WARA'AMI 92:10 - Biblía Axweesantá Hhohho' ar Mungú 2004

¹⁰ Ala kuúng aníng iga /uurií hanís adór kuduú saree/a, ina slík ar di/tá /awak.

Ya/abtór hho' 1977

¹⁰ Ala kuúng aníng iga /uuruú i hanís adór kuduú saree/a, ina slík ar di/tá /awak.

WARA'AMI 92:10 Iomraidhean Croise

WARA'AMI 101:8

Umuú looár tlawa tlakuuse sleémeero ar baraá yaamu an hhaamiís, sleémeero awa tlakweemá tlehhahhitá', in hingeés baraá gixsár AAKOÓ MUNGUHE.

WARA'AMI 112:9

Muu gun qaqáy ar muunuú /awaák, narkuute gan qaqáy tawó ale. Gurhhooarós i baloó fakaká. Heewí ku aleesleemuú i haniis nee slám ku ilaiwawaa/.

WARA'AMI 125:5

Ala kudaádá' naa warqaye' baraá lohaá tlakw, AAKOÓ MUNGÚ gi qwaarees dinkwa nee múk tlakweemá tlehhahhiít. Amohhooa masók i dír Israeli!

WARA'AMI 132:17

Baraadae oo wák baraá xwaylár Daudiwo un waawutmoó úr tleéhh, tsaa'asi a amohhe'eés as kwe'eé' kwí naa iimbalaáx.

WARA'AMI 148:14

/Uuruú mukós ngwa bariilooeés, xirif gwa mukós oo hhohhó' i haniís, mukós Israeli, múk tseéw dirós i alé. AAKOÓ MUNGÚ xirfayeemisaak!

WARA'AMI 18:15

AAKOÓ MUNGÚ, wakuuseerók kawa iigahhát, kawa dae tsát ar buhhtaawók, iloodaá tlawi niri geehhouyé', iihhafiirír yaamu iri geehhoouúr.

WARA'AMI 23:5

Muruú /aymar'eé' un amohhe'és dír geeraá wakuuser'eé', sagw'eé' un iimbaláx ar di/i, slooqmooeé' kway hatsís, iri waa/.

WARA'AMI 45:7

Kuúng gan'amu una slá', malgweét ana áhh, gawaá adoorihe AAKOÓ MUNGÚ, kuduú Munguúwók, kuúng una iimbalaáx ar di/i as uwa waawutmoó wa qaasi, una qwal/atís ta waawituú hatlae.

WARA'AMI 75:10

Mungú ina oó', «Múk tlákw un aleesleemu hayóh, ala kudá' hota ganaa'á' in aleesleemuú i haniís.»

WARA'AMI 89:17

Kuúng an /uuruuín oo úr, nee as sla'aariroge atén /uuruú arba/ati ugwa slawaán.

WARA'AMI 89:24

Inkihhimuueé' nee sla'aarir'eé' ar warqawaaká ginar hoot, inós umuú daqto arba/tír ur ga sláy ar umuueé'.

FAARO 23:22

Munguúdá' gaa leehh baraá Misri, gin aleslaaqw ar /uuruuwós oo adór kuquú saree/a.

FAARO 24:8

Munguúdá' gaa leehh baraá Misri, gin aleslaaqw ar /uuruuwós oo adór kuquú saree/a. Xoordudaá wakuuseerós gin qororo'oos, faduuín gin giqáy, inooín giri tlaquut ar maheeriwós.

Luka 1:69

Ba/amusmoorén oo /uuruú koóm ngwa sláy baraá tlahhoó lawaalmoowós Daudi wa ale,

2 korinto 1:21

Ala Mungú an kudá' atén nee kuungae taa gawdees baraá Kristo. Inós an kudá' atén taa paraatl.

1 Yohana 2:20

Ala kuungá' tunda Qeeruú hhoohhoó' i haniís nee kudá' Hhoohhoó', gawaá adoorihe kuungá' mura' sleémeero u xuá'.

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.

1 SAMUELI 2:1

Hana iri firiín, iri ó', «Muunaáeé' i qwalalaa/ dír AAKOÓ MUNGUHE, AAKOÓ MUNGÚ un xirfayeemiís kuduú /uuruueé', aníng wakuuser'eé' ngari waaqaseém. Asma ba/amar'eé' ngiwa saqwalalaa/.

1 SAMUELI 2:10

Awa AAKOÓ MUNGÚ tlampa'aamisa' ki suwaatsaat, inós gin slaahh adór dooraá kwarara/a hee ngur slahhiyá'. AAKOÓ MUNGÚ yaamu sleémeero gi sakwasleemuut. Inós waawutmoowós gu /uurií haniis, nee waawutmoowós kudá' taa iimbalaáx ar di/i gu iia tleerees.»