WARA'AMI 91:5 - Biblía Axweesantá Hhohho' ar Mungú 2004

⁵ Tsaxwaá xweera i da'ayutká, laqaá tam mahángw taa tsaxaár tlaatla/aango u da'ayuumitká,

Ya/abtór hho' 1977

⁵ Tsaxwaá xweera i da'ayutká, laqaá tam mahángw taa tsaxaár tlaatla/aango u daimitká.

WARA'AMI 91:5 Iomraidhean Croise

2 WAAWITÁ 7:6

Asma AAKOÓ MUNGÚ xweeraawo slaqwaruusér múk Aramu gana naáxw ar afór ur ar slaqwaruusér yaariir, nee ar faras nee ar gaardu. Múk Aramu ngiwa xui a múk Israeli, slaqwaruusér taa tlaaxw ar múk Hiti nee múk Misri nina haraatleér.

YOBU 6:4

Ar ló' maheeraá Munguúdá' /uuruú koóm iga mutiyé', nee hhiintluueé' qarkuudá' guri sláy. Mungú iga ló'wa dae tsaát.

WARA'AMI 112:7

Gár tlaakw binga axaás i da'ayuumiitiiká, muunaáwós i kwareeiiká, AAKOÓ MUNGÚ gwaa harahhifoorós i qaás.

WARA'AMI 46:2

Gawaá adoorihe atén a da'ayuumiitanaaká, tam yaamu ni warqaqay'a, tam tlom'i binda diingitiyé' nay huuiyá' baraá iltá tlawi,

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

DAA'AANGW 3:8

Umuú heewo paángarós gaa óh, umuú heewo slaqwara ga xuu', umuuú heewo paángarós i baraá afeetloowós. Taa amohhe'eés nee wakusmo tiwa tlaampa'asiya' xweeraawo.

ISAYA 21:4

Inslaway'eé' i amoqwaqwadín, daér yaariir iga eér, tsiindo in daamaraám, ala niwa hardihiyé' ana ak daaraáx.

ISAYA 43:2

Qoomár kuungá' bar warahhá' ar baraá ma'aá yaariir, aníng nee kuungá' a dinkwa. Yau kuungá' nu hayohiaaká. Qoomár kuungá' bar baraá ásltár warhhá' tam tsángw asla kuungá' nu sloohhiiká.

Matayo 8:26

Giri báy, «Mas da'ayuumitá', kuungaásingá' haratlintaao niina.» Siiwadár kilae iri tláy, fur'a nee tlawto giri iigahhaát, umuúqo gaaro iri xaslít.

Luka 12:20

Ala heé aáng kuri báy nee Mungú, ‹Kuúng a daktani. Xweerakaá laarihe kuúng a gwá'. Nee muruudá' taa amohhe'eemaamís oo heemá?›

Luka 12:39

Ala xuaak, adór heé do' loó' geera siiwár fisusmo do'ós ngu gaasi birngi xuu', geera fisusmoodá' pa/aangw gu slayká oo do'odá' ngur gaasi.

Ebrania 13:6

Gawaá adoorihe atén adoorí a aleeslawaán ar haratlintaao ooaro, «Aako an alee/iisusmooeé', a da'ayumiitaaká. Hee gár i aníng i tleehhi a umós?»