WARA'AMI 96:10 - Biblía Axweesantá Hhohho' ar Mungú 2004

¹⁰ Xoordu ádbawaak, adór AAKOÓ MUNGÚ tar baalusmo, yaamu kaa tlehhma hhe'eés, kiri /atleés as iwa daaraxatiaaká, muu gu sakwasleemuut ar adór ganaa'.

Ya/abtór hho' 1977

¹⁰ Xoordu ádbawaak, adór AAKOÓ MUNGÚ tar baalusmo, yaamu kaa tlehhma hhe'eés, kiri /atleés as iwa daaraxatiaaká, muu gu sakwasleemuut ar adór ganaa'.

WARA'AMI 96:10 Iomraidhean Croise

WARA'AMI 126:2

An qoomár atén qaseengo tawa hhaamaán, nay baraa/aán ar qwala/. Xoordaá hatlá' nari ooiyé', «AAKO mukós gwa gár ur i tleéhh.»

WARA'AMI 18:49

Gawaá adoorihe, AAKOÓ MUNGÚ, án kuúng u xirfayeemiís dír geeraá xoorduú wa ale, án kuúng u daa'ángw xirfií daá'.

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

WARA'AMI 46:6

Xoordu naa leexutiyé', waawuti'iima iri amoqwát. Mungú afoorós gay tlees, yaamu nari weeqiyá'.

WARA'AMI 58:11

Muu iri ooi, «Ar looeemaawo bu'tuú heé ganaá' i deer. Ar looeemaawo Mungú i deer oo sakwasleemuút baraá yaamuwo.»

WARA'AMI 59:13

Hhaamiiseek ar buhhtaawók i qororo'ootiye', as kahhó' muu ngi xui adór Mungú tar waawutmo baraá xwaylár Yakobowo, tam ay alhhe'eesoó yaamu sleémeero.

WARA'AMI 67:4

Xoordu i baraa/iye', eeít, i daaiye' ar qwala/, asma kuúng muu u sakwasleemút ar gan'amu, nee xoordaá baraá yaamu ki geeraharahát.

WARA'AMI 7:9

Tlakweemaá múk tlákw mindiwa kumiitiyé', heé hotaawós ganaa'á' gawdeeseek baraá gan'amu. Kuúng, Aakoó Mungú, kudá' gan'amuú koóm, kuúng an kudá' naaqór baraá mune nee inslawoó muu gu tsee/ariím.

WARA'AMI 9:8

Inós múk baraakaá yaamu gun sakwasleemuut ar gan'amu. Muu gu sakwasleemuut ar barqaanti wasle.

WARA'AMI 9:9

AAKOÓ MUNGÚ an baqmoó dír kudá' ta hara/untsina, an baqmór'ín qoomár slahh'amuuwo.

WARA'AMI 93:1

AAKOÓ MUNGÚ aa waawuti'ín, AAKOÓ MUNGÚ taa tsiitiís ar aleesleemu nee /uuruuwós, yaamu gaa gawdeés as mindiwa dingitiyé'.

WARA'AMI 96:13

dír geeraá AAKOÓ MUNGÚ, kudá' hardáh. Asma inós ni hardah as yaamu ngiwa sakwasleemuuti. Yaamu gin sakwasleemuut ar gan'amu, xoordu sleeme gin sakwasleemuut ar adór qoom dirose.

WARA'AMI 98:9

Baraa/é' dír geeraá AAKOÓ MUNGUHE, asma ni hardah as yaamu ngiwa sakwasleemuuti. Xoordu sleémeero gin sakwasleemár i tleehh ar gan'amu. Gin sawaawuti'ín ar barqanti wasle.

ISAYA 49:8

AAKOÓ MUNGÚ i kaahi, «Qoomaadá' hariima án kuúng una mu/aywaáts, baalaadár ba/amaro án kuúng una alee/iís. Aníng kuúng una amohhe'eés, uri haniís tawa alqado dír muko, nee yaamu kiwa kumiitis, nee yaamuudá' aáng naa deewaiye' kiwa aaluuseérí hanis.»

ISAYA 52:7

Xáy, i hhohhoaa'áy a adoomá heé ya/abtór hhó' koóm birna hardáh oo amór tloomár daáhh, kudá' wayduú káh, oo hhooeema gi káh, kudá' ba/amár alki/iít, kudá' gixsár Siyoni ga babáw, «Munguúwók i waawuti'ii'ín.»

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!

MALAKI 1:14

«Heé al/aymusmo ku lu'usi, kudá' baraá daqtose gár xaslxaanslír koom ga ilahhooár wa gaamiís dír Aakoó i alé, ala laatí baraá al'axweesantose yaqaambuú hhoó' guna oó'! Asma aníng a Waawutmoó úr. Umuueé' baraá xoorduuwo i dae tlaaq. Anuú AAKOÓ MUNGÚ Aleesleemusmo tí ngina oó'.»

Matayo 3:2

«Hhu'u'umé', asma waawuti'iimár Mungú naa naká/.»

Tlehhema'aá ya/Abuuse 17:31

Asma Mungú deelo gaa qaroó qaás, tidár múk baraaká' yaamu nguwa sakwasleemuuti ar gan'amu. Kwasleema dír heé ngay haniís a kudá' inós aa tsawaár. Nee Mungú gaarí gana geehhoatís ló'wa ale dír muu sleémeero, qoomár heedaádá' kuwa waasle/atís baraá múk aa qaátl wa ale.»

Galatia 1:16

Garmaawós nguna dir'eénií geehhooatís, as kahhó', aníng Ya/abtór hho' ar daanduuwós ngiwa alki/iit dír múk xoordaá hatlá', qoomaadae aníng heé naa yaahaás i kaahh.

Kolosai 2:7

Dee/áruuhúng masók ku gawít baraawose, slafingwhúng gawaawós wa tlehhiitaak, kuungá' masók an kwa/aakwa/á' baraá haratlintaaorhunge ar adoodá' tundura intsaahhatimís, nee tawa hatsa' sluufaywo.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 19:11

Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.

Geehhoeemaá 19:6

Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.