán, Aakoó Munguú Aleesleemusmoó mura' sleémeero. Kuúng a kudá' dáw nee kudá' qaroó daadáw iimír aange sleeme. Asma kuúng aleesleemuuwók kudá' úr ugwa ót nee aga waawuti'iín.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.

Geehhoeemaá 6:14

Doori niri quutliyé' adór slambaree/i kar waageqaaqay. Nee umuúqo tloomaro kari loohatís dirós tidá' i dir'a. Nee umuúqo yaamaá kaahaare awa baraá tla/ángw tlawtí diriia'a kiri loohatís sleeme.