WARA'AMI 96:7 - Biblía Axweesantá Hhohho' ar Mungú 2004

⁷ Muu sleémeero AAKOÓ MUNGÚ ngu sluufmiisi, xirif nee aleesleemu amoorós ti hanise'.

Ya/abtór hho' 1977

⁷ Muu sleémeero AAKOÓ MUNGÚ ngu sluufimiisi, xirif nee aleesleemu amoorós ti hanise'.

WARA'AMI 96:7 Iomraidhean Croise

WARA'AMI 22:27

Múk baraaká' yaamu sleémeero kaangwí oo AAKOÓ MUNGÚ ku insláy, tari amoorósí kii/. Múk xoordu sleémeero nee tlahhi'i sleémeero AAKOÓ MUNGÚ kway i tumbarara'aat.

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Luka 2:14

«Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

1 Petro 5:11

Aleesleemu a kós ay alhhe'eesay wasle. Amin.

Geehhoeemaá 14:7

Iri tseé' ar afór ur iri oó', «Mungú ilaiwawa/aak, nee xirfayeemisaak. Asma siiwa naa hardát ar inós sakwasleema ngiwa tleehhi. Gawaá adoorihe, inós i tumbarara'amiitaak, asma inós an tleehharusmoó doori nee yaamu nee tlawi nee kutloó ma'aay.»

Geehhoeemaá 19:1

Alaá muruuwihe afór ur ngiri axaás ar adór afór boo/oó yaariír oo gawaá doori. Afoorí iri ó', «Mungú i xirfuuti!» Ba/ama ar Munguúrén, nee xirif nee /uuru.

Geehhoeemaá 19:6

Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.

Geehhoeemaá 5:13

Aluuwo aníng afór mura' sleémeero kudá' taa tleéhh ana axaás, kuduú gawaá doori nee kuduú baraá yaamu, nee tam kuduú baraá guruú yaamu, nee kuduú baraá tlawi sleeme. Muruuwí sleémeero aníng una axamiís tawa daai, ta kaahi, «Kudá' aa iwiit gawaá kitangwduú aleesleemu, nee Deelmoó bee/i, inooín tsuuqa a kooín, nee xirif, nee ilaiwa/ame nee aleesleemu ay alhhe'eesay wasle.»

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.

Geehhoeemaá 7:12

tari káh, «Amin. Mungú an kudá' tsuuqaá koóm, nee xirif nee sagalooa nee sluufaay, nee ilaiwa/ame nee aleesleemu nee /uuru ay alhhe'eesay wasle. Amin.»