WARA'AMI 92:4 - Biblía Axweesantá Hhohho' ar Mungú 2004

⁴ AAKOÓ MUNGÚ, án kuúng iga qwal/atís ar tlehhmi'iiwók, aníng an daá' nee an baraá/ as tlehhma'aá dabaawók.

Ya/abtór hho' 1977

⁴ AAKOÓ MUNGÚ, án kuúng iga qwal/atís ar tlehhmi'iiwók, aníng an daá' nee an baraá/ as tlehhma'aá dabaawók.

WARA'AMI 92:4 Iomraidhean Croise

WARA'AMI 104:31

Xirfuú AAKOÓ MUNGÚ i kumiit oo kureerisleém. AAKOÓ MUNGÚ ku qwal/asi nee gadiyeérós.

WARA'AMI 104:34

Munguúeé' ku qwal/asi nee inslaway'eé'. Asma qwal/amaayer'eé' sleémeero amór i dahh a amór AAKOÓ MUNGÚ.

WARA'AMI 126:3

AAKOÓ MUNGÚ gár ur ngaa tsuwa atén i tleéhh, atén nari ló'wa qwalaala/aán.

WARA'AMI 143:5

Deelór aa waarahh ar qaro aga insláw. An aldakuút tidaádá' sleémeero taa tléhh. Ar kuúng taa tléhh ar dabaawók an gurií axweemamiís.

WARA'AMI 33:2

AAKO MUNGÚ xirfayeemisaak ar gidaandoori, sa daa'aak ar seése,

WARA'AMI 64:10

Heé hotaari hhó' AAKOÓ MUNGÚ ngu saqwalaala/i, nee ngu i gowi! Múk mune ganaá' tiri xirfayeemisiyá'.

WARA'AMI 8:6

Ugwa qás as muruudá' sleémeero taa tléhh nguwa sawaawuti'in, mura' sleémeero ugwa qás baraá baalirós,

WARA'AMI 90:16

Tlehhmi'iiwók laqaameek dír sagadiyuuseeroge, na/ii'ín xirfuuwók kudá' úr ngu ariye'.

YEREMIA 31:7

Asma AAKOÓ MUNGÚ i kaahi, «Daaé' ar qwala/ as múk Yakobo, ururu'uumisé' asma xoorór ur, kaangwí ilahanisaak, baraa/é' tawa kata', ‹AAKOÓ MUNGÚ mukós gwa ba/amís, mukduú Israeli aa meet.›

Luka 1:47

nee qeeruueé' in Munguú saqwalalaa/, Ba/amusmooeé',

Yohana 16:22

Ala dirhunge a adoorí sleeme, a gurhaamutá', ala án kuungá' nu malé ár, nee munerhúng iri qwalá/, nee qwal/uuhúng heé gu hingeés i kaahh.

2 korinto 2:14

Ala Mungú i xirfuuti, asma inós atén tin geeraharahaar arba/ati kawa slaslawaan deelo sleémeero baraá Kristowo. Nee inós atén tin ar gadiyuus as kangós kuwa tsiyaayaaxi umuúqo diiro, adór mooyángw tsuú' wa ale.

Geehhoeemaá 18:20

Kuungá' doóri, nee kuungá' múk hhohhó' oo Mungú, nee ya/abuuse nee aaruuse, kuungá' qwalaala/é' as inós. Asma Mungú gixsarí gaa sakwasleemuút as tlehhemi'iiwós kudá' inós naa kuungá' i tlehhít.