WARA'AMI 92:6 - Biblía Axweesantá Hhohho' ar Mungú 2004

⁶ Heé daktani muruuwí gu tsaahhiiká, tam heé tliíf ga xuiiká sleeme.

Ya/abtór hho' 1977

⁶ Heé daktani muruuwí gu tsaahhiiká, tam heé tliíf ga xuiiká sleeme.

WARA'AMI 92:6 Iomraidhean Croise

WARA'AMI 104:24

AAKOÓ MUNGÚ, muruú kuúng taa tléhh ku ló'wa yaariír. Mura' sleémero una qoomés ar sagalooa, yaamu naa hatsiyé' muruú kuúng taa tlehhi!

WARA'AMI 139:14

Aníng kuúng u xirfayeemiís, asma iga tléhh ar adór waa/oo/amór koom nee ar dae tlaaq, tlehhmi'iiwók i waa/oo/amór koná'! Kuúng aníng i xú' ló' wa ale.

WARA'AMI 14:1

Daktana i baraá muner'ín i kat, «Mungú i kaahh.» Inooín sleémeero taa hhitiruumiít. Heé hhooeemaá tlehhiít i kaahh.

WARA'AMI 32:9

Ma adór faras tleehhitaara', laqaá adór wayshamó kudá' tsaahha wasl, kin gan'amiis ar him'eedá' kira afe tsegiít, as kiwa il/an.

WARA'AMI 49:10

Kár ee, inós gan ar tam adór múk sageloén ir qatli, daktana nee baraawasluuse tan adoodár hhán sleeme, daqaari'iimar'ín kari dír múk hatlá' i geexáy.

WARA'AMI 73:22

aníng nari adór daktani tleehhiít, /aymuú ni xuu' i kaahh, aníng a adór makiito'o dír geeraawoge.

WARA'AMI 75:4

Kudá' naa daara/uutiye' ina báw, «Ma daara/aamara'.» Nee tlakuuse ngay báw, «Xoongirhúng ma tawo tleemisaara'.»

WARA'AMI 94:8

Muk'eé', ahaá ay xaylá kuungá' tsaahha ka sleera'? Ahaá, daktána, ay xaylá kuungá' qeeru ku sleera'?

AXWEESANOÓ SAGALOOA 1:22

«Aá múk iimi boó/, iimiboo/arhúng tisíng ka sla'aa'aanda' ay xaylá? Nee múk waaqaqaá' ay xaylá waaqaaqa' ku sla'aa'an, nee daktana ay xaylá xu'uti ngi ahhahhitiya'?

AXWEESANOÓ SAGALOOA 24:7

Sagalooa ka saaw dír heé daktanto, baraá kwasleemaro afkós gu gweeriiká.

AXWEESANOÓ SAGALOOA 30:2

Looeemaawo aníng a daktani, a adór heewooká Tsaahhár adór tiqár hee i káhh dir'eene.

ISAYA 1:3

Awu aakoowós gu xuu', nee daqwaay islángw aakoó dooín gu xuu'. Ala múk Israeli gu xuiiká, muk'eé' gár i tsatsahhan i káhh.»

ISAYA 28:29

Xu'utirí sleémeero amór i dahh a amór AAKOÓ MUNGÚ Aleesleemusmo. Hara'ayaarós i waa/oo/amór koón, sagalooarós i ló'wa ganá'.

ISAYA 55:9

Asma adoodá' doori kir saáw gáwtí ale ta yaamuwo, an adoodá' lohduueé' kir gáwtí saáw ta lohduhunge, nee inslaway'eé' ta inslawayhunge.

YEREMIA 10:14

Umuúqo heewo ku iimiboó/ nee i fuqurángw konká. Umuúqo kareeramoó sahaábuú kwahhuuta ku mureekees nee slaqsi'iiwós kudae, asma slaqsi'iidá' a lamtá tawo, i slafíngw kon'aaká.

YEREMIA 32:19

Kuúng an hara'ayusmoó úr nee aleesleemusmo baraá mura' tlehhtuuwo. Ilaawók lohdaá muu ngin ga/ayá', umuú heewo un bú' ar har qoomoó adoodá' hotaawós i dirii'iya', nee adoodá' tlehhmi'iiwós i dirii'iya'.

Luka 12:20

Ala heé aáng kuri báy nee Mungú, ‹Kuúng a daktani. Xweerakaá laarihe kuúng a gwá'. Nee muruudá' taa amohhe'eemaamís oo heemá?›

1 Korinto 2:14

Heé Qeeruú Mungú gu koomaaká, muruuduú Qeeruú Mungú gu ilaoohiiká. Asma muruudá' dirose a adór daktu'uuma nee slám tsaahharo gu aleeslayká. Asma muruudá' gár kur tsatsahhan a Qeeruú Mungú.