WARA'AMI 93:1 - Biblía Axweesantá Hhohho' ar Mungú 2004

¹ AAKOÓ MUNGÚ aa waawuti'ín, AAKOÓ MUNGÚ taa tsiitiís ar aleesleemu nee /uuruuwós, yaamu gaa gawdeés as mindiwa dingitiyé'.

Ya/abtór hho' 1977

¹ AAKOÓ MUNGÚ aa waawuti'ín, AAKOÓ MUNGÚ taa tsiitiís ar aleesleemu nee /uuruuwós, yaamu gaa gawdeés as mindiwa dingitiyé'.

WARA'AMI 93:1 Iomraidhean Croise

1 QOM'I 16:30

Yaamu sleémeero i daaraxiye' dír geeraawose, yaamu gaa gawdeés, i baloó dingitiaaká.

1 QOM'I 16:31

Kuungaá doóri, qwalaa/é', kuungaá yaámu qwalaa/é', xoordu sleémeero bawaak, «AAKOÓ MUNGÚ a waawutmo.»

1 QOM'I 29:12

Daqaari'iima nee ilaiwa/ame amór i dahh a amoorók, kuúng umuú gaaro an sawaawuti'iín, aleesleemu nee /uuru i gawaá dabaawók, kuúng aleesleemu u koón oo umuú heewo kuwa ures nee kuwa /uurií dok.

YOBU 40:10

Bar asleér gimáy xirfuuwók laqaamang nee uraywoge, ilaiwa/ame nee aleesleemuuwoge laqaamang.

WARA'AMI 103:19

AAKOÓ MUNGÚ kitaangós oo waawuti'iima gwaa qaás gawaá doori, nee in waawuti'ín baraá yaamu sleémeero.

WARA'AMI 145:13

Waawuti'iimarók i alhhe'eesoó koondaaká, nee baalirók in kumít qari sleémeero. AAKOÓ MUNGÚ ar aa oó' sleémeero ga hardahaas. Nee ku gurhhoó' baraá tidaádá' sleémeero i tlehhiiti.

WARA'AMI 18:32

Mungú an kudá' aníng i /uurií hanmamiís, inós an kudá' hotaeé' ngi gan'aás.

WARA'AMI 59:13

Hhaamiiseek ar buhhtaawók i qororo'ootiye', as kahhó' muu ngi xui adór Mungú tar waawutmo baraá xwaylár Yakobowo, tam ay alhhe'eesoó yaamu sleémeero.

WARA'AMI 65:6

Tlom'i ina qás kiri gawdés ar /uuruuwók, asma /uuruuwók ku ló'wa úr.

WARA'AMI 65:7

Xuuraaír tlawi nee gwaanduú ma'aay in xasltimís, nee sleeme tsimaahhír xoordu an xasltimís.

WARA'AMI 75:3

Tam yaamu nee muruú baraadí dirií' sleémeero i dingitiye'. Aníng kilooeé' iihhafiirir'ín an gawdeés.

WARA'AMI 96:10

Xoordu ádbawaak, adór AAKOÓ MUNGÚ tar baalusmo, yaamu kaa tlehhma hhe'eés, kiri /atleés as iwa daaraxatiaaká, muu gu sakwasleemuut ar adór ganaa'.

WARA'AMI 97:1

AAKOÓ MUNGÚ i waawuti'ii'ín, yaamu i qwalaala/iye', yaamudaá baraá tla/eeraá tlabeemo i qwalaa/iye'!

WARA'AMI 99:1

AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

ISAYA 11:5

Hotaá ganaa'á' a adór himuú afeetloowós, nee inkihhimu a adór himuú afeetloowós.

ISAYA 45:12

Aníng yaamu ina tleéhh, hee nguri tleéhh oo gawaadá' gi hoót. Doori aníng ina hhaáf ar dabaaeé', nee muruudá' gawaadií dirií' sleémeero un baliít.»

ISAYA 45:18

AAKOÓ MUNGÚ kudá' doori gaa tleehh, inós a Mungú. Inós yaamu gina tleéhh, nee gin gawdeemiis. Gaa tleehhiiká as kiwa gaa wásl, ala gina tleéhh as kiwa hooti. Inós i kaahi, «Aníng a AAKOÓ MUNGÚ, Munguú hatlá' i kaahh.»

ISAYA 49:8

AAKOÓ MUNGÚ i kaahi, «Qoomaadá' hariima án kuúng una mu/aywaáts, baalaadár ba/amaro án kuúng una alee/iís. Aníng kuúng una amohhe'eés, uri haniís tawa alqado dír muko, nee yaamu kiwa kumiitis, nee yaamuudá' aáng naa deewaiye' kiwa aaluuseérí hanis.»

ISAYA 51:16

Aníng axweesante'eé' aga qaás baraá afkók nee ugwa luú/ baraá mahhtuú dakw'eé'. Doori ngiri hhaáf nee iihhafiirír yaamu ngiri qaás, múk Siyoni nguri báw, ‹Kuungá' an muk'eé'.› »

ISAYA 51:9

Tlawáng, tlawáng aá AAKOÓ MUNGÚ, ar /uuruuwoge ti ba/amis. Daarikiitáng adoodá' aáng taa tléhh qoomár qartadá' aa waarahhi. Ahaá a kuungeekáhe oo Rahabu gaa tlaqaqaat nee kudá' dayshamoodá' úr oo baraá ma'aay gwaa tla/a feehhamiis?

ISAYA 52:7

Xáy, i hhohhoaa'áy a adoomá heé ya/abtór hhó' koóm birna hardáh oo amór tloomár daáhh, kudá' wayduú káh, oo hhooeema gi káh, kudá' ba/amár alki/iít, kudá' gixsár Siyoni ga babáw, «Munguúwók i waawuti'ii'ín.»

ISAYA 59:17

Hotaá ganaa'á' ngin dahaas adór gaambór i da/ewaawós ar baqi, ba/ama a adór kofiyár gawit ar aa dahaás gawaá sagós. Li/aay bu'utu ngu dahaas adór tsitaay, xarasleemaawós gin uuntsuus adór hiyaay.

ISAYA 63:1

«Heewí a heemá oo Edomúr daáhh? Kwí Bosrár daáhh oo tlabaawós tseere aa leér. Heé tlabaá xirif ngaa dahaas a heemá? Kuqá' a heemá oo hi'iít ar /uuruwós oo yaariír?» «A anuú AAKOÓ MUNGÚ kudá' gan'amuú káh, kudá' aleesleemuú ba/ama gu koóm.»

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Ebrania 1:8

Ala dír Garmaawo i kaahi, «Mungú, kitaangók oo waawuti'iima ku alhhe'eesay wásl, nee waawuti'iimarók a waawuti'iimár gan'amu.

Geehhoeemaá 19:6

Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.