WARA'AMI 92:12 - Biblía Axweesantá Hhohho' ar Mungú 2004

¹² Múk hota ganaá' in slu/uubín adór slaansli, iri uraráy adór miereésír Lebanoni.

Ya/abtór hho' 1977

¹² Múk hotaa ganaá' in slu/uubín adór slaansli, iri uraráy adór miereésír Lebanoni.

WARA'AMI 92:12 Iomraidhean Croise

1 WAAWITÁ 4:33

Kángw xaai guna káh, iimír sahhtír yaamaá Lebanoni nee xa'anoó ta bay hisoópo, kudá' koo/ír do' gaa alti'iit, slám kángw daanduú makaay guna axweés nee oo tsir/ooro nee daa'aweemaá makaá qanhhuumisá' nee kudá' tseerdu tsatsaa'aren nee siyó.

1 WAAWITÁ 6:29

Koo/ír do' sleémeero gana qaalín ar slaqsa'aá keruúbi, nee awa slaansla nee awa /ayór naa /ayus ló'wa ale, umuúqo kutuwiro gana adoorír qaalín.

ESTA 9:5

Naagáy múk Yahudi wakuuser'ín kari muúx sleémeero ar paangadu nee kay tsuú/, nee kiri hhaamiís. Múk Yahudi adoodá' i slai gana tleéhh dír mukdá' inooín ngaa aahhiye'.

WARA'AMI 1:3

Inós tari adór xa'anoó taa haátl afaá tsiinqaá ma'aay, kudá' mamaá laqwaliím qoomár hariimarose, tam loo/orós i /otská. Heewí umuúqo gár i tleehhi i ya/aán.

WARA'AMI 104:16

Xaa'aá uren awa AAKOÓ MUNGÚ kaa eemiís ar ma'aá bu'uutá', nee xaa'aá ta bay miereésír Lebanoni ar aa dahaás.

WARA'AMI 148:9

Kuungá' tlom'i nee dindirma' sleémeero, xaa'aá mamaá koomá' nee sahhta sleémeero! AAKOÓ MUNGÚ xirfayeesaak!

WARA'AMI 37:34

Kuúng AAKOÓ MUNGÚ na harahhiifeek, loohirós eehareek. Inós kuúng u iiatleerees, yaamu kay ál. Múk tlákw adór kur qwaareesi a aán.

WARA'AMI 52:8

Ala aníng a adór xa'anoó naá/ oo seituúni, oo naa baraá Doó Mungú wa ti'iit. Sla'aarír Mungú ar warqawaaká an harahhiíf, ay kureeraá kureér.

WARA'AMI 72:7

Baraá hotaawose gan'amu ngu eeharahari deelo sleémeero, amohhooa nee wayda ngir hooti kureerisleém.

WARA'AMI 92:7

Tam múk hota ganaa'aaká ni harma/i adór gitsór wa ale, nee kudá' sleémeero muruú tlákw tlehhiitá' birna slu/ubibiné', ala ki qwaarees ay alhhe'eesay wasle.

ISAYA 55:13

Kitángw xaa'aá laqya' niwa ti'iitiya' awa laqeelaá kooma'aaká nin ti'iitiya', kitángw fuqrayhe gár ti'iit a xa'anoó ta babay hadaási. Gaarí an gár kuungá' nu islawtis daanduú muruudá' anuú AAKOÓ MUNGÚ naa tlehhiiti, slaqsoó daqisleém oo baloó fiitsitaaká.»

ISAYA 65:22

Inooín maraay ngi tleehhiaaká as múk hatlá' ngiwa i hotaá ay, laqaá balaangw ngu dahasiaaká múk hatlá' guri /aay. Asma muk'eé' kudá' naa tsawaár, kureeraá yaariir kin ló'wa hoot, adór kureeraá xaai i hotatina'. Muk'eé' oo naa tsawaár gadiyér dabaaín ngin saqwalaala/iyá'.

YEREMIA 17:8

Heewí an adór xa'anoó taa haátl dír afaá kutltá ma'aay, kudá' dee/aruuwós gwaa siihh afaá yaae. Inós i kahiiká qoomár siire/iro, loo/oorós aqo in na/aa/át, sleeme tam kurkú slahheemasto i orooiiká, nee mamu gi mayká laqwaliingo.

AMOS 2:9

«Tam adoorihe, aá muk'eé', aníng xoorór Amori ana hhaamiís geerahúng wa alé, inooín tam múk tlede adór sahhtár wa ale, nee tam i /uureemaá kona'a adór ti'ituú wa ale, eeít, aníng haleemiiwós nee dee/áruwose ina qororo'oós.

MIKA 7:10

Wakusmooeé' iri muruut adoorí birnga ár, tam kudá' káh, «AAKOÓ MUNGÚ, Munguúwók i amá?» Aníng a qwalalaá/ daxta, asma wakusmooeé' u ár kuwa kal/an adór baa/ír baraá loohi.

FAARO 24:6

A adór xatstá naa/ari ar ma'aay ni wa/maamina', a adór qaymór afaá yaae, a adór /ayór ta bay udi, ar AAKOÓ MUNGÚ aa dahaás, a adór sahhtár taa dahaás afaá yaae.